Intembauzyo 119
119
ALEPH
1 #
Int 128:1
Bali acoolwe baluleme munzila,
Bcenda mumulao wa-Jehova.
2 #
Dt 4:29
Bali acoolwe babamba imbeta zyakwe,
Bamuyandaula camoyo woonse.
3 #
Rom 7:16,17; 1 Joh 3:9 Ncobeni tabaciti bubi,
Baleenda munzila zyakwe.
4Nduwe watwaabila malailile aako,
Kuti acitwe loko,
5 #
Jer 31:33; Rom 7:22,23; 2 Kor 3:5 Inzila zyangu ziime nji,
Mbamhe milazyo yako,
6 #
Job 22:26; 1 Joh 2:28 Lino nsikoofwa insoni,
Nkaambo kakuyeeya milumbe yako yoonse.
7Njookulumba amoyo uululeme,
Ndamana kwiiya imbeta zyako ziluleme.
8Njoobamba milazyo yako:
Utandilekelezyi loko.
BETH
9 #
Tus 1:4,10 Ino mukubusi asalazye buti inzila yakwe?
Ulaibamba mbubonya mbuli ijwi lyako,
10 #
2 Mak 15:15
#
Bab 12:3; Job 13:14 Ndakuyandaula amoyo wangu woonse;
Utandizumizyi kuleya mumilazyo yako.
11 #
Lk 2:19
Majwi aako ndaayobola mumoyo wangu,
Kuti ntakubisizyi.
12Ulumbwe webo, O Jehova;
Undiiyisye milazyo yako.
13Milomo yangu ilaluula
Imbeta zyoonse zyakumulomo wako.
14Ndabotelwa inzila yamilumbe yako,
Mbuli uuvubide lubono lunji.
15 #
Int 1:2
Njooyeeya milazyo yako,
Akubika moyo wangu kunzila zyako.
16Ndakondelwa imbeta zyako,
Nsilubi majwi aako.
GIMEL
17Bamba kabotu mulanda wako;
Kuti mpone akubamba majwi aako.
18Bbanuna meso aangu,
Mbone zintu zigambya zyamumulao wako.
19 #
Matl 47:9; Heb 11:13 Ndi mweenzu ansi ano,
Utandisisili milazyo yako.
20Moyo wangu uliwizukide,
Nkaambo kakusukamina imbeta zyako lyoonse.
21Watapatila basikamikami batukidwe,
Baleyauka mumbeta zyako.
22Undigwisizye masampu alunyansyo,
Nkaambo ndibambide milumbe yako.
23Nekuba kuti bami balikede akundilengelela kaambo,
Mulanda wako ulayeeya imbeta zyako.
24Milumbe yako njindibotezya,
Mbebasinkuta bangu.
DALETH
25 #
Int 143:11
Moyo wangu ulilede mulusuko:
Undibusye mbubonya mbuli ijwi lyako.
26 #
1 Bam 8:36; Int 27:11 Ndakaluula inzila zyangu, nkabela wakandivwiila.
Undiiyisye milazyo yako,
27Undizibye inzila yamalailile aako,
Lino njooyeeya makani aamilimo yako iigambya.
28Moyo wangu ulawizuka nkaambo kabuusu;
Undibusye mbubonya mbuli ijwi lyako,
29 #
Tus 30:8; Heb 8:10 Inzila yabubeji koigwisya kulindime;
Muluzyalo lwako undiiyisye mulao wako,
30Ndakasala inzila yabusyomeki;
Imbeta zyako ndizibikide kubusyu bwangu,
31Ndakakatila kumilumbe yako;
o Jehova, utanduusyi insoni.
32 #
1 Bam 4:29; Is 60:5; 2 Kor 6:11 Njoozuzaanina munzila yamilazyo yako,
Noyookomezya moyo wangu.
HE
33 #
Mt 10:22; Ciy 2:26 Undiiyisye inzila yambeta zyako, O Jehova,
Nkabela nooibamba mane kusikila kumamanino.
34 #
Tus 2:6; Jak 1:5 Undipe busongo bwakubamba mulao wako
Akuujatisya camoyo woonse.
35Undeenzye mumugwagwa wamalailile aako,
Nkaambo ngonguwo uundibotezya.
36 #
Ezk 33:31; Mk 7:21; Lk 12:15; 1 Tim 6:10; Heb 13:5 Boozya moyo wangu kumilumbe yako,
Kuti uteemuzyi imbono.
37 #
Job 31:1
Gwisya meso aangu kukulangilila zyabuyo,
Akundipa buumi munzila yako,
38 #
2 Sam 7:25
Zuzikizya ijwi lyako kumulandu wako,
Lili kulibaabo bakuyoowa.
39Gwisya lusampuko lundiyoosya,
Nkaambo imbeta zyako nimbotu.
40Bona, ndisukeme milumbe yako!
Undiponye mubululami bwako.
VAU
41Luzyalo lwako lundisikile, O Jehova,
Lufutuko lwako, mbubonya mbowaamba.
42Lino njookonzya kuvuwa basikundisampaula,
Nkaambo ndasyoma ijwi lyako,
43Utanyanzyi ijwi lyalusinizyo kumulemo wangu,
Nkaambo ndasyoma imbeta zyako.
44Aboobo njoobamba mulao wako
Lyoonse alyoonse kukabe kutamani.
45 #
Joh 8:32,36; Rom 8:2 Lino nooenda mubusena bukwazeme,
Nkaambo ndayandaula milumbe yako.
46 #
Mt 10:18; Inc 26:1,2 Njooluula imbeta zyako kubusyu bwabami,
Nsikooyoousa insoni pe,
47Ilandikondezya milazyo yako,
Njenjandisya.
48Njoosumpula maanza aangu kumilazyo yako njenjandisya.
Njooyeeya imbeta zyako.
ZAYIN
49Ingasila ijwi ndowakaambila mulanda wako,
Ndendilyo ndowakandisyomya,
50 #
Int 27:13; Jer 15:16; Rom 5:3-5 Nceeci cinduumbulizya mumapenzi aangu:
Ijwi lyako lyandibusya.
51 #
Jer 20:7; Job 23:11 Basikamikami bandisampaula loko,
Pele nsina kuleya kumulao wako,
52Ndayeeya imbeta zyako zyakale, O Jehova,
Aboobo ndalyuumbulizya.
53 #
Ezr 9:3
Bukali bulindijisi,
Nkaambo kabasizibi baleka mulao wako,
54Imbeta zyako zyaba inyimbo zyangu
Muŋanda yabubala bwangu,
55 #
Int 63:6
Ndayeeya izina lyako masiku, O Jehova,
Ndabamba mulao wako,
56Aya andisikila,
Nkaambo kakubamba malailile aako,
CHETH
57 #
Int 16:5; Jer 10:16; Malo 3:24 Jehova ncaabilo cangu:
Ndasyomezya kubamba majwi aako.
58Ndakumbila luse lwako ca moyo woonse,
Kondifwida luzyalo mbubonya mbuli ijwi lyako,
59 #
Malo 3:40; Joel 2:13; Lk 15:17 Ndayeeya inzila zyangu,
Ndatola maulu aangu kumilumbe yako,
60Ndafwambaana, nsimuki,
Kubamba milazyo yako.
61Nekuba kuti tukole twabasizibi tulindijisi,
Nsilubi mulao wako,
62 #
Inc 16:25
Amalungasiku nda buka kukulumba
Nkaambo kambeta zyako ziluleme.
63Ndimweenzinyina boonse bakuyoowa,
Boonse babamba malailile aako,
64 #
Int 33:5
Nyika ilizwide luzyalo lwako, O Jehova,
Undiiyisye imbeta zyako.
TETH
65Wabambila mulanda wako kabotu, O Jehova,
Mbubonya mbuli ijwi lyako.
66Undiiyisye kumvwa akuziba kabotu,
Nkaambo ndizumide milazyo yako.
67 #
Dt 32:15; Jer 31:18; Hos 5:15; Heb 12:11; Ciy 3:19 Nendatakalina kuwida mumapenzi, ndakali kuleyauka,
Pele sunu ndabamba majwi aako,
68 #
Kul 34:6; Int 107:1; Mt 19:7 Yebo uli mubotu, ulacita milimo mibotu;
Undiiyisye milumbe yako,
69 #
Job 13:4
Basikamikami bandilengelela zyakubeja,
Pele ndabamba milazyo yako camoyo woonse,
70 #
Inc 28:27
Moyo wabo ulizwide mafuta,
Pele mebo ndayandisya mulao wako.
71 #
Heb 12:10; Tus 8:10 Cakandibotela kuwida mumapenzi,
Kuti njiiye imbeta zyako.
72Mulao wamulomo wako wandibotela
Kwiinda zyuulu zyangolida azyansiliva.
YOD
73 #
Job 10:8; Int 100:3 Maanza aako akandilenga akundibumba;
Undipe busongo bwakwiiya malailile aako.
74 #
Int 34:2
Bakuyoowa balandibona akusekelela,
Nkaambo ndasyoma ijwi lyako.
75 #
Int 89:30-33; Heb 12:10 Ndizi, O Jehova, kuti imbeta zyako zililuleme,
Alimwi wandipenzya cakusyomeka.
76Luzyalo lwako lunduumbulizye,
Mbubonya mbowakaambila mulanda wako,
77Luzyalo lwako lundisikile, kuti mpone,
Nkaambo mulao wako ngunjandisya.
78 #
Int 25:3
Basikamikami bausigwe insoni,
Nkaambo bandibisizya cakubeja,
Pele mebo ndayeeya milumbe yako.
79Bakuyoowa babike myoyo yabo kulindime,
Kuti bazibe milazyo yako.
80 #
2 Mak 15:7; Tus 4:23; Joh 1:47 Moyo wangu ulondoke mumalailile aako,
Kuti ntausigwi insoni.
KAPH
81 #
Int 42:1,2; 73:26 Moyo wangu ulisukeme lufutuko lwako;
Ndalindila ncowakasyomezya,
82 #
Int 69:3
Meso aangu afwa kulangila ijwi lyako;
Ndati, Ino ukanduumbulizye lili?
83 #
Job 30:30
Ndaba mbuli inkomo yayuminina abusi,
Pele nsilubi imbeta zyako,
84 #
Int 39:4; 7:6 Ali ongaye mazuba namulanda wako?
Uyoobeteka lili bandipenzya?
85 #
Int 35:7
Basikamikami bandisida idindi,
Abo bataswiilili mulao wako.
86 #
Int 7:1-5; 35:19 Milazyo yako yoonse njalusinizyo:
Balandipenzya buyo; undigwasye.
87Basi munyonyoone ansi,
Nekubaboobo nsina kusowa malailile aako.
88Undiponye, mbubonya mbuli luzyalo lwako,
Kuti mbambe milumbe yamulomo wako.
LAMED
89 #
Mt 5:18; 1 Pet 1:25 Lyoonse, O Jehova,
Ijwi lyako lilijatilide kujulu,
90Kusyomeka kwako nkwamazyalani amazyalani.
Nduwe wakasitikizya nyika, lino ilikede mbwa.
91 #
Matl 8:22; Int 148:6; Jer 33:25 Zilijatilide sunu nkaambo kakulailila kwako,
Nkaambo zintu zyoonse mba landa bako.
92 #
Rom 15:4
Nendatali kubotelwa mumulao wako,
Nemfwide mumapenzi aangu,
93Lyoonse nsikooyooluba malailile aako,
Nkaambo kulingao nkondipeda buumi.
94 #
Hos 2:7,16 Ndi wako, undifutule;
Nkaambo ndayandaula milumbe yako.
95Basizibi balandilindila kuti bandinyonyoone,
Pele ndayeeya milazyo yako.
96 #
Is 40:8; Mt 5:18 Ndibwene kuti zintu zyoonse zilondokede zilamana,
Pele ijwi lyako lilikwazeme loko,
MEM
97 #
Int 1:2
Nduuyandisya loko mulao wako!
Nduuyeeya buzuba boonse!
98 #
Dt 4:6,8; Is 48:17 Milazyo yako ilandisongwaazya kwiinda basinkondoma,
Nkaambo ndi ayo lyoonse.
99 #
2 Tim 3:15
Ndijisi luzibo kwiinda baiyi bangu boonse,
Nkaambo nja buyeeya milumbe yako,
100 #
Job 12:12; 32:7 Ndijisi busongo kwiinda bapati,
Nkaambo ndabamba imbeta zyako.
101 #
2 Kor 7:1; Tus 1:15 Ndakasya maulu aangu kunzila imbi zyoonse,
Kuti mbambe majwi aako.
102Nsina kupambuka kumbeta zyako,
Nkaambo nduwe wakandiiyisya.
103 #
Int 19:10; Tus 8:11 Wabota mucanka wamajwi aako!
Alanona kwiinda buci mumulomo wangu!
104Malailile aako alandisongwaazya,
Aboobo ndisulide inzila imbi zyoonse.
NUN
105Ijwi lyako ndilampi kuzituta zyangu,
Lilamunikila inzila yangu.
106 #
Neh 10:29
Ndakakonkezya, alimwi ndaimika,
Kuti mbambe imbeta zyako ziluleme.
107Ndipengede loko;
Undibukulusye, O Jehova, mbubonya mbuli ijwi lyako.
108 #
Hos 14:2; Heb 13:15 Utambule inkambilizyo zyamulomo wangu, O Jehova;
Undiiyisye imbeta zyako,
109Buumi bwangu buli mununzunzu lyoonse.
Pele nsilubi mulao wako.
110Basizibi banditeya kakole,
Nekubaboobo nsina kusowa malailile aako.
111 #
Dt 33:4
Milumbe yako ndukono lwangu lyoonse;
Njenjiyo iibotezya moyo wangu.
112Ndabika moyo wangu kukuzuzikizya imbeta zyako,
Lyoonse alyoonse kusikila kumamanino.
SAMECH
113Ndisulide basimyoyoyobile,
Pele mulao wako ndauyandisya.
114 #
Int 32:7
Nduwe mayubilo aangu antobo yangu;
Ndalindila ijwi lyako.
115 #
Int 6:8; Mt 7:23 Amutantamuke kulindime, nobasizibi,
Kuti mbambe milazyo ya-Leza wangu.
116 #
Int 25:2; Rom 5:5; 9:33 Unditabilile mbubonya mbuli kusyomezya kwako, kuti mpone;
Utanduusyi insoni mukusyoma kwangu.
117 #
Int 71:6; Joh 10:28; Rom 14:4 Undikwabilile, kuti mfutuke,
Mbike moyo wangu kumbeta zyako lyoonse.
118Boonse bapambuka kumbeta zyako ulabasowa;
Balalyeena kukubeja kwabo.
119 #
Ezk 22:18
Ulalesya boonse basizibi baansi mbuli mankwisila;
Nkaambo kako ndayandisya milazyo yako.
120 #
Hab 3:16
Mubili wangu ulakankama kubusyu bwako;
Ndayoowa imbeteko zyako.
AIN
121Ndacita ziluleme azilomene;
Utandisii kulibasikundipenzya,
122 #
Heb 7:22
Upe mulanda wako citondezyo calusyomo;
Basikamikami batandipenzyi.
123Meso aangu afwa kulangila lufutuko lwako,
Ajwi lyabululami bwako.
124Undicitile caluzyalo ndemulanda wako; U
ndiiyisye milumbe yako.
125Ndi mulanda wako; undipe busongo,
Kuti nzibe milazyo yako,
126Nceciindi Jehova nceelede kubeleka,
Nkaambo batyola mulao wako,
127 #
Int 19:10; Ef 3:8; Tus 3:13,18; 8:11 Nkaambo kako ndayandisya malailile aako
Kwiinda ingolida, ii, kwiinda ingolida loko.
128Ndabamba intaamu zyangu kumilumbe yako;
Inzila zyoonse zibi ndizisulide.
PE
129Milumbe yako ilagambya!
Moyo wangu ulaibamba.
130 #
Int 19:11; Tus 1:4; 2 Pet 1:19 Kupandulula majwi aako kulamunikila,
Kulasongwaazya batezi,
131Ndaasama, ndafwekemba,
Nkaambo ndisukeme milazyo yako,
132 #
Kul 4:31; 1 Sam 1:11; Int 106:4 Utandifutatili, undifwide luzvalo,
Mbubonya bweelede bayandisya izina lyako.
133 #
Rom 6:12
Enzya maulu aangu kujwi lyako;
Kutabi bubi bujisi bwami kulindime.
134 #
Lk 1:74
Undinunune kukupenzya kwabantu,
Kuti mbambe malailile aako.
135 #
Int 4:6
Munikila mulanda wako abusyu bwako,
Akundiiyisya imbeta zyako.
136 #
Jer 9:1
Meso aangu alakunka milonga yamisozi
Nkaambo kabaabo batabambi mulao wako.
TZADE
137 #
Neh 9:33; Jer 12:1; Dan 9:7 Uliluleme, O Jehova,
Ambeteko zyako zililuzi,
138Wakalailila milazyo yako cakululama
Acakusyomeka loko,
139Busungu bwangu bulandilya,
Nkaambo basinkondoma balaluba majwi aako,
140Majwi aako asyomeka loko;
Nkaambo kako mulanda wako ulaayandisya.
141 #
Am 7:2; Lk 6:20; 2 Kor 8:9; Jak 2:5 Mebo ndimuniini, ndisampukide,
Pele nsilubi malailile aako.
142 #
Int 19:9; Joh 17:17; Ef 1:13 Bululami bwako mbululami butamani;
Mulao wako ngwalusinizyo.
143Mapenzi amafwabi alindijisi,
Nekubaboobo malailile aako ndaayandisya loko,
144Milumbe yako ililuleme cakutamana;
Undipe busongo, kuti mpone.
KOPH
145Ndakwiila amoyo wangu woonse; undivwiile, O Jehova;
Lino njoobamba imbeta zyako.
146Ndakwiita; undifutule,
Kuti mbambe milumbe yako,
147Kubucedo ndoongolola;
Ndalindila ijwi lyako.
148 #
Int 63:1,6 Ndaba acilabila masiku,
Kukuyeeya majwi aako.
149Swiilila ijwi lyangu muluzyalo lwako;
Undibusye, O Jehova, mukubeteka kwako.
150Abo bayandaula bubi bandiswenenena,
Bali kule kuzwa kumulao wako,
151 #
Int 145:18
Yebo uli kufwaafwi, O Jehova;
Amilazyo yako yoonse njalusinizyo.
152 #
Lk 21:33
Kuzwa kalekale ndizi milumbe yako,
Nkaambo waibika kuti ikalilile lyoonse.
RESH
153 #
Malo 5:1
Bona mapenzi aangu, undivune,
Nkaambo nsilubide mulao wako,
154 #
1 Sam 24:15; Int 35:1; Mik 7:9 Undikoswede makani akundivuna;
Undibusye mbubonya mbuli ijwi lyako.
155 #
Job 5:4
Lufutuko luli kule kuzwa kulibasizibi,
Nkaambo tabayandauli imbeta zyako.
156Buuya bwako bulagambya, O Jehova;
Undibusye mbubonya mbuli kubeteka kwako.
157Basinkondoma abasikundipenzya mbanji,
Pele mina kupambuka kuzwa kumilumbe yako,
158Ndabona basilweeno, lino ndasesemwa,
Nkaambo tababambi majwi aako,
159Bona mbunjandisya malailile aako!
o Jehova, undibusye muluzyalo lwako.
160Mitwe yamajwi aako ndusinizyo.
Imbeta zyako ziluleme zilakalilila lyoonse.
INTEMBAUZYO SHIN
161 #
1 Sam 24:11
Bami balandipenzya cabuyo,
Pele moyo wangu ulayoowa ijwi lyako.
162Ndakondwa kujwi lyako,
Mbubonya mbuli muntu uujana imbono zinji.
163Ndisulide akusesemwa bubeji,
Pele mulao wako ndauyandisya.
164Ndakutembaula ziindi zili musanu azibili abuzuba,
Nkaambo kambeta zyako ziluleme.
165 #
Tus 3:2; Is 32:17 Abo bayandisya mulao wako balijisi luumuno lunji;
Tabajisi cibalebya.
166Ndalindila lufutuko lwako, O Jehova;
Amilazyo yako ndaicita.
167Moyo wangu ulabamba milumbe yako.
Ndaiyandisya loko.
168 #
Job 34:21; Tus 5:21 Ndajatisya milazyo yako amalailile aako;
Nkaambo inzila zyangu zyoonse zili kubusyu bwako,
TAU
169Kulila kwangu kuswene kulinduwe, O Jehova;
Undisongwaazye, mbubonya mbuli ijwi lyako.
170Cikumbizyo cangu cimvwigwe kulinduwe;
Undivune mbubonya mbuli ijwi lyako.
171Milomo yangu ibe kasensa kantembauzyo,
Nkaambo ulandiiyisya imbeta zyako.
172Lulimi lwangu luimbe majwi aako,
Nkaambo milao yako yoonse njabululami.
173 #
Jos 24:22; Tus 1:29; Lk 10:42 Ijanza lyako lindigwasye,
Nkaambo ndasala malailile aako.
174Ndisukeme lufutuko lwako, O Jehova;
Mulao wako ndauyandisya loko.
175Mpone, kuti nkutembaule.
Imbeteko zyako zindigwasye.
176 #
Is 53:6; Mt 10:6; Lk 15:4; 1 Pet 2:25; Ezk 34:6; Mt 18:11 Ndaleyauka mbuli imbelele iiswekede;
Undilangaule ndemulanda wako,
Nkaambo nsilubide milazyo yako.
Currently Selected:
Intembauzyo 119: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
