Intembauzyo 20
20
Kumupati wabasikwiimba. Intembauzyo ya-Davida
1 #
Is 50:10
Jehova amuvwiile mubuzuba bwamapenzi;
Izina lya-Leza wa-Jakobo likutabilile.
2Akutumine lugwasyo kuzwa kucikombelo,
Akukupa inguzu kuzwa ku-Zioni.
3Ayeeye zituuzyo zyako zyoonse,
Amafuta aazipaizyo nzyotenta atambulike kulinguwe.
4 #
1 Joh 5:14,15 Akupe mbubonya mboyanda mumoyo wako,
Akuzuzikizya makanze aako oonse.
5 #
Is 12:1,2; 1 Sam 17:45 Tukawiililizye kukuzunda kwako,
Tusumpule indembela zyesu muzina lya-Leza wesu,
Jehova akuzuzikizizye inkumbilo zyako zyoonse.
6Lino ndizi kuti Jehova ulafutula munanike wakwe;
Ulamuvwiila kuzwa kumajulu aakwe aasalala;
Ulamufutula kunguzu zyajanza lyakwe lyalulyo.
7 #
Bab 7:7
Bamwi balasyoma inkalaki, bamwi imbizi,
Pele swebo tulaibaluka izina lya-Jehova Leza wesu,
8Balo baladadalika, balawa,
Anukuti swebo tulaima nji,
9O Jehova, futula mwami wesu;
Kotuvwiila mubuzuba bwakukwiila kwesu.
Currently Selected:
Intembauzyo 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
