Tusimpi 28
28
1Basizibi balacija nekuba kuti taakwe uubatanda,
Pele baluleme balaima mbuli mulavu.
2Na cisi cabisya, cilijisi beendelezi banji,
Pele mumaanza aabantu basongo abasiluzibo cilakalilila,
3 #
Mt 18:28
Mutengwana uupenzya mucetenyina
Uli mbuli imvula yamucobocobo litapi zilyo.
4 #
1 Bam 18:18; Mt 3:7; Ef 5:11; 1 Tim 5:20 Basowa mulao balatembaula basizibi,
Pele basikubamba mulao balakazyanya abo.
5 #
Joh 7:17
Bantu babi tabamvwisyi kubeteka,
Pele basikuyandaula Jehova balamvwisya.
6Muntu mutengwana uuenda cakululama
Mubotu kwiinda muntu muvubi uupilingene.
7Uubamba mulao mwana musongo,
Pele uuenda abasindya ulausya wisi insoni.
8Uuvuzya imbono zyakwe kukujana impindu zyazikwelete
Ulaziyobweda sikufwida bacete luzyalo.
9 #
2 Tim 4:3; Int 66:18; Lk 13:25-27 Na muntu wasinka matwi aakwe kukumvwa mulao,
Acikombyo cakwe cilaba cisesemyo.
10 #
Int 34:9,10; Mt 6:33; Mk 10:30; Lk 18:29,30; Rom 8:32; 1 Kor 3:22,23 Uuongelezya baluleme kubatola muzibi,
Ulawida mumonya mucilindi ncaakasya,
Pele baluleme balajana lukono lubotu,
11Muntu muvubi musongo mumeso aakwe mwini,
Pele mutengwana uucenjede ulamvwisya mbwabede.
12Na baluleme bazunda, bulemu bulavula,
Pele na basizibi babuka, bantu balayuba,
13Uusisa milandu yakwe takooyooba acoolwe pe,
Pele oyo uulyaambawida akuleka ulafwidwa luzyalo.
14Uli acoolwe muntu uuyoowa lyoonse,
Pele oyo uuyumya moyo wakwe ulawida mumapenzi.
15 #
Mt 2:16
Mbuli mulavu uuvuluma na masekese uulwisya,
Mbwabede muntu mubi uuendelezya bacete.
16Silutwe uubula busongo ulapenzya loko,
Pele oyo uusula impindu iitaluleme uloongola.
17Muntu uuli amulandu wabulowa bwamweenzinyina,
Acije akusikila kulufu;
Kutabi muntu uumugwasya,
18Uuenda cakululama ulafutulwa,
Pele uupilingene munzila zyakwe ulawida mucilindi.
19Uulima nyika yakwe ulakuta cilyo,
Pele uutobela zintu zyabuyo ulakuta bucete.
20Muntu uusyomeka ulaba azyoolwe zinji,
Pele uufwaamba kuvuba ulajana mulandu.
21 #
Ezk 13:19
Tacili cibotu kulanga ziimo zyabantu;
Muntu ulabisya kuti ajane kalyo,
22Syacivulamwangu ulafwamba kujana imbono,
Pele tezi kuti kubula kulamusikila,
23Uutapatila muntu, kumamanino ulayandwa,
Kwiinda oyo uubombeka-bombeka alulimi lwakwe,
24Kufumbwa uubbida wisi abanyina,
Akwaamba kuti, Taakwe mulandu,
Oyo ngumweenzinyina sikunyonyoona,
25 #
1 Tim 6:6
Syacivulamwangu ulabusya inkondo,
Pele uusyoma Jehova ulaneneesegwa,
26Uusyoma moyo wakwe mwini mufubafuba,
Pele oyo uuenda mubusongo ulavunwa,
27Uuabila batengwana takooyoobula,
Pele uusisa meso aakwe ulajana intuko zinji,
28Na basizibi babuka, bantu balayuba,
Pele na banyonyooka, baluleme balavula.
Currently Selected:
Tusimpi 28: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
