Tusimpi 30
30
Majwi aa-Aguri
1Ngaaya majwi aa-Aguri mwana wa-Jake, cilengano.
Mbuboobu muntu mbwaambila Itiyeli,
Itiyeli a-Ukali.
2 #
Int 73:22
Ncobeni ndisicizindwe, nsili muntu,
Nsijisi maanu aabuntu.
3Nsina kwiiya busongo,
Nsijisi luzibo lwa-Uusalala.
4 #
Joh 3:13; Job 38:4 Ngwani wakatanta kujulu akuboola ansi?
Ngwani wakajata muuwo mumaanza aakwe?
Ngwani wakaanga maanzi mucikobela?
Ngwani wakaimika masimpilo oonse aanyika?
Ngwani izina lyakwe azina lyamwanaakwe?
Sa tozi?
5 #
Int 12:6; 18:30; 84:11 Majwi oonse aa-Leza alasyomeka;
Nintobo kuliboonse bacijila kulinguwe,
6 #
Dt 4:2; Ciy 22:18 Utayungizyi kumajwi aakwe,
Kuti utatapatilwi akuba mbuli mubeji,
7Nkuzili zintu zyobile nzenkumbila kulinduwe;
Utandiimi nzizyo nentana kufwa:
8 #
Mt 6:11
Kubeja azintu zyabuyo, uzitole kule kuzwa kulindime;
Utandipi bucete nanka buvubi;
Undisanine zilyo zyeelede,
9 #
Dt 8:12; Neh 9:25; Hos 13:6 Kuti ntakutisyi akukukaka
Cakwaamba kuti, Ma! Ngwani Jehova?
Alimwi ntapengi mubucete akubba
Akusampaula izina lya-Leza wangu,
10Utalengeleli muzike kaambo kulisimalelaakwe,
Ambweni ulakutuka, elyo ulajana mulandu.
11Bantu bamwi nkobali batukila bamawisi,
Abamanyina tababalongezyi pe.
12 #
Is 65:5; Lk 18:11; Tit 1:15,16 Bantu bamwi nkobali basalala mumeso aabo beni,
Anukuti tabana kusalazigwa kubusofwi bwabo,
13Bantu bamwi nkobali-ma! Meso aabo alalisumpula,
Ankoye zyabo zilalisumpula loko!
14 #
Job 29:17; Int 14:4; Am 8:4 Bantu bamwi nkobali bali ameno mbuli mapanga,
Abacibanda babo nzifulo;
Balalya bacete ansi,
Balamanisya batengwana akati kabantu.
15Munsyundu ulijisi bana basimbi bobile;
Balati, Kopa! Kopa!
Nkozili zintu zyotatwe zitakuti,
Azine zitaambi kuti, Twalamwa:
16 #
Tus 27:20; Hab 2:5 Nkokuti, kabanda, izyalilo lyamusundi,
Nyika yacimpayuma,
Amulilo uutakuti.
17 #
Matl 9:22; Lev 20:9 Liso lisampaula wisi,
Litalemeki banyina,
Liyoononkolwa kulibacikwangala bakukalonga,
Akuligwa kumakubi.
18Nkozili zintu zyotatwe zindiyoosya,
Azine zindikacila kuziba:
19Inzila yasikube kujulu,
Inzila yanzoka andomba,
Inzila yabwaato mukati kalwizi,
Anzila yamwaalumi anakalindu,
20Mbuboobu mbwiibede inzila yamwanakazi simamambe:
Ulalya, ulalisansamuna kumulomo,
Ulati, Nsikwe kubisya.
21Nkozili zintu zyotatwe zikankamya nyika,
Azine nziikacilwa:
22 #
Tus 19:10; Muk 10:7 Muzike na waba mwami,
Mufubafuba na wakuta zilyo,
23Mwanakazi uusampukide na wakwatwa,
Amulanda musimbi uulya izina lyanamalelo wakwe.
24Nkozili zintu zyone ansi, nziniini,
Pele zilicenjede loko:
25 #
Tus 6:6
Lumoma talujisi inguzu,
Pele lulabamba zilyo zyalo ciindi camainza;
26 #
Lev 11:5; Int 104:18 Bacibila tabali musyobo muyumu,
Pele balayaka maanda aabo akati kamandomba.
27Cisozi tacijisi mwami,
Pele coonse cileenda mumindando;
28Tombela ulajatika kumaanza,
Pele ulakala mumaanda aabami.
29Nkozili zintu zyotatwe zigambya mukweenda kwazyo,
Azine ziendeenda cakuyoosya:
30Mulavu, mupatikampatila kubanyama,
Uutatandwi kumunyamanyina naba omwe,
31Muzingili uulikankaizya, sijembwe,
Amwami uuzulwida bantu bakwe,
32 #
Muk 8:3; Mik 7:16; Rom 3:19 Na wafubaala kukulisumpula,
Alimwi na wayeeya bubi,
Vumba mulomo wako ajanza,
33Nkaambo kusuka malili kulaleta maumba,
Akuminuna impemo kulaleta bulowa,
Akubusya bukali kulaleta inkondo.
Currently Selected:
Tusimpi 30: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
