Intembauzyo 108
108
Lwiimbo. Intembauzyo ya-Davida
1Moyo wangu ulaanzikidwe, O Leza.
Njooimba akutembaula mumuuya wangu.
2Amubuke, O kantimbwa anamalwa.
Mebo ndemwini ndafumisya kubuka,
3Njookulumba, O Jehova, akati kabantu;
Njookutembaula akati kabamasi.
4 #
Mik 7:18-20; My 14:18; Dt 7:9; Int 36:5 Nkaambo luzyalo lwako ndupati, lulasika akujulu;
Busyomeki bwako bulasika akumayoba.
5 #
Int 57:5
Lisumpule, O Leza, kwiinda ijulu;
Bulemu bwako busumpulwe kwiinda nyika yoonse,
6Bayandwi bako bavunwe!
Utufutule ajanza lyako lyalulyo, akutuvwiila.
7Leza waamba mubusalali bwakwe kuti,
Ncobeni njookondwa akwaabanya Sekemu,
Njooabila ikuti lya-Sukoti.
8 #
Matl 49:10
Gileadi nguwangu, Manase nguwangu;
Efraimu ningowani yamutwe wangu,
Juda ngumusako wangu wabwami.
9Moabu ncisambilo cangu,
Ndawaalila Edomu insangu zyangu;
Ku-Filistiya ndoonzoomoka cakuzunda,
10 #
Int 60:9
Ngwani uuyootuleta kumunzi muyumu?
Ngwani uyootunjizya mu-Edomu?
11Sa yebo tokwatusowa, O Leza?
Tosindikili impi zyesu, O Leza.
12Utugwasye kuli basinkondoma,
Nkaambo lugwasyo lwabantu ndwabuyo.
13Muli-Leza tuyoocita canguzu,
Nkaambo ngonguwe uuyoolyataula basinkondoma.
Currently Selected:
Intembauzyo 108: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
