Intembauzyo 29
29
Intembauzyo ya-Davida
1 #
Int 96:7-9; 1 Mak 16:28,29 Amupe Jehova, nubaangelo,
Amupe Jehova bulemu anguzu,
2Amupe Jehova bulemu bweelede izina lyakwe,
Amukotamine Jehova mubweebesi busalalisya,
3Ijwi lya-Jehova lilamvwigwa atala amaanzi;
Leza wabulemu uladilima;
Jehova ulamvwigwa atala amaanzi manji.
4Ijwi lya-Jehova lili anguzu;
Ijwi lya-Jehova lilizwide bulemu,
5Ijwi lya-Jehova lilabbalaula misamu yakedari;
Jehova ulabbalaula makedari aa-Lebano,
6 #
Int 114:4; Dt 3:9 Cilundu ca-Lebano ulacisotausya mbuli munamani,
Acalo ca-Sirioni mbuli mwana munyati.
7Ijwi lya-Jehova lilaandaula amabangabanga aamulilo.
8 #
My 13:26
Ijwi lya-Jehova lilazungaanya inkanda,
Jehova ulazungaanya inkanda ya-Kadesi.
9Ijwi lya-Jehova lilatyolaula mibanga,
Lilazyulaula masaka.
Muntempele yakwe boonse balati, Alemekwe!
10 #
Int 93:4
Jehova ulikede atala lyazambangulwe,
Jehova ulikede acuuno cabwami lyoonse.
11 #
Is 40:29
Jehova ulapa bantu bakwe inguzu,
Jehova ulalongezya bantu bakwe aluumuno.
Currently Selected:
Intembauzyo 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
