Intembauzyo 120
120
Lwiimbo lwakutansya
1Mumapenzi aangu ndakalilila Jehova,
Nkabela wakandivuwa.
2Ndivuna, O Jehova, kumilomo iibeja,
Akululimi lwalweeno.
3Ino upegwenzi? Ucitilwenzi,
o lulimi lwalweeno?
4Mivwi yasilumamba iibosya,
Amakala aamwaani.
5 #
Matl 10:2; 1 Sam 25:1; Jer 49:28 Maawe mebo nenkala mucisi ca-Meseki,
Nenkede muzilao zya-Kedara!
6Ndakala ciindi cilamfu
Akati kabaabo basulide luumuno.
7Mebo ndayandisya luumuno,
Pele na ndaamba, balo balayanda inkondo.
Currently Selected:
Intembauzyo 120: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
