Tusimpi 15
15
1Kuvuwa kabotu kulalesya bukali,
Pele majwi mabi alabusya inkondo,
2Lulimi lwamusongo lulaamba luzibo,
Pele milomo yabafubafuba ilatuntumuna zipilingene.
3 #
2 Mak 16:9; Job 34:21; Tus 5:21; Jer 16:17; Zek 4:10; Heb 4:13 Meso aa-Jehova ali koonse koonse,
Alalanga basizibi ababotu boonse.
4Lulimi Iutontola musamu wabuumi,
Pele lupilingene lulanyonyoona moyo,
5Mufubafuba ulasampaula lulayo lwawisi,
Pele uuswiilila kutapatilwa musongo,
6Muŋanda yamuntu uululeme muli imbono zinji,
Pele impindu yabasizibi ilaleta mafwabi buyo,
7Milomo yabasongo ilamwayaula luzibo,
Pele myoyo yabafubafuba tiiluleme,
8 #
Is 61:8; Jer 6:20; Am 5:22; Lk 18:11 Cipaizyo cabasizibi cilasesemya Jehova,
Pele cikombyo camululami ncecimukonda.
9 #
Tus 21:21; Is 51:1,7; 1 Tim 6:11 Inzila yasizibi ilasesemya Jehova,
Pele uutobela bululami ulamuyandisya.
10Uuleya munzila ulajana kukomwa kubi,
Ayooyo uusula kutapatilwa ulafwa.
11 #
Joh 2:24; Inc 1:24 Kwacimvumwe alufu, zyoonse zili kumeso aa-Jehova;
Sa taindi kubona myoyo yabana ba-Adamu?
12Sikasampusampu tayandi kutapatilwa,
Tazumini kuya kubasongo.
13Moyo uukondwa ulaangununa busyu,
Pele mubuusu bwamoyo muntu ulafwidwa muuya.
14Moyo wamuntu uucenjede ulayandaula luzibo,
Pele makani aapilingene ncecilyo cabafubafuba.
15Mazuba oonse aamuntu uupengede alakataazya,
Pele uukondwa mumoyo uli apobwe lyoonse,
16 #
Tus 16:8; Muk 4:6; 1 Tim 6:6 Zintu zice buyo antoomwe akuyoowa Jehova
Nzibotu kwiinda imbono zinji zili ankondo.
17Bulilu bwazisyu buli antoomwe aluyando
Mbubotu kwiinda musune uuyokedwe alusulo.
18Muntu mukali ulabusya inkondo,
Pele uumuka kukalala ulatontozya kukazyanya.
19Inzila yamutolo ilizwide mamvwa,
Pele mugwagwa wabaluleme ulatuba.
20Mwana musongo ulabotezya wisi,
Pele muntu mufubafuba ulasampaula banyina.
21 #
Ef 5:15
Bufubafuba ndusekelelo lwayooyo uubula boongo,
Pele muntu uucenjede uleenda cakululama.
22Makanze alasinkinizigwa na kwabula lulayo,
Pele na kuli basinkuta banji alazuzikizigwa.
23Kuvuwa kabotu kulakondezya muntu,
Alimwi ijwi liambwa kuciindi ceelede lyabota loko.
24 #
Flp 3:20
Inzila yamusongo ilatola kubuumi bwakujulu,
Acije kuzwa kwacimvumwe kunsi.
25Jehova ulamwaya iŋanda yabasikulisumpula,
Pele mugaano wamukamufu ulauimika nji.
26Miyeeyo yabasizibi ilasesemya Jehova,
Pele majwi aabasalali alamubotezya,
27 #
Jos 6:18; 1 Sam 8:3; Tus 1:19; Is 5:8; Zek 5:3 Uuyandisya impindu ulapenzya ciinga cakwe,
Pele uusula makulo ulapona kabotu.
28 #
1 Pet 3:15
Moyo wamululami ulayeeya kabotu mbweelede kuvuwa,
Pele milomo yabasizibi ilatuntumuna bubi.
29 #
Ef 2:12; Int 34:15,16; Joh 9:31; Rom 8:26 Jehova uli kule kuzwa kulibasizibi,
Pele ulaswiilila cikombyo cabaluleme.
30Mumuni wameso ulakondezya moyo,
Amakani mabotu alaponya mubili.
31Kutwi kuswiilila kutapatilwa kwabuumi
Kulakalilila akati kabasongo.
32Uukaka lulayo ulalisampaula,
Pele uuswiilila kutapatilwa ulajana busongo,
33Kuyoowa Jehova nkokwiiyisya busongo,
Alimwi kulibombya nkokuzulwida bulemu.
Currently Selected:
Tusimpi 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
