Ba-Efeso 6

Zyeelela zyabana abazyali

(Ba-Kolose 3:20,21)

1 # Kol 3:20 Banike, amulemeke bazyali banu mu-Mwami, nkaambo cililuleme kucita obo. 2#Kul 20:12; Dt 5:16Aka kapango kakuti, Lemya uso abanyoko, ngumulazyo mutaanzi uuyungizizigwa cisyomezyo. 3Kulaambwa kuti, Ukale kabotu akupona ciindi cilamfu ansi. 4#Kol 3:21; Is 50:5; Tus 2:2; 3:11; 19:18; Dt 6:7,20-25; Int 78:4Anywebo numawisi, mutanooluvukili bana banu, pele amubalele mulwiiyo lwa-Mwami amumilazyo yakwe.

Zyeelelo zyabalanda abasimalelo babo

(Ba-Kolose 3:22-25)

5 # Kol 3:22-25; Tit 2:9,10; 1 Pet 2:18 Nubalanda, amumvwe ibategwa mbami banu baansi ano cakuyoowa acakulemeka. Milimo yanu ibe yamoyo omwe mbuli milimo iicitilwa Kristo, 6itabi yakumeso aabantu buyo yakubotezya bantu. Amubeleke mbuli balanda ba-Kristu akupangika moyo kukucita luyando lwa-Leza, 7kuti mulimo ube walulito lubotu mbuli mulimo uucitilwa Mwami, utabi mbuli mulimo uucitilwa bantu buyo. 8#2 Kor 5:10Nkaambo mulizi kuti kufumbwa cintu cibotu ncacita muntu unoolumbulwa mbubonya ku-Mwami, nali muzike nali muzyale. 9#Dt 10:17; Kol 3:25; 4:1; 2 Mak 19:7; Inc 10:34Anywebo nubami, amubacitile mbubonya, amuleke kubakanza, nkaambo mulizi kuti anywebo mulijisi Mwami uuli kujulu, nkabela kulinguwe takulangililwi ciwa camuntu pe.

Zintu zyakulwisya zya-Leza

10 # 1 Kor 16:13; 1 Joh 2:14 Kumalekelo, nubakwesu, amuyume mu-Mwami amunguzu zyakwe impati, 11#Ef 4:14; 2 Kor 10:4Amusame zilwanyo zyoonse zya-Leza, kuti mukonzye kwiima mumeeneeno aa-Diabolosi. 12#Ef 2:2; Joh 14:30; Kol 1:13; 1 Pet 5:8,9Nkaambo inkondo njitulwa tiiensi yakulwana abantu balya maila, pe, niakulwana abeendelezi abami abasinguzu bamumudima waansi ano, tulalwana amyuuya yabubi iili mumyeenya yakujulu, 13#1 Bam 20:11Nkikaako nkindaambila kuti amuzwate zilwanyo zyoonse zya-Leza, kuti mukakonzye kulwisya mubuzuba bubi, elyo yamana buyo inkondo yoonse muzooima nji. 14#Is 11:5; 59:17; Lk 12:35; 1 Pet 1:13; 1 Tes 5:8Lino mbuboobo mbumweelede kwiima, Amulyaange kuzikungu lutambo lwalusinizyo akulisamika kucamba cikwabilizyo cabululami. 15#Is 52:7; 40:3,9Zituta zyanu zibambwe kukusamikwa a-Makani Mabotu aaluumuno. 16#1 Pet 5:9; 1 Joh 5:4Kwiinda zyoonse amubweze intobo yalusyomo, njiyonya njimukonzya kuzimya mimvwi yoonse iipya iifuswa kumubi. 17#Is 59:17; 11:4; 49:2; 51:16; 1 Tes 5:8; Hos 6:5Alimwi amubweze ingoani yalufutuko, apanga lya-Muuya, nkukuti ijwi lya-Leza. 18#Mt 26:41; Kol 4:2,3Amukombe lyoonse azikombyo ankumbizyo zyoonse zyamu-Muuya, Ee, amupangike myoyo yanu cabusungu kumakani aya, mukombele basalali boonse. 19#Kol 4:3; 2 Tes 3:1; Inc 4:29Ambebo amundikombele, kuti nkapegwe majwi, nkaasame amulomo wangu akuzibya kaanzambwene zintu zisisidwe zya-Makani Mabotu, 20#2 Kor 5:20; Kol 4:4ngaonya makani ngindi ngambela uuangidwe anketani. Amukombe kuti ngaambe aya makani kaanzambwene mbubonya mbunjelede.

Makani aa-Tukiko

21 # Inc 20:4; 2 Tim 4:12; Kol 4:7 # Kol 4:7-8 Lino kuti anywebo muzibe makani aangu ambumpona, mukwesu muyandwi Tukiko, similimo musyomesi wamu-Mwami, uzoomuzibya oonse makani. 22#Kol 4:7,8Nciconya eco ncindamutumina kulindinywe, kuti muzibe makani esu, alimwi ndasyoma kuti uzootontozya myoyo yanu.

Aakumamanino

23Luumuno alube kubakwesu, aluyando alusyomo, kuzwa kuli-Leza Taateesu akuli-Jesu Kristo Mwami wesu. 24#1 Pet 1:8Luzyalo alube kulimbabo boonse ibayanda Mwami wesu Jesu Kristo aluyando lwinilwini.

Currently Selected:

Ba-Efeso 6: Ibbaib63

Highlight

Copy