Tusimpi 16
16
1 #
Mt 10:19
Muntu ulayeeya mbweelede kwaamba,
Pele kuvuwa kwalulimi kulazwa kuli-Jehova.
2 #
1 Sam 16:7; Dan 5:27 Inzila zyoonse zyamuntu zilasalala mumeso aakwe,
Pele Jehova nguupima myuuya yabantu.
3Leka milimo yako mumaanza aa-Jehova,
Nkabela uyoozuzikizya makanze aamumoyo wako.
4 #
Is 43:7; Rom 11:36; Job 21:30; Rom 9:22 Zintu zyoonse buyo Jehova wakazibikila milimo yazyo;
Nebaba basizibi wakababikila buzuba bwamapenzi,
5Kufumbwa uulisumpula ulasesemya Jehova:
Ncobeni takooyookonzya kucija lweempyo.
6 #
Dan 4:27; Lk 11:41 Luzyalo alusyomo zilamanya milandu,
Alimwi kuyoowa Jehova nkokugwisya muntu mububi.
7 #
Kol 1:10
Na inzila zyamuntu zilabotezya Jehova,
Ulacita kuti abasinkondonyina bakale awe caluumuno.
8Cintu ciniini buyo antoomwe abululami ncibotu
Kwiinda buvubi bunji akutabetekwa kabotu.
9 #
Jer 10:23
Moyo wamuntu ulayeeya inzila yakwe,
Pele Jehova nguuenzya kweenda kwakwe.
10Kumilomo yamwami kulajanwa makani aazwa kuli-Leza,
Mulomo wakwe tuubisyi mukubeteka.
11 #
Lev 19:36
Cipimyo aceelesyo ciluleme ncica-Jehova;
Mabwe oonse aakupimya njimilimo yakwe.
12Na bami bacita bubi, ncisesemyo,
Nkaambo bululami mbobukazika cuuno cabwami.
13Milomo iiluleme ilabotezya bami;
Balamuyanda uuamba cakululama,
14Bukali bwamwami bulatola kulufu;
Muntu uucenjede ulabutontozya,
15Mumumuni wabusyu bwamwami momuli buumi;
Kubotelwa kwakwe kuli mbuli mayoba aaleta imvula.
16Kujana busongo nkubotu loko kwiinda ingolida;
Kumvwisya makani kulayandika kwiinda insiliva.
17 #
Tus 4:24-27; Is 35:8; Inc 24:16 Mugwagwa wabaluleme ulagwisya mububi;
Uubamba inzila yakwe ulavuna buumi bwakwe.
18Kulisumpula kulazulwida lunyonyooko,
Akamikami kali kunembo lyakuwa.
19Ncibotu kubombya moyo akati kabacete
Kwiinda kwaabanya zisaalo abalisumpula.
20 #
Is 30:18
Uubika moyo wakwe kumakani ulajana coolwe,
Ayooyo uusyoma Jehova uli acoolwe.
21Musongo mumoyo ulaambwa kuti ulicenjede,
Amajwi aabotezya alayungizya luzibo.
22Busongo nkasensa kabuumi kuliyooyo uubujisi,
Pele bufubafuba bulakoma bapilingene.
23 #
Mt 12:34
Moyo wamusongo ulasongwaazya milomo yakwe,
Alimwi ulayungizya luzibo kukwaamba kwakwe.
24Majwi aabotezya ali mbuli cimbulwe cabuci,
Alalweezya muuya akuponya mubili.
25 #
Tus 14:12
Kuli inzila iiluleme mumeso aabantu,
Pele mamanino aayo ninzila zyalufu.
26Kusukama kwasimilimo kulamubelesya;
Nkaambo mulomo wakwe ulamukakatizya.
27Muntu wa-Saatani ulakanza bubi;
Mwaambo wakwe uli mbuli mulilo uuyupulula.
28Muntu uupilingene ulabusya inkondo,
Asikuvwiya ulamwazya buzwalani,
29Silunyonyongano uloongelezya mweenzinyina,
Ulamweenzya munzila iitali kabotu.
30Uufwinyina ameso ulakanza zipilingene,
Uusyundumika milomo ulacita bubi,
31Mutwe uuli amvwi munsini wabulemu,
Ulajanwa munzila yabululami,
32Uumuka kukalala mubotu kwiinda mulemu,
Ayooyo uuendelezya moyo wakwe mubotu kwiinda uuzunda munzi.
33Makakata alawaalwa azibelo,
Pele Jehova nguukosola makani oonse.
Currently Selected:
Tusimpi 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
