Intembauzyo 28
28
Intembauzyo ya-Davida
1O Jehova, ndakwiilila nduwe;
Utandibedi cimuumu, O indomba yangu.
Na wandibeda cimuumu,
Inga ndaba mbuli baabo baya mukabanda.
2Swiilila ijwi lyakukomba kwangu nenkwiilila nduwe,
Nentambika maanza aangu kucikombelo cako cisalalisya.
3Utandikweli antoomwe abasizibi,
Abaabo bacita bubi,
Baamba caluumuno abeenzinyina,
Anukuti mumyoyo yabo muli bubi,
4 #
Ciy 22:12; 2 Tim 4:14 Kobabweedezya bulumbu bweelede milimo yabo,
Bulumbu bweelede bubi bwancito zyabo.
Kobabweedezya mbubonya mbuli milimo yamaanza aabo,
Ubabweedezye ncibeelede.
5Mbubatabiki myoyo yabo kumilimo ya-Jehova,
Nikuba kuncito zyamaanza aakwe,
Ulabanyonyoona, nkabela tabakooyoobuka limbi,
6Alumbwe Jehova,
Nkaambo waswiilila ijwi lyankumbilo zyangu.
7 #
Int 18:2
Jehova ninguzu zyangu, nintobo yangu;
Moyo wangu ulamusyoma, aboobo ndagwasigwa,
Moyo wangu wakondwa loko,
Ndamutembaula alwiimbo lwangu.
8Jehova ninguzu zya bantu bakwe,
Lubaya lwalufutuko lwamunanike wakwe,
9Futula bantu bako akulongezya lukono lwako.
Ubeembele akuba bukata lyoonse.
Currently Selected:
Intembauzyo 28: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
