Tusimpi 17
17
1Munsuma muyumu antoomwe aluumuno
Mubotu kwiinda iŋanda iizwide mapobwe ankondo.
2Muzike musongo uleendelezya mwana uusya insoni,
Ulaabilwa lukono akati kababunyina,
3 #
Int 26:2; Tus 27:21; Jer 17:10; Mal 3:3 Cuumpilo ncansiliva, nceceengelo cangolida,
Pele Jehova ulasunka myoyo.
4Sikubisya ulaswiilila milomo yabuyo,
Amubeji ulabika moyo kululimi lupilingene.
5 #
Job 31:29; Tus 24:17; Ob 1:12 Uusampaula bacete ulaubansya mulengi wakwe,
Ayooyo uusekelela mumapenzi ulapegwa mulandu,
6Bazukulu munsini wabacemele,
Abulemu bwabana mbamawisi.
7Majwi aakulisumpula taelede mufubafuba,
Amilomo yakubeja tiielede mwami.
8 #
Matl 39:21; Dan 6:3 Makulo ali mbuli ibbwe liyandika mumeso aayooyo uuajisi,
Kufumbwa nkwajokela ulajana coolwe,
9Uulekelela mulandu ulayandaula luyando,
Pele oyo uuindulula makani ulapambukanya bayanduna.
10Kutapatila kulabombya muntu musongo
Kwiinda zyuumo zili mwanda mubufubafuba,
11Muntu mubi ulayandaula lupapilo luzutu,
Mutumwa uutakwe luzyalo ulatumwa kuyoomulwisya.
12Ncibotu kuswanaana asuntwe uunyanzigwa bana bakwe
Kwiinda kuswanaana amufubafuba mububi bwakwe,
13 #
Jer 18:20; Rom 12:17; 1 Tes 5:15 Na muntu wapilusya bubi mucibaka cabubotu,
Bubi tabukooyoozwa muŋanda yakwe.
14 #
Tus 20:3; Inc 6:1; Rom 12:18; 1 Tes 4:11 Matalikilo aankondo ali mbuli kusinkula maanzi;
Kozwa buyo, inkondo niitana kubuka,
15 #
Kul 23:7; Is 5:23 Uululamika sizibi, alakwe uupa mululami mulandu,
Boonse buyo ncisesemyo kuli-Jehova,
16Na mufubafuba ulijisi muulo mujanza lyakwe wakuuzya busongo,
Cilagwasya buti na tajisi boongo?
17Muzwalani ulayandisya kuziindi zyoonse,
Alimwi munyina wazyalilwa mapenzi.
18Muntu uubula boongo ulapa citondezyo cakuliya,
Aboobo ulaba simulandu kubusyu bwamweenzinyina,
19Uuyanda kubisya ulayanda inkondo,
Ayooyo uuamba cakulisumpula ulayandaula lunyonyooko,
20Uupilingene mumoyo tajani bubotu,
Ayooyo uuli alulimi lusendekede ulawida mububi.
21Mwana mufubafuba ulausya wisi,
Ayooyo uuzyala ciyanga tajisi kukondwa.
22Moyo uukondwa musamu mubotu,
Pele muuya uutyokede ulayuminizya mubili.
23 #
Kul 23:8
Muntu sizibi ulatambula makulo munkomo,
Kuti apilinganye lubeta,
24 #
Muk 2:14
Muntu uucenjede ulabika moyo wakwe kubusongo,
Pele meso aamufubafuba ali kumamanino aanyika,
25Mwana mufubafuba ulausya wisi,
Ulaluzya moyo wabamuzyala,
26Tacili cibotu kubikila baluleme mukuli;
Kuuma bantu balemu taciluleme.
27 #
Jak 1:19
Uukasya majwi aakwe uli aluzibo;
Uutontozya moyo wakwe musongo,
28Naba mufubafuba uumuna ulayeeyegwa kuti musongo;
Na wasinka milomo yakwe, ulicenjede.
Currently Selected:
Tusimpi 17: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
