Tusimpi 23
23
1Na wakala kukulya amweendelezi,
Yeeya kabotu cilyo ncowabikilwa;
2Lino utaingani,
Na uli sindya;
3Utasukami zilyo zyakwe zilweela,
Nkaambo nzilyo zyalweeno.
4 #
Tus 28:20; 3:5; Joh 6:27; 1 Tim 6:9; Rom 12:16 Utalikataazyi kuti ube muvubi;
Leka mubusongo bwako,
5Imbono zyabonwa buyo, zilamana ndilyonya,
Zilalicitila mababa,
Zilauluka mbuli sikwaze uuya kujulu,
6 #
Int 141:4; Dt 15:9; Mt 20:15; Mk 7:22 Utalyi zilyo zyasyacivulamwangu;
Utasukami zilyo zyakwe zilweela;
7Nkaambo ulayeeya-yeeya mumoyo wakwe,
Ulaamba kuti, Kolya akunywa,
Nekubaboobo moyo wakwe tuuli ayebo.
8Minsuma njowalya ulailuka,
Alimwi ulasowa buyo majwi aako mabotu,
9 #
Mt 7:6
Utaambi mumatwi aamufubafuba,
Nkaambo ulasampaula busongo bwamajwi aako,
10Utasunzululi munyinza wakale,
Nekuba kunjila mumyuunda yabamucaala,
11 #
Job 31:21; Jer 50:34 Nkaambo Munununi wabo ngusinguzu,
Ulabeteka makani aabo kulinduwe,
12Bika moyo wako kululayo,
Akucenjeka kutwi kwako kumajwi aaluzibo,
13Utakaki kukoma mwana;
Na wamuuma amusako, takoofwa pe;
14 #
1 Kor 5:5
Na wamuuma amusako,
Ulavuna buumi bwakwe kulufu.
15Mwanaangu, na moyo wako uli abusongo,
Moyo wangu ambebo ulakondwa.
16Njookondwa mukati kansa zyangu,
Na milomo yako ilaamba ziluleme.
17Moyo wako utafwidi basizibi ibbivwe,
Pele kaka tila kukuyoowa Jehova buzuba boonse,
18 #
Lk 16:25
Nkaambo mamanino ayooboneka,
Nkabela bulangizi bwako tabukooyooloba,
19Swiilila, mwanaangu, ujate busongo;
Enzya moyo wako munzila,
20 #
Is 5:22; Mt 24:49; Lk 21:34; Rom 13:13; Ef 5:18 Utakali akati kabacakolwa,
Nanka akati kamadyanyama,
21Nkaambo mukolwi asindya bayoosikilwa bucete,
Alimwi butolo bulasamika muntu madeludelu.
22 #
Ef 6:1
Swiilila uso iwakakuzyala,
Alimwi utasampauli banyoko na bacembaala.
23Koula lusinizyo, utaluulisyi pe;
Koula busongo alulayo abupampu.
24Wisi mululami ulasekelela loko;
Uuzyala musongo ulajana kukondwa mulinguwe,
25Uso abanyoko basekelele;
lwakakuzyala akondwe.
26Mwanaangu, undipe moyo wako;
Meso aako alange inzila zyangu,
27Nkaambo mwanakazi muvuule ncilindi cilamfu;
Mwanakazi uuzwakule mugodi uusyanikide,
28Ulalindila mbuli sikubba,
Ulavuzya batasyomeki akati kabantu.
29 #
1 Bam 20:16; Tus 20:1; Is 5:11; Nah 1:10; Mt 24:49,50; Ef 5:18 Ngwani uuli abuusu? Ngwani uuli amapenzi?
Ngwani uuli ankondo? Ngwani uuli akutongauka?
Ngwani uuli amibunda katakwe kaambo?
Ngwani uuli ameso aasalala pyu?
30Mbembabo bakala ciindi cilamfu kukunywa,
Baya kukuyandaula waini uuvwelene,
31Utalangi waini ciindi naasalala,
Naanjoloma munkomeki,
Naatelemuka kabotu.
32Kumamanino ulaluma mbuli inzoka,
Ulazapula mbuli cipile.
33Meso aako alabona zintu ziyoosya,
Amoyo wako ulaamba makani aapilingene.
34Ulaba mbuli muntu uulala mukati kalwizi,
Na mbuli muntu uulala akasamu kandembela.
35 #
Tus 27:22; Jer 5:3; Dt 29:19; Is 56:12; 2 Pet 2:22 Ulati, Bakanduuma pele teendakaciswa,
Bakandiyasa pele teendakamvwa,
Nsinsimuke lili?
Nkayandaule cakunywa alimwi.
Currently Selected:
Tusimpi 23: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
