Tusimpi 21
21
1Moyo wamwami nkalonga kamaanzi mujanza lya-Jehova,
Ulakatola kufumbwa nkwayanda.
2 #
1 Sam 16:7; Jer 17:10; Joh 2:24 Inzila zyoonse zyamuntu zililuleme mumeso aakwe,
Pele Jehova nguulingula myoyo.
3 #
Hos 6:6
Kucita cakululama acakoololoka
Cilayandika kuli-Jehova kwiinda zipaizyo.
4Meso aalikankaizya amoyo uulisumpula,
Ilampi lyabasizibi, zyoonse nzibi.
5Makanze aabasungu alaleta zilyo zinji,
Pele uufwanzya makani ulajana bucete buyo.
6Kujana imbono kululimi lwakubeja
Ngusikunkwe uumwaika akakole kalufu,
7Lunyonyongano lwabasizibi lulabatolelela,
Nkaambo bakaka kucita bululami.
8Inzila yabasikasampusampu ilipilingene,
Pele milimo yabasalali ililuleme.
9Kukala acooko cakulululi lwaŋanda nkubotu
Kwiinda kukala amwanakazi silwaambwe muŋanda impati,
10 #
Jak 4:5
Moyo wasizibi ulisukeme bubi;
Mweenzinyina tafwidwi buuya kulinguwe.
11Na sikasampusampu wakomwa, uutaiyide ulaiya;
Na musongo waiyigwa, ulajata luzibo.
12 #
1 Kor 10:10; Rom 2:8 Mululami ulayeeya iŋanda yasizibi;
Basizibi balawisigwa mulunyonyooko.
13 #
Int 58:4; Zek 7:11; Inc 7:57; Mt 7:2 Uusinka matwi aakwe kukulila kwabacete,
Alakwe uyoolila akutamvwigwa.
14Cipo cakusisikizya cilalesya bukali;
Makulo aamunkomo alamanya lunyemo lupati.
15Makani naabetekwa kabotu, cilabotezya baluleme,
Pele cilayoosya ucita zibi.
16Muntu uuleya munzi la yabusongo
Uyoolyokezya akati kabafu.
17Uuyandisya misobano uyooba mucete;
Uuyandisya waini amafuta takooyooba muvubi pe,
18 #
Is 43:3,4 Sizibi ulaba cinunuzyo camululami,
Abasilweeno balatola milandu yabaololokede.
19Ncibotu kukala munyika yacimpayuma
Kwiinda kuba amwanakazi silubweko.
20 #
Int 112:3; Tus 10:22; Mt 25:3 Imbono ziyandika zilakala muŋanda yamusongo,
Pele muntu mufubafuba ulazimwayaula.
21 #
1 Kor 15:58
Uutobela bululami aluzyalo
Ulajana buumi abulemu.
22Musongo ulalwisya munzi wabasintaze,
Ulawisya buyumu bwaŋanda njebakali kusyoma.
23Uubamba kabotu mulomo wakwe alulimi lwakwe
Ulalivuna kumapenzi.
24Sikulisumpula uulikankaizya, izina lyakwe ngusikasampusampu;
Ulacita cabukali acakulisumpula.
25Cisusi camutolo cilamujaya,
Nkaambo maanza aakwe alakaka kubeleka,
26Ciindi coonse sizibi uleemuzya,
Pele mululami ula pa, takasyi pe.
27Cipaizyo casizibi cilasesemya,
Kwaambisya na wacileta amoyo wabubi.
28Kamboni sikubeja ulanyonyooka,
Pele majwi aamuntu uuswiilila alakalilila,
29Muntu sizibi ulayumya busyu bwakwe,
Pele uululeme ulayeeya kabotu inzila zyakwe.
30Taakwe busongo, taakwe luzibo,
Taakwe lulayo lukonzya kubisizya Jehova.
31Ibbiza lilabambilwa buzuba bwa nkondo,
Pele Jehova nguupa lufutuko.
Currently Selected:
Tusimpi 21: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
