Tusimpi 27
27
1 #
Jak 4:13-16; Lk 12:19 Utalikankaizizyi zyajunza,
Nkaambo tozi na buzuba bulaleta nzi.
2Muntu umbi akutembaule, mulomo wako omwini pe;
Mweenzu, kutali kumilomo yako,
3 #
Es 1:12
Ibbwe ndidemu, awalo musee ulalema,
Pele bukali bwamufubafuba mbulemu kwiinda zyoonse.
4 #
1 Joh 3:12
Bukali bulayoosya, lunyemo lulakataazya;
Pele ibbivwe, ngwani uukonzya kwiima kulindilyo?
5 #
Gal 2:14
Kutapatila kaanzambwene
Nkubotu kwiinda luyando lusisidwe.
6Kuyasa kwamuzwalani kulasyomeka,
Pele imyonto zyasinkondonyoko zilavula.
7Muntu uukutide ulasesemwa buci,
Pele kulisinzala zintu zilula zyoonse nzinono,
8 #
Job 39:14
Mbuli kayuni kaswekede kuciteente cako,
Mbwabede muntu uuswekede kuzwa kulinguwe,
9Mafuta atununkilizyo zilabotezya moyo;
Mbulubede lulayo lwamweenzinyoko uuyandika.
10Mweenzinyoko, amweenzinyina uso, utabalekelezyi;
Alimwi utayi kuŋanda yamunyoko mubuzuba bwamapenzi.
Mweenzinyoko uuli kufwaafwi mubotu
Kwiinda munyoko uuli kule.
11 #
Int 119:42
Songwaala, mwanaangu, ukondezye moyo wangu,
Kuti mbe aluvwiilo kuliyooyo uundisampaula.
12 #
Is 32:2
Muntu uucenjede, abona mapenzi, ulayuba,
Pele bataiyide balaindilila aboobo balapenga,
13Nyanzya muntu cikobela cakwe na wasyomezya kuliyila mweenzu; Umujate na walisyomezya mumwanakazi muzwakule.
14 #
Int 12:2
Muntu uufuma akulongezya mweenzinyina ajwi ipati,
Cilaambwa kuti ulatuka buyo,
15Mbuli mandomondomo mubuzuba bwamvula,
Mbwabede mwanakazi sikukazyanya;
16Uumukasya ulakasya muuwo,
Uli mbuli mafuta mumaanza aakwe.
17Lubulo lulanona lubulonyina,
Mbubonya obo muntu ulanona busyu bwamweenzinyina,
18 #
Dt 20:6; 1 Bam 11:8; Tus 12:24; 1 Kor 3:8 Uubamba mukuyu ulalya micelo yawo,
Ayooyo uubamba simalelaakwe ulalemekwa,
19Mbuli busyu mbububoneka mumaanzi,
Mbubonya obo moyo wamuntu mbuuboneka kumuntunyina. 20#Tus 30:15,16; Hab 2:5Kwacimvumwe alufu tazikuti;
Aalo meso aamuntu taakuti,
21Cuumpilo ncansiliva, ceengelo ncangolida,
Pele muntu ulasunkwa kumpuwo yakwe,
22Nekuba kuti watwa mufubafuba muncili amunsi antoomwe amaila, Bufubafuba bwakwe tabumani pe,
23Ncobeni uleelede kuziba imbelele zyako mbozibede,
Akubika moyo wako kumatanga aako;
24Nkaambo imbono tazikalilili lyoonse,
Amunsini tuuli kumazyalani oonse.
25Bwizu bwamana kuligwa, mweemvwe ulamena,
Azisyu zyakuzilundu zyacelwa,
26Tubelele tulakupa zyakusama,
Ampongo zilaleta muulo wamuunda;
27Malili aampongo alakuvulila,
Alaba zilyo zyabasiŋanda bako
Akulela bana bako basimbi,
Currently Selected:
Tusimpi 27: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
