Intembauzyo 118
118
1 #
1 Mak 16:18,34; 2 Mak 5:13; 7:3; Ezr 3:11; Int 100:5; 106:1; 107:1; 136:1; Jer 33:11 Amulumbe Jehova, nkaambo mubotu,
Nkaambo luzyalo lwakwe talweeli.
2 #
Int 115:9
Ba-Israyeli baambe kuti,
Luzyalo lwakwe talweeli,
3Luzubo lwa-Aroni luambe kuti,
Luzyalo lwakwe talweeli.
4Boonse bayoowa Jehova baambe kuti,
Luzyalo lwakwe talweeli.
5 #
Int 18:19
Mukupenga kwangu ndakakwiilila Jehova,
Lino Jehova wakandivuwa, wandaangununa,
6 #
Heb 13:6
Jehova nguundigwasya, nsikonzyi kuyoowa.
Muntu andicitilenzi?
7 #
Int 54:4
Jehova uli akati kabaabo bandigwasya,
Njoobona mbunjanda kulibasinkondoma.
8 #
Int 62:8; Is 2:22; Jer 17:5,7 Kuyubila muli-Jehova nkubotu
Kwiinda kusyoma bantu.
9 #
Int 146:3; Is 30:2,3 Kuyubila muli-Jehova nkubotu
Kwiinda kusyoma bami.
10Bamasi boonse balindeengelede,
Pele muzina lya-Jehova njoobanyonyoona.
11 #
Int 88:17
Balindeengelede, ncobeni balindeengelede,
Pele muzina lya-Jehova njoobanyonyoona.
12 #
Dt 1:44; Muk 7:6 Balindibumbilide mbuli inzuki,
Balavutauka mbuli mulilo wamamvwa,
Pele muzina lya-Jehova njoobanyonyoona.
13Ndakatontwa loko, ndakasi we,
Pele Jehova wakandigwasya.
14 #
Kul 15:2; Is 12:2 Jehova ninguzu zyangu, ndwiimbo lwangu,
Lino waba lufutuko lwangu.
15Kwamvwigwa ijwi lyakusekelela alyalufutuko muzilao zyabaluleme;
Ijanza lyalulyo lya-Jehova lyacita canguzu;
16 #
Kul 15:6
Ijanza lyalulyo lya-Jehova lyasumpulwa;
Ijanza lyalulyo lya-Jehova lyacita canguzu.
17 #
Int 6:5; 73:28 Nsikoofwa pe, njoopona,
Nkaluule milimo ya-Jehova.
18 #
Tus 3:11,12; 1 Kor 11:32 Kuuma Jehova wanduuma loko,
Pele takwe kundaaba kulufu.
19 #
Is 26:2
Amundijalwide milyango yabululami,
Njile mulinjiyo akulumba Jehova.
20 #
Int 24:7; Is 35:8 Ngooyu mulyango wa-Jehova:
Balulami balanjila mulinguwo.
21Ndakuhimba, nkaambo wandivwiila,
Waba lufutuko lwangu.
22 #
Mt 21:42; Mk 12:10; Lk 20:17; Inc 4:11; 1 Pet 2:4,7 #
Mt 21:42; Mk 12:10-11 Ibbwe ndibakasowa bayaki
Ndendilyo lyakaba mutwe wacooko.
23 #
Job 5:9
Aya makani azwa kuli-Jehova,
Alagambya mumeso esu.
24 #
2 Kor 6:2
Mbuboobu buzuba mbwaakalenga Jehova;
Atusekelele akukondwa mulimbubo.
25 #
Mt 21:9; Mk 11:9; Joh 12:13 Akaka Jehova! Utufutule! Akaka Jehova!
Utupe coolwe!
26 #
Zek 4:7; Mt 21:9; 23:39; Mk 11:9; Lk 13:35; 19:38; Joh 12:13 Uli acoolwe uuboola muzina lya-Jehova!
Twakupa coolwe kuzwa kuŋanda ya-Jehova!
27 #
Es 8:16; Mik 7:9; Mal 4:2 Jehova ngu-Leza, watumunikila,
Amwaange cipaizyo atukole kumeja aacipaililo.
28 #
Kul 15:2; Is 25:1 Nduwe Leza wangu! Ndakulumba!
Nduwe Leza wangu! Ndakulemeka,
29Amulumbe Jehova, nkaambo mubotu,
Nkaambo luzyalo lwakwe talweeli.
Currently Selected:
Intembauzyo 118: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
