Tusimpi 29
29
1Muntu uucenjezegwa, nekubaboobo uciyumya moyo wakwe,
Ulafwamba kunyonyooka cakutabuka alimwi,
2Na baluleme basumpulwa, bantu balasekelela,
Pele na basizibi mbobeendelezya, bantu balatongela.
3 #
1 Bam 1:48; Flp 2:22; Tus 10:1; 15:20 Uuyandisya busongo ulabotezya wisi,
Pele uuenda abasikuvuula ulasowaila imbono.
4Kukubeteka kabotu mwami ulabusya nyika, Pele sikulya makulo ulainyonyoona.
5Muntu uuongelezya mweenzinyina
Ulateya buzamba kumaulu aakwe,
6Muntu sizibi ulacegwa mumilandu yakwe,
Pele muntu uululeme ulaimba cakukondwa,
7 #
Job 29:16; Int 31:7; Is 35:3,4; Lk 22:32; Gal 6:1 Muntu uululeme ulizi bacete mbubeelede kubetekwa,
Pele sizibi tamvwisyi aya makani.
8Basikasampusampu balabusya inkondo mumunzi,
Pele basongo balalesya bukali.
9Na musongo ulakazyanya amufubafuba,
Mufubafuba ulabwanta akuseka buyo, taakwe luumuno.
10Basikujaya bantu balasula uululeme,
Pele baololokede balayanda kumuvuna.
11Mufubafuba ulaamba bukali bwakwe boonse,
Pele musongo ulabukasya akubutontozya.
12Na mweendelezi waswiilila makani aalweeno,
Basilutwe bakwe boonse balaba babi.
13 #
Mt 5:45
Mucete asikumupenzya balaswanaana;
Jehova nguumunikila meso aaboonse buyo.
14 #
Int 72:2
Mwami uubeteka batengwana cakululama,
Cuuno cabwami bwakwe ciyooima nji,
15Musako akutapatila, zilaleta busongo,
Pele mwana uulekelelwa buyo ulausya banyina insoni.
16 #
Int 37:36
Na basizibi baba abwami, kubisya kulavula,
Pele baluleme bayoobona buwe bwabo.
17 #
Tus 13:24
Koma mwana wako, elyo uyookupa lulyokezyo,
Uyooletela moyo wako kubotelwa.
18 #
1 Sam 3:1; Am 8:11; Joh 13:17; Jak 1:25 Na taakwe zilengano, bantu tabayoowi kucita zitondwa
Pele uli acoolwe kufumbwa uubamba mulao.
19Majwi luzutu taakonzyi kwiiyisya mulanda;
Kumvwa ulamvwa, pele tabiki moyo kumakani,
20Sa ulibwene muntu uufwanzya kwaamba?
Mufubafuba ulasyomeka kwiinda nguwe.
21Uulela kabotu mulanda wakwe kuzwa kubwanike,
Kumamanino uyooba sikulyazina lyakwe.
22Muntu mukali ulabusya inkondo,
Amuntu sinkazi ulavuzya milandu.
23 #
Is 2:11,12; Mt 23:12; Lk 14:11 Kulisumpula kwamuntu kulamufwinsya,
Pele mubombumoyo ulajana bulemu,
24 #
Lev 5:1
Uugwasyanya asikubba ulisulide buumi bwakwe;
Lutuko ulilumvwide, pele tayubununi makani.
25 #
Matl 12:12
Kuyoowa muntu kulateya kakole,
Pele uusyoma Jehova ulakala kabotu.
26Bantu banji balayandaula kubotezya mweendelezi,
Pele kuli-Jehova muntu nkwajana lubeta lubotu.
27Muntu uupilingene ulasesemya baluleme;
Uuololokede munzila yakwe ulasesemya basizibi.
Currently Selected:
Tusimpi 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
