Tusimpi 20
20
1 #
Matl 9:21; Is 28:7 Bukoko bulasampaula, zyakunywa zikola zilapilinganya;
Kufumbwa uuenwa kulinzizyo tali musongo.
2Bukali bwamwami buli mbuli kuvuluma kwamulavu;
Uumukalazya ulalibisizya mwini.
3 #
Matl 13:7
Kuleka inkondo mbulemu kumuntu;
Pele bafubafuba boonse balayandisya kukazyanya.
4Mutolo talimi ciindi campeyo;
Kuciindi cakutebula ulakumbila akutajana.
5Makanze aamumoyo wamuntu ali mbuli maanzi malamfu,
Pele muntu uucenjede ulaayubununa.
6 #
Mt 6:2; Int 12:1; Muk 7:28; Jer 5:1; Lk 18:8 Bantu banji balaambwa kuti mbasiluzyalo,
Pele muntu uusyomeka ulajanwa kuli?
7Muntu uululeme uuenda cakoololoka,
Bali acoolwe bana bakwe baboola musule lyakwe.
8Mwami uukede acuuno cakubetekela
Ulamwaisya bubi boonse ameso aakwe.
9 #
Job 14:4; Muk 7:20; 1 Joh 1:8 Ngwani uukonzya kwaamba kuti,
Ndasalazya moyo wangu,
Ndasalala kuzwa kuzibi zyangu.
10Zipimyo zyaandeene azyeelesyo zyaandeene,
Zyoonse zilasesemya kuli-Jehova.
11 #
Mt 7:16
Naba mwana ulazibwa kumilimo yakwe,
Na ncacita cililuleme akusalala.
12 #
Kul 4:11; Rom 11:36 Kutwi kuswiilila aliso libona,
Jehova wakazilenga zyoonse buyo.
13 #
Rom 12:11
Utayandisyi koona, kuti utasikilwi butengwana;
Bbanuna meso aako, kuti ukute zilyo.
14“Ncibi, ncibi” mbwaamba sikuula,
Pele ainka, ulalikankaizya.
15Ingolida amabwe aarubi aabalangala, nkuzili zinji,
Pele mulomo waluzibo nguuyandika loko.
16Tola cikobela camuntu na wasyomezya mweenzu;
Umujatisye na wasyomezya kuliyila bazwakule.
17Cilyo cijanwa mulweeno cili amucanka uulweela,
Pele kumamanino mulomo ulazula lubwebwele.
18Lulayo lulayandwa kuti makanze azuzikizigwe;
Busongo bwakulibamba bulayandwa mukucita inkondo.
19Uuendeenda cakuvwiya ulayubununa makani aasisidwe;
Utaliswanaanyi amuntu uuamba cabufubafuba.
20 #
Kul 21:17; Lev 20:9; Mt 15:4; Rom 3:23 Kufumbwa uutukila wisi abanyina,
Ilampi lyakwe liyoozimina mumudima uusia mbi.
21 #
Tus 28:8; Hab 2:6 Imbono zifwambaana kujanwa
Tazikwe coolwe kumamanino.
22 #
Dt 32:35; Rom 12:17; 1 Pet 3:9 Utaambi kuti, Njoobweedezya bubi;
Lindila Jehova, kuti akugwasye.
23Zipimyo zyaandeene zilasesemya kuli-Jehova;
Zyeelesyo zyakweenya tazili zibotu.
24 #
Jer 10:23; Rom 8:26 Kweendeenda kwamuntu Jehova nguukubamba;
Muntu amvwisye buti inzila yakwe?
25Tacili cibotu kufwambaana kusalazya cintu,
Na musule uciyeeya zikonke zyako.
26Mwami musongo ulapupulula basizibi,
Akubaziya amavili aakwe,
27Muuya wamuntu ndilampi lya-Jehova,
Lilalingula moonse mukati kamoyo.
28Luzyalo alusinizyo nzezibamba mwami;
Cuuno cakwe cilikazikidwe aluzyalo.
29Bulemu bwabakubusi ninguzu zyabo,
Pele kweebeka kwabapati nimvwi zyabo.
30Zyuumo zicisa zilagwisya bubi;
Mibunda ilasalazya mukati kamoyo.
Currently Selected:
Tusimpi 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
