Ba-Filipi 1

Injuzyo, Paulo ulalumba Ba-Filipi akubakombela

1 # Inc 16:12; 1 Kor 1:2; 1 Tim 3:1,8 Ndiswe ba-Paulo a-Timoteo bazike ba-Kristo Jesu. Tulamujuzya nyoonse nubasalali bamuli-Kristo Jesu bali mu-Filipi, ababishopo aba daikona. 2#Rom 1:7Luzyalo alube anywe, aluumuno kuzwa kuli-Leza Taateesu aku-Mwami wesu Jesu Kristo.

3 # Rom 1:8; 1 Kor 1:4 Ndalumba Leza wangu lyoonse nendi mukumuyeeya, 4nkabela muzikombyo zyangu zyoonse nzendi mukumukombela ndakomba cakukondwa 5nkaambo kalugwasyanyo lwanu lwakugwasya Makani Mabotu kuzwa kubuzuba butaanzi akusikila sunu. 6#Flp 2:13; 1 Kor 1:6-8Moyo wangu ulisinizye cintu comwe, cakuti oyo iwakamusaangunina mulimo mubotu unooya buulondola mane kusikila kubuzuba bwa-Jesu Kristo. 7Kuleelede kuti miyeeyo yanu njinjeeya ndinywe nyoonse ibe mbubonya obo, nkaambo mumoyo wangu nsikonzyi kuluba kuti, nimuba mubwaange bwangu nimuba mumilimo yakulungulula akusimpikizya Makani Mabotu, nyoonse muli basiluswaananoma kuluzyalo. 8#Rom 1:9; 2 Kor 1:23; 1 Tes 2:5Leza ngukamboni wangu uuzi mbwemusukeme caluyandisyo lwamumoyo wa-Jesu Kristo. 9Lino cintu ncenkomba nceeci cakuti luyando lwanu kaluciya buvula, antoomwe aluzibo alumvwisyo, 10#Rom 2:18; 12:2; 1 Tes 5:23; Heb 5:14kuti musalulule zintu ziinda kubota, mube bantu benibeni batakwe mulandu mane kusikila kubuzuba bwa-Kristo, 11#Ef 5:9; 1:6,12,14; Joh 15:8akuzula micelo yabululami iizwa kuli-Jesu Kristo iileta bulemu alutembauzyo kuli-Leza.

Kwaangwa kwa-Paulo mbukwakacitya kuti milimo ya-Leza iye impuwo. Bakambausi bamisyobo misyobo balakambauka makani aa-Kristo

12 # 2 Tim 2:9 Lino beenzuma, njanda kuti muzibe nconzyo zyoonse zyandiwida mbuzyagwasya kutola kunembo Makani Mabotu. 13#Inc 28:30; Flp 4:22; Ef 3:1Nkaambo bwaange bwangu mbwengangidwe nkaambo ka-Kristo bwaboneka moonse mnganda yabasimpi akumeso aabantu bamwi boonse, 14nkabela banji akati kabakwesu bamu-Mwami, nibakabona bwaange bwangu, bakainda kuyumya myoyo yabo akuba akaanzambwene kakwaamba makani aa-Leza cakutayoowa. 15Bamwi nconzyo balakambauka Kristo nkaambo kabbivwe ankondo, 16pele bamwi balamukambauka camyoyo mibotu. Aba bacita caluyando, mbubezi kuti ndi mulomo wakwaambilila Makani Mabotu, 17pele abo balakambauka Kristo cabbivwe cakutasinizya, mbubayeeya kuti bazoondikataazye kubwaange bwangu. 18#Flp 2:17,18Ani nkutinzi? Nkukwaamba buyo kuti muziyanza zyoonse, nikuba kukuupaupa ameso nikuba kulusinizyo, Kristo ulakambaukwa, Lino nciceeci ncenkondelwa, nkabela noozooya bucikondelwa. 19#Job 13:16; 2 Kor 1:11Nkaambo ndizi kuti aya makani alandetela luvuno nkaambo kazikombyo zyanu acaabilo ca-Muuya wa-Jesu Kristo ncindapegwa, 20#1 Pet 4:16aboobo moyo wangu uladunamina akukulwiila kuti ntakafwisigwi bweeme mucintu niciba comwe, pele ndasyoma kuti kuciindi ecino, mbuli lyoonse, nkabe akaanzambwene kapati, kuti Kristo alemekwe mumubili wangu, nikuba kubuumi nikuba kulufu.

Miyeeyo yalufu ayabuumi mbwiilwana mumoyo wakwe

21 # Gal 2:20 Nkaambo kakuti kulindime buumi nkukuti Kristo, alwalo lufu nimpindu, 22#Rom 1:13Pele na ncipona ansi ano, nkukwaamba kuti nzoojana micelo yamilimo yangu, aboobo ncenzoosala nsicizi pe. 23#1 Bam 19:4; 2 Kor 5:8Moyo wangu wakwelwa kobile, nkaambo njandisya kwiinka kuyookala nkwabede Kristo, ikuti ncibotu loko cakwiinda, 24nekubaboobo kucikala ansi ano kuleelede nkaambo kandinywe. 25Lino mbundamvwa obo, ndizi kuti noozoocipona ncobeni, noozoocikala anywe nyoonse, kuti muzookule akukondwa mulusyomo lwanu, 26nkabela kuzoovula kutembaula kwanu nkumuti tembauzye Kristo Jesu nkaambo kandime nenti bweede kuba anywe.

Ulabakombelezya kuti bakakatile lusyomo lwabo

27 # Kol 1:10; Flp 4:3; 1 Tes 2:12 Pele buumi bwanu mbumweendela bubote bwakweelela Makani Mabotu aa-Kristo, lino nanka ndeza kumubona nanka nintabiwo ndaswiilila buyo makani aanu, nzooziba kuti muliimvwi nji camoyo omwe akulwida lusyomo lwa-Makani Mabotu nyoonse mbuli muntu omwe. 28Mutabayoowi nikuba buniini basinkondonyokwe. Kutayoowa kwanu ncicilaizyo kulimbabo cakunyonyooka, pele kulindinywe ncicilaizyo calufutuko lwanu luzwa kwa-Leza, 29Nkaambo coolwe ncimupedwe nkaambo ka-Kristo taceensi cakuzuminina kulike, pe, mulipedwe akuciswa nkaambo kakwe, 30#Inc 16:19-40ikuti muli ankondo eyo njiyonya njimwakabona mulindime, alimwi sunu mulamvwa kuti ncili ayo.

Currently Selected:

Ba-Filipi 1: Ibbaib63

Highlight

Copy