Tusimpi 22
22
1Izina bbotu lilayandika kwiinda buvubi bunji,
Aluzyalo ndubotu kwiinda insiliva angolida.
2 #
Int 49:1,2 Batengwana abavubi balaswanaana;
Jehova ngumulengi wabo boonse.
3 #
Is 26:20
Muntu uucenjede, abona mapenzi, ulayuba,
Pele bataiyide balaindilila aboobo balapenga.
4Kulibombya akuyoowa Jehova
Kulaleta buvubi abulemu abuumi.
5 #
1 Joh 5:18
Mamvwa atukole, zyoonse mozili munzila yabapilingene,
Pele uulibamba kabotu uli kule kulinzizyo.
6Iyisya mwana aende munzila iielede,
Lino akomena takooyooleya mulinjiyo.
7Muvubi uleendelezya mutengwana;
Sizikoloto ngumuzike wasikukolotya.
8 #
Job 4:8; Hos 10:13 Uubyala zitaluleme ulatebula mapenzi;
Musako wabukali bwakwe ulamaninina.
9Syacaaba ulajana coolwe,
Nkaambo ulaabana zilyo zyakwe abatengwana.
10Tanda sikasampusampu, lino inkondo ilamana;
Kukazyanya akulwana zyoonse zilaleka.
11Uuyandisya kusalala kwamoyo, alimwi uli amwaambo waluzyalo,
Mwami ulaba muzwalani wakwe,
12Meso aa-Jehova alalanga luzibo,
Pele ulanyonyoona majwi aabasilweeno,
13Mutolo ulaamba kuti, Kuli mulavu anze!
Njoojayilwa mumigwagwa.
14 #
Tus 2:16; Muk 7:26 Mulomo wamwanakazi mweenzu ncilindi cilamfu;
Uukalalilwa Jehova ulawida mulincico.
15Bufubafuba bulaangidwe mumoyo wamwana,
Pele musako wakukomya ulabutanda,
16 #
Job 20:19-23; 34:26-28; Int 12:5; Muk 5:8; Am 2:6-8; 5:11; Is 3:14,15; Jak 2:13 Uupenzya bacete kuti alivuzizye imbono,
Ayooyo uupa bavubi, ulasikilwa kubula buyo.
Tusimpi atumwi twamisyobo misyobo
17Cenjeka kutwi kwako, ukaswiilile majwi aabasongo;
Bika moyo wako kuluzibo lwangu;
18Nkaambo cilabota na wabamba makani mukati kako,
Alimwi oonse alibambidwe kumilomo yako.
19Kuti usyome Jehova,
Ncencico ncindakuzibisya makani aya ayebo sunu.
20Sa nsina kukulembela makani aali makumi otatwe,
Makani aalulayo aluzibo,
21 #
1 Pet 3:15
Kuti nkuzibye ciluleme acalusinizyo,
Uvuwe majwi aalusinizyo kulibaabo bakutuma.
22 #
Mal 3:5
Utabbidi mucete, nkaambo mutengwana,
Nekuba kuuma bapengede mumulyango,
23 #
Mt 13:44
Nkaambo Jehova uyoobeteka makani nabo
Akunyanzya basikubanyanzya buumi.
24Utatangi buzwalani amuntu mukati,
Nekuba kweenda amuntu silunyemo,
25Kuti utaiyi inzila zyakwe,
Akulyaanga mukakole.
26Utabi umwi wabaabo bapa zitondezyo,
Basyomezya kuliyila basizikoloto.
27Na wabula cakuliya,
Sa ncibotu kunyanzigwa bulo bwako?
28Utasunzululi munyinza wakale
Ngobakabika bamauso,
29 #
1 Bam 11:28; Tus 10:4; Muk 9:10; Mt 25:21; Rom 12:11 Sa ulibwene muntu uusungwaala mumilimo yakwe?
Oyo muntu ulaima kunembo lyabami,
Takooyooima kunembo lyabantu buyo pe.
Currently Selected:
Tusimpi 22: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
