Intembauzyo 27
27
Intembauzyo ya-Davida
1Jehova, ngumumuni wangu alufutuko lwangu. Ino ngwani ngwenjoowa?
Jehova ninguzu zyabuumi bwangu, Ngwani ngwencija?
2Basizibi nibaswena kulindime kuzoondilya nyama,
Basinkondoma abaabo bandipenzya mbombabo balebwa akuwida ansi,
3Nekuba kuti inkamu yalibamba kundilwisya, moyo wangu tuuyoowi;
Nekuba kuti inkondo yandibukila, nsileki kusyoma,
4Nkocili cintu comwe ncenkumbila kuli-Jehova, ncenjandaula;
Nkokuti nkale muŋanda ya-Jehova mazuba oonse aabuumi bwangu,
Kuti njeebele bubotu bwa-Jehova akuliiya makani mucikombelo cakwe,
5 #
Tus 18:10; Is 4:6; Kol 3:3 Nkaambo ulandiyubika mucilao cakwe mubuzuba bwamapenzi;
Ulandisisa mucisisilo cakwe, akunditansika atala andomba.
6Lino mutwe wangu ulasumpuka kwiinda basinkondoma bandeengelede;
Ndapaizya zipaizyo zyakukondwa mucilao cakwe;
Ndaimba nyimbo zyakutembaula Jehova.
7Swiilila ijwi lyangu nenjiita, O Jehova;
Kondifwida luzyalo akundivwiila.
8Wakaamba kuti, Amuyandaule busyu bwangu.
Moyo wangu ulakwaambila kuti,
Busyu bwako, O Jehova, ndabuyandaula.
9Utandiyubikili busyu bwako,
Utandisowi ndemulanda wako cabukali, yebo nowakali mugwasyi wangu.
Utandisii nekuba kundilekelezya, O Leza walufutuko lwangu,
10 #
Is 49:15; Joh 16:32; 2 Tim 4:16-18 Taata abama nebandisia,
Jehova ulandibamba.
11Undiiyisye inzila yako, O Jehova;
Undeenzye munzila iiluleme, nkaambo kabasinkondoma.
12 #
1 Sam 22:9; Mt 26:59,60 Utandaabi kumakanze aabasinkondoma,
Nkaambo bakamboni babeji bandibukila,
Balindifundilide.
13 #
Int 112:7,8 Ndasyoma kubona bubotu bwa-Jehova
Nencipona ansi.
14 #
Int 62:1,5; Is 25:9; Hab 2:3 Lindila Jehova!
Koyuma, amoyo wako ujate inguzu.
Lindila Jehova!
Currently Selected:
Intembauzyo 27: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
