Intembauzyo 109
109
Kumupati wabasikwiimba. Intenibauzyo ya-Davida
1 #
Int 83:1
Utaumuni buyo, O Leza walutembaulo lwangu,
2Nkaambo milomo yabasizibi, milomo yabubeli,
yandaasamina; Bandibikila kaambo cakubeja.
3 #
1 Sam 19:4,5; Int 35:7,20; Joh 15:25 Bandibika akati kamajwi aalusulo,
Bandilwisya atakwe mulandu.
4Bandipilusizya inkondo mucimanga caluyando lwangu,
Nekuba kuti ndabakombela.
5 #
Int 38:20
Bandipilusizya bubi mucimanga cabubotu,
Alusulo kuluyando lwangu.
6Bika muntu mubi abe silutwe wakwe;
Sikulengelela aime kujanza lyakwe lyalulyo.
7 #
Tus 28:9
Mukubetekwa kwakwe apegwe mulandu;
Bukombi bwakwe bube cibi.
8 #
Is 25:10; 30:3; Mal 4:3; Inc 1:20 #
Inc 1:20
Mazuba aakwe aeeye;
Bwami bwakwe kubutole umbi.
9 #
Kul 22:24; Jer 18:21 Bana bakwe babe bamucaala,
Abanakwe babe mukamufu.
10 #
Matl 4:12
Bana bakwe babe basimutuntuli bakumbila zilyo;
Batandwe kubukalo bwabo busaale.
11 #
Job 18:9
Sikumukolotesya amunyanzye zyoonse nzyajisi;
Bazwakule banyonyoone micelo yamilimo yakwe.
12Kutabi uumufwida luzyalo,
Nanka kuusila bamucaala bakwe.
13 #
Int 37:28; Tus 10:7 Lunyungu lwakwe alumaninine;
Muzyalani liciza izina lyabo liziminganizigwe.
14 #
Kul 20:5; Neh 4:5 Milandu yabamawisi italubwi kuli-Jehova,
Azibi zyabanyina zitaziminganizigwi.
15 #
Job 18:17
Jehova azijatisye mumiyeeyo yakwe lyoonse
Mane lumwi atayeeyegwi limbi ansi.
16Nkaambo takwakayeeya kucita caluzyalo,
Pele wakali kupenzya bacete abatengwana,
Abatyokedemyoyo wakali kubatanda akusikila kulufu,
17Kayandisya kusinganya, aboobo kwakamupilukila.
Katayandi kulongezya, aboobo kwakamutantamuka,
18Kalisamika kusinganya mbuli cibaki,
Lino kwakamunjila mbuli maanzi,
Amuzifuwa zyakwe mbuli mafuta.
19Kumubede mbuli ingubo yakulivumba,
Ambuli lutambo ndwaalyaanzya lyoonse,
20Mbuboobo bulumbu bwabasinkondoma buzwa kuli-Jehova,
Abwabaabo baamba aabubi kubuumi bwangu,
21Pele webo, O Mwami Jehova, undicitile nkaambo kazina lyako;
Undifutule, nkaambo luzyalo lwako ndubotu.
22Nkaambo mebo ndi mucete, ndipengede;
Moyo wangu uliyasidwe mukati kangu.
23Nja bumana mbuli eenzule cagoko,
Ndatapaulwa mbuli cisozi,
24 #
Heb 12:12
Mazwi aangu akankama nkaambo kakuliimya zilyo,
Nyama yangu yakotela, yabula mafuta.
25 #
Is 37:22; Mt 27:39; Mk 15:29 Ndaba cisampuko kulimbabo;
Bandibona buyo, balatikita mitwe yabo.
26Undigwasye, O Jehova Leza wangu;
Undifutule muluzyalo lwako.
27 #
Job 37:7
Bazibe kuti eli ndijanza lyako;
Nduwe wakacicita.
28 #
My 22:12; Is 65:14 Basinganye, pele webo ulongezye.
Bandibukila bausigwe insoni,
Pele mulanda wako abotelwe.
29Basikundibika kaambo basamikwe masampu,
Insoni zyabo zibavumbe mbuli ingubo.
30Njoolumbisya Jehova umulomo wangu,
Njoomutembaula akati kabuleya.
31Nkaambo uliimvwi kujanza lyalulyo lyamucete,
Kuti amuvune kulibaabo bamubeteka.
Currently Selected:
Intembauzyo 109: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
