Intembauzyo 107
107
1 #
1 Mak 16:34; 2 Mak 5:13; 7:3; Ezr 3:11; Int 100:5; 106:1; 118:1; 136:1; Jer 33:11; Mt 19:17 Amulumbe Jehova, nkaambo mubotu,
Nkaambo luzyalo lwakwe talweeli.
2Baambe obo banunune ba-Jehova,
Mbaakanununa kumaauza aabaabo ibakabalwisya,
3 #
Int 106:47; Is 49:12; Jer 29:14; Ezk 39:27 Mbaakaboozya kuzwa akati kabamasi,
Kuzwa kujwe akumbo,
Kuzwa kunyika akumusanza.
Kabatuntulika munkanda, munzila yagundu;
4Teebakajana munzi wakukala.
5Bakafwa inzala anyota,
Mane myoyo yabo yakawizuka mukati kabo.
6 #
Int 50:15; Is 41:17; Jer 29:12-14; Hos 5:15 Mpoonya awo bakakwiilila Jehova mumapenzi aabo,
Nkabela wakabafutula kukufwaba kwabo.
7 #
Ezr 8:21; Is 63:12 Wakabeenzya munzila iiluleme,
Kuti baye kumunzi wakukala,
8Balumbe Jehova nkaambo kaluzyalo lwakwe,
Amilimo yakwe iigambya njacitila bana ba-Adamu!
9 #
Int 34:10; Is 55:1; Mt 5:6; Lk 1:53 Nkaambo ulalamya moyo wabasukeme,
Amuuya uufwa inzala ulaukutya bubotu.
10 #
Job 36:8
Bamwi kabakede mumudima amucenzule calufu,
Kabaangidwe mumapenzi amunketani,
11 #
Malo 3:42; Int 73:24; Inc 20:27 Nkaambo kakupapila majwi aa-Leza
Akusampaula makanze aa-Mupatikampatila.
12 #
Is 63:5
Myoyo yabo yakalemenwa makataazyo;
Bakadadalika, pele katakwe sikubagwasya.
13Mpoonya awo bakakwiilila Jehova mumapenzi aabo,
Nkabela wakabafutula kukufwaba kwabo,
14 #
Int 146:7; Inc 12:7 Wakabagwisya mumudima amucenzule calufu,
Watyolaula zyaanzyo zyabo zyoonse,
15Balumbe Jehova nkaambo kaluzyalo lwakwe,
Amilimo yakwe iigambya njacitila bana ba-Adamu!
16 #
Is 45:2
Nkaambo wapwayaula makoma aamukuba,
Aminkulu yabutale waigonkaula.
17 #
Int 14:1; Tus 1:22; Malo 3:39 Bamwi bakali balwazi nkaambo kaziyanza zyabo zibi,
Akuciswa nkaambo kamilandu yabo.
18Myoyo yabo kaisesemwa zilyo zyoonse;
Kabaswena kumilyango yalufu.
19Mpoonya awo bakakwiilila Jehova mumapenzi aabo,
Nkabela wakabafutula kukufwaba kwabo.
20 #
My 21:8; 2 Bam 20:4; Mt 8:8 Wakatuma ijwi lyakwe, wabaponya,
Wabavuna kulunyonyooko lwabo.
21Balumbe Jehova nkaambo kaluzyalo lwakwe,
Amilimo yakwe iigambya njacitila bana ba-Adamu!
22 #
Lev 7:12; Int 50:14; Heb 13:15 Bapaizye zipaizyo zyakulumba;
Akuluula milimo yakwe cakutembaula,
23Bamwi bakainka kulwizi mumaato,
Kuyoocita milimo mumaanzi malamfu,
24Abalo bakabona milimo ya-Jehova
Amaleele aakwe ngaacita mubbonze.
25Nkaambo wakaamba, wabusya muuwo uungisya,
Aboobo mayuwe akafuta.
26 #
Int 22:14; Is 13:7 Bakali kusumpulwa kujulu akubbizigwa ansi,
Mane myoyo yabo yakawizuka mumapenzi aabo.
27Bakali kudadalika akuzembaana mbuli bakolwi;
Bakafwidwa maanu nabo oonse,
28Mpoonya awo bakakwiilila Jehova mumapenzi aabo,
Nkabela wakabavuna mukufwaba kwabo,
29 #
Int 65:7; Is 50:2; Mt 8:26; Mk 4:39-41 Wakaumuzya muuwo wii!
Mayuwe aalo akatontola,
30Mpoonya awo bakakondwa nkaambo kakuumuna,
Aboobo wakabasisya kucito ncebakayanda.
31Balumbe Jehova nkaambo kaluzyalo lwakwe,
Amilimo yakwe iigambya njacitila bana ba-Adamu!
32Bamulemeke mumbungano yabantu,
Bamutembaule kukede bapati.
33 #
1 Bam 17:1; Is 34:9,10; Ezk 30:12; Joel 1:20; Nah 1:4 Ulasandula milonga kuba inkanda,
Atusensa twamaanzi kuba nyika yacimpayuma;
34 #
Matl 13:10
Nyika yambolezi ilaba pale,
Nkaambo kabubi bwabaabo bakede mulinjiyo.
35 #
Is 41:18
Ulasandula inkanda kuba iziba lyamaanzi,
Anyika yacimpayuma kuba tusensa twamaanzi,
36 #
Inc 17:26
Aboobo ulakazika basinzala nkukonya oko,
Kuti bayake munzi wakukalila.
37Balabyala myuunda, balazikila misaansa,
Kuti ba te bule micelo.
38 #
Matl 12:2
Ulabalongezya akubavuzya loko;
Azyalo iŋombe zyabo tazicesyi,
39 #
2 Bam 10:32; Job 12:21 Na bacesegwa akufwinsigwa,
Nkaambo kabubi amapenzi abuusu,
40Ulatikizya bami masampu,
Ulabatuntulisya munkanda iitakwe inzila.
41 #
1 Sam 2:8; 2 Sam 7:8; Job 8:7 Pele bacete ulabagwisya mumapenzi,
Ulabavuzya mbuli imbelele.
42 #
Job 22:19; 5:16; Tus 10:11 Lino baluleme balabona, balasekelela,
Nkabela bubi boonse bulajala mulomo.
43 #
Jer 9:12
Kufumbwa uusongwaala, abambe makani aya,
Bantu bayeeye luzyalo lwa-Jehova mbulubede.
Currently Selected:
Intembauzyo 107: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
