Tusimpi 14
14
1 #
Rut 4:11; Tus 24:3,4 Mwanakazi musongo ulayaka iŋanda yakwe,
Pele mufubafuba ulaimwaya amaanza aakwe mwini.
2 #
Job 12:4
Uuenda cakululama ulayoowa Jehova,
Pele uupilinganya inzila zyakwe ulamusampaula.
3 #
Tus 12:6
Kwaamba kwamufubafuba musako wakumuumva kumusana,
Pele milomo yabasongo ilabavuna.
4Kutakwe basune, takukwe maila,
Pele zilyo zinji zilalimwa kunguzu zyaŋombe.
5 #
Kul 20:16
Kamboni uusyomeka tabeji,
Pele kamboni mubeji ulayooya lweeno.
6 #
Tus 17:24
Sikasampusampu ulayandaula busongo, pele tabujani,
Pele luzibo ndutete kumuntu uucenjede.
7Cija muntu mufubafuba,
Nkaambo kulinguwe takujanwa majwi aaluzibo,
8 #
Lk 12:20; 1 Kor 3:19 Busongo bwamuntu uucenjede mbwakumvwisya inzila yakwe,
Pele kupilingana kwabafubafuba kuleena.
9 #
Tus 1:22
Leza ulasampaula basizibi,
Pele baluleme balamukondezya.
10Moyo ulizi macise aawo;
Amukusekelela taakwe muntu umbi uumvwana awo,
11 #
Job 8:15; Tus 3:33 Iŋanda yabasizibi ilanyonyoonwa,
Pele cilao cabaluleme cilajana coolwe,
12 #
Tus 16:25; Rom 6:21 Inzila nkwiili iiluleme mumeso aamuntu,
Pele kumamanino ilatola kulufu,
13 #
Muk 2:2
Nemuba mukuseka moyo ulausa,
Amamanino aakukondwa nkupenga,
14 #
Tus 12:14; 2 Kor 1:12; Flp 4:7 Uupilingene ulalya micelo yanzila zyakwe;
Amuntu mubotu ulakuta kumilimo yakwe,
15Uuongelezeka ulazuminina makani oonse,
Pele muntu uucenjede ulayeeya kabotu kweenda kwakwe,
16 #
Tus 22:3
Musongo ulayoowa, ulacija bubi,
Pele mufubafuba ulalisumpula, ulaliiba,
17Uufwamba kukalala ulacita bufubafuba;
Muntu musongo ulakazika moyo wakwe.
18Baongelezeka balavuba bufubafuba,
Pele bacenjede balasamikwa munsini waluzibo.
19Bantu babi balakotama kunembo lyababotu,
Abasizibi kumilyango yabaluleme.
20 #
Tus 19:7
Mutengwana ulisulidwe akubeenzinyina,
Pele muvubi ulijisi bazwalani banji,
21 #
Int 41:1
Uusampaula mweenzinyina ngusizibi,
Pele uli acoolwe uufwida bacete luzyalo.
22Bayeeya makani mabi, sa tabaleyi?
Bayeeya bubotu balajana luzyalo alusyomo.
23Mumilimo yoonse mulajanwa impindu,
Pele kwaamba buyo kulaleta bucete.
24Munsini wabasongo mbusongo bwabo;
Ingala yabafubafuba mbufubafuba bwabo.
25Kamboni uusyomeka ulavuna buumi,
Pele oyo uuamba zyakubeja ngusikwaaba,
26Mukuyoowa Jehova muntu ulajana inguzu zisyomeka,
Abana bakwe balijisi ciyubilo.
27 #
Tus 13:14
Kuyoowa Jehova nkasensa kabuumi,
Kuti muntu acije tukole twalufu.
28Mubantu banji mwami mwaajana bulemu,
Pele na tajisi bantu banji, silutwe ulanyonyooka.
29 #
Tus 15:18; Mt 11:29; 1 Kor 13:4,5; Jak 1:19 Uumuka kukalala ulicenjede loko,
Pele oyo uufwamba kunyema ulasumpula bufubafuba,
30 #
Job 5:2; Int 112:10; Inc 7:9; Rom 1:29; Jak 4:5 Moyo uukede ulaponya mubili,
Pele ibbivwe lilabozeka zifuwa.
31 #
Job 31:15,16; Muk 5:8; Tus 17:5; 22:2; Mt 25:40; 1 Joh 3:17 Uupenzya mutengwana ulasampaula Mulengi wakwe,
Uufwida mucete luzyalo ulamulemeka.
32 #
Job 13:15; Int 23:4; 2 Kor 1:9; 2 Tim 4:18 Sizibi ulanyonyooka mukubisya kwakwe,
Pele mululami ulajana ciyubilo mukululama kwakwe.
33Busongo bulikede mumoyo wamuntu uucenjede,
Pele tabuzibiki akati kabafubafuba.
34Bululami bulasumpula cisi,
Pele zibi zilaletela bantu lusampuko.
35 #
Mt 24:45-47
Mulanda uucenjede ulabotezya mwami,
Pele bukali bwakwe bulasikila uucita zyuusya insoni.
Currently Selected:
Tusimpi 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
