Tusimpi 24
24
1Utafwidi bantu babi ibbivwe;
Utasukami kuba abo;
2Nkaambo myoyo yabo ilayeeya lunyonyongano,
Amilomo yabo ilaamba zitaluleme.
3Iŋanda ilayasigwa busongo,
Ilaimikwa amaanu;
4Kuluzibo twaanda twayo tulazuzigwa
Imbono zyoonse ziyandika zibotezya.
5Muntu musongo mubotu kwiinda sintaze;
Luzibo ndubotu kwiinda inguzu;
6Nkaambo busongo mbobugwasya kucita inkondo.
Alimwi muli basinkuta banji molwanwa lufutuko.
7Busongo tabweenzeki kumufubafuba;
Tajuli mulomo wakwe kumulyango.
8Uukanza kucita bubi
Ulaambwa kuti ngusilupyopyongano.
9 #
Matl 6:5; Int 119:113; Mt 9:4; Inc 8:22; 2 Kor 10:5 Kuyeeya zipilingene nzibi;
Sikasampusampu ulasesemya bantu,
10Na wawizuka mubuzuba bwamapenzi,
Inguzu zyako zyaceya,
11 #
Is 58:6,7; 1 Joh 3:16 Vuna abo basi tolwe kulufu;
Futula abo baya budadalika kukujayigwa.
12 #
Job 34:11; Jer 32:19; Rom 2:6; Ciy 2:23 Na waamba kuti, Teetwakaziba aya makani,
Sa oyo uulingula myoyo tayeeyi?
Uubamba buumi bwako, sa tezi?
Sa tabweedezezyi muntu bulumbu bweelede milimo yakwe?
13Mwanaangu, kolya buci, nkaambo mbubotu.
Mulolo wacimbulwe ulalweela kululimi lwako.
14Mbobubede busongo kumoyo wako;
Wabujana, uyooba acoolwe kumamanino;
Bulangizi bwako tabukooyooloba.
15Utabi sizibi uulindila kukubisizya iŋanda yamululami.
Utanyonyongani cikalilo cakwe.
16 #
Int 34:19; Mik 7:8 Nkaambo uululeme, nekuba kuti ulawa ziindi zili musanu azibili, ulabuka;
Pele basizibi balawisigwa mukati kamapenzi.
17Utasekeleli na sinkondonyoko wawa;
Moyo wako utakondwi na walebwa;
18Ambweni Jehova abona cilabija mumeso aakwe,
Aboobo ulakupilusizya bukali bwakwe,
19Utalipenzyi nkaambo kabasikucita bubi;
Utafwidi ba sizibi ibbivwe;
20 #
Int 11:6; Is 3:11 Nkaambo mu bi tajisi coolwe kumamanino;
Ilampi lyabasizibi liyoozima.
21 #
Rom 13:7; 1 Pet 2:17 Mwanaangu, yoowa Jehova amwami;
Utabakalazyi boonse,
22Nkaambo mapenzi aloongomoka kubuka kulimbabo,
Lino ngwani uuzi lunyonyooko ndubakonzya kuleta?
23 #
Dt 1:17; 2 Mak 19:7; Tus 18:5; Joh 7:24 Atusimpi tumwi twabasongo ntootu,
Tacili cibotu kusalaula mukubeteka makani.
24 #
Is 5:23
Uuambila basizibi kuti, Muliluleme,
Ulatukilwa kubantu akusesemya kuzisi zyoonse;
25Pele basikutapatila basizibi balabotelwa,
Balajana coolwe cibotu,
26Uuvuwa majwi aaluleme
Ngusikumyonta milomo.
27Bamba milimo yako anze;
Bamba zintu zyoonse mumyuunda;
Wamana obo, yaka iŋanda yako.
28 #
Ef 4:25
Utalerigeleli mweenzinyoko atakwe kaambo;
Uteeni kumilomo yako;
29 #
Mt 5:39
Utaambi kuti, Njoomucitila mbubonya mbwaakandicitila, Njoomubweedezezya bulumbu bweelede milimo yakwe,
30Ndakainda kumuunda wamutolo,
Akumasaansa aamuntu uutakwe boongo;
31 #
Jer 4:3; Mt 13:7,22; Heb 6:8 Ndajana kuti koonse koonse wakamena mamvwa,
Nyika yoonse yavumbwa lweemya,
Abwalo bulambo bwamabwe bwakamwaika.
32Lino ne ndakabona, ndakabika moyo wangu kumakani;
Ndakalanga, ndatambula lwiiyo,
33 #
Tus 6:10-11
Ulati, Ndicoona buniini! Ndicili aŋonzi buniini!
Ndikumbate buniini, ndyokezye!
34Ma! Bucete bulakusikila mbuli sikubba!
Kubula kulakujata mbuli silumamba!
Currently Selected:
Tusimpi 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
