Tusimpi 19
19
1 #
Tus 28:6
Muntu mutengwana uuenda cakululama
Mubotu kwiinda muntu uupilingene kukwaamba mufubafuba.
2 #
Hos 4:6; Joh 16:3; Rom 10:2 Tacili cibotu kubula luzibo;
Muntu uufwambaana kweenda ulapambuka munzila zyakwe,
3 #
Int 37:7
Bufubafuba bwamuntu bulapilinganya inzila yakwe,
Elyo moyo wakwe ulakalalila Jehova,
4Buvubi bulaletela muntu bazwalani banji,
Pele mutengwana ulasyaala alike buyo,
5 #
Kul 23:1
Kamboni mubeji uyoopegwa mulandu;
Uuyooya zyakubeja takooyoolivuna.
6Bantu banji balakombelezya muntu syacaaba,
Alimwi bantu boonse balayandisya muntu sikupa.
7Mucete beenzinyina boonse balamusula;
K waambisya bazwalani bakwe balamusia kule;
Ulabatobela amajwi, pele tabeenzyi pe,
8Uuvuba busongo ulaliyanda;
Uubika moyo wakwe kukumvwisya ulajana coolwe,
9 #
Dan 6:24
Kamboni mubeji uyoopegwa mulandu;
Uuyooya zyakubeja uyoonyonyooka.
10 #
Muk 10:6
Kulya zintu zilweela takweelede mufubafuba;
Kwaambisya muzike teelede kweendelezya balemu.
11 #
Tus 25:21; Mt 5:44; Rom 12:19; Ef 4:32 Busongo bwamuntu bulamuumusya kukalala;
Ulayandisya kulekelela milandu.
12Bukali bwamwami buli mbuli kuvuta kwamulavu,
Pele kukondwa kwakwe kuli mbuli mume abwizu.
13Mwana mufubafuba ulanyonyoona wisi;
Kukazyanya kwamwanakazi kuli mbuli mandomondomo aamvula,
14 #
2 Kor 12:14; Tus 18:22 Maanda ambono, muntu ulazikona kuliwisi,
Pele mwanakazi uucenjede ulazwa kuli-Jehova.
15Butolo bulatola muŋonzi impati;
Mutolo ulafwa inzala,
16 #
Lk 10:28; Rom 2:7 Uubamba mulao nguubamba buumi bwakwe;
Uusampaula inzila zyakwe ulajayigwa.
17 #
Tus 14:21; Muk 11:1; 2 Kor 9:6 Uufwida bacete luzyalo ulakolotya Jehova;
Ulamupa bulumbu bweelede milimo yakwe,
18Koma mwana wako necicikonzeka kumweempya;
Utabiki moyo wako kulunyonyooko lwakwe.
19Muntu mukali ulapegwa mulandu;
Na wamuvuna, ulaindulula alimwi.
20Swiilila lulayo akutambula lwiiyo,
Kuti ujane busongo kumamanino.
21 #
Matl 37:19,20; Es 9:25; Muk 7:29; Is 14:26; Heb 6:17 Muli miyeeyo minji mumoyo wamuntu,
Pele makanze aa-Jehova ngaayooima nji,
22Luzyalo nceciyandwa mumuntu;
Muntu mutengwana mubotu kwiinda sikubeja.
23 #
1 Tim 4:8
Kuyoowa Jehova kutola kubuumi;
Uukujisi ulakuta,
Takooyooswayigwa bubi.
24Muntu mutolo ulasuna insima mumutiba,
Lino takonzyi kulilisika ajanza kumulomo wakwe,
25Uma sikasampusampu, lino uutaiyide ulajana busongo;
Tapatila muntu uucenjede, lino ulajana luzibo.
26Uubisizya wisi akutanda banyina
Ngumwana uusya insoni.
27 #
Mt 7:15; Mk 4:24; Joh 10:5; Ef 4:14; 1 Tim 4:6 Utaleki kuswiilila lulayo, mwanaangu,
Kuti utaleyi kumajwi aaluzibo.
28Kamboni wabuyo ulasampaula lubeta;
Mulomo wabasizibi ulalya bubi.
29Basikasampusampu babambilwa milandu,
Amisana yabafubafuba yabambilwa mibunda.
Currently Selected:
Tusimpi 19: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
