Intembauzyo 19
19
Kumupati wabasikwiimba. Intembauzyo ya-Davida
1 #
Is 40:22; Rom 1:19 Kujulu kulaamba bulemu bwa-Jehova,
Mweenya uukwazeme ulatondezya milimo yamaanza aakwe,
2Buzuba bulaambila buzubanyina,
Masiku alazibya masikunyina.
3Taakwe mwaambo, taakwe majwi;
Ijwi lyazyo talimvwigwi;
4 #
Rom 10:18
Nekubaboobo mulazyo wazyo ulasika muluwa loonse,
Amajwi aazyo alasika kumagolelo aanyika,
Mulinzizyo mwabikide cilao cazuba.
5 #
Muk 11:7
Lyalo lili mbuli sibwiinga uuzwa muŋanda yakwe,
Lilakondwa mbuli singuzu uusiyana.
6 #
Muk 1:5
Mazwido aalyo njempela yajulu,
Amusinzo walyo ulasika kumabbililo aalyo.
Taakwe cisisidwe kukupya kwalyo.
7Mulao wa-Jehova ulilondokede, ulabusya muuya;
Bukamboni bwa-Jehova bulasyomeka, bulasongwaazya batezi,
8 #
Neh 9:13; Rom 7:12 Milao ya-Jehova ililuleme, ilatangaazya moyo;
Milumbe ya-Jehova ilasalala, ilamunikila meso.
9Kuyoowa Jehova kulasalala, takumani.
Imbeta zya-Jehova nzyakasimpe, zililuleme zyoonse.
10Zilayandika kwiinda ingolida, kwiinda ingolida zinji loko;
Zilalweela kwiinda buci buloka mucimbulwe.
11 #
Tus 6:22,23 Mulanda wako ulalayigwa kulinzizyo,
Akuzibamba nkokuleta bulumbu bupati.
12Ngwani uumvwisya indubyo zyakwe?
Undisalazye kuzibi zitabonwi.
13Unditabilile ndemulanda wako kulizyakucita cali,
Kuti zitabi abwami alindime.
Lino ndondoke,
Ntakajani mulandu mupati
14 #
Is 44:6
Majwi aamulomo wangu amiyeeyo yamumoyo wangu,
Zyoonse zitambulike kumeso aako,
o Jehova, mwaala wangu anguzu zyangu.
Currently Selected:
Intembauzyo 19: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
