Obadiya 1
1
Zibi zyaba-Edomu nzibabisizya ba-Israyeli
1 #
Is 21:11; Ezk 25:12-14; Joel 3:19; Mal 1:3 Nceeci cilengano ca-Obadiya. Mbuboobu mbwaamba Mwami Jehova aa-Edomu. Twaswiilila impuwo iizwa kuli-Jehova. Kwatumwa mu tumwa akati kabamasi. Uti, Amubuke, twiinke kuyoomulwisya. 2Bona! Ndimucesezye akati kabamasi. Ulisampukide loko. 3#2 Bam 14:7; 2 Mak 25:12; Is 14:13; Ciy 18:7Kulisumpula kwamoyo wako kwakweena, uwe nokede mukati kaŋanzi zyamandomba, noli acikalilo cakujulu, noamba mumoyo wako kuti, Ngwani uukonzya kundiselusya ansi? 4#Job 20:6; Is 14:14,15; Jer 49:16; Am 9:2; Hab 2:9Nekuba kuti utante kujulu mbuli insika, akuyaka citeente cako akati kanyenyeezi, akooko njookuselusya, mbwaamba Jehova. 5Ma! Ulisaalidwe! Nikwakali kuti babbi bakeza kulinduwe, nanka bafumpi beza masiku, sa teebakali kunoobba cakukuta buyo na? Nikwakali kuti wakasikilwa basikucela misaansa, sa teebakali kunoosiya micelocelo imwi na? 6Pele Esau walangisigwa! Ziyandisi zyakwe zilondwedwe zilijanidwe. 7Boonse mbotangene abo cizuminano bakutanda akumamanino aanyika. Boonse mbowakakede abo caluumuno bakweena, akukuzunda. Abo ibakalya insima kulinduwe bakuteya cigece. Walo taswiilili pe.
8Mubuzuba obo, mbwaamba Jehova, sa nsikooyoonyonyweda ba-Edomu basongo, akumanina cilundu ca-Esau bupampu na? 9#Int 76:5; Jer 49:22; Am 2:16; Nah 3:13Basintaze bako, O Temani, bayookanduka, aboobo bantu boonse bakucilundu ca-Esau bayoomana kujayigwa.
10 #
Matl 47:21; Int 137:7; Ezk 35:5,15; Am 1:11; Mal 1:4 Nkaambo kabuvupi mbowavupula mnyoko Jakobo, bweeme buyookuvumba. Uyookosolwa cakutabuka limbi. 11#Nah 3:10Nkaambo mubuzuba obo niwakaimikila kumbali, bazwakule nibakasaala imbono zyakwe, bamasi nibakanjila munlilyango yakwe akuwaalila Jerusalemu cisolo, ayebo wakali mbubonya mbuli baabo. 12#Mik 4:11; Tus 24:17We! Utakondelelwi munyoko mubuzuba mbwaba mubuzike. Utasekeleli bana ba-Juda mubuzuba bwalunyonyooko lwabo. Utaambi cakulisumpula mubuzuba bwamapenzi aabo. 13Utanjili mumulyango wabantu bangu mubuzuba bwamafwabi aabo. Utalangi ayebo cakukondwa mbubapenga mubuzuba bwamafwabi aabo, nikuba kutambika maanza kumbono zyabo mubuzuba bwamafwabi aabo. 14#Is 34:5-17; 63:1-6; Jer 49:7-22; Ezk 25:12-14; 35:1-15; Am 1:11-12; Mal 1:2-5Utaimikiti amaandaanino aanzila kuti ujaye abo bali mukuloboka, alimwi utaabi abo basyeede mubuzuba bwamapenzi. 15#Bab 1:7; Int 137:8; Ezk 35:15; Joel 3:7,8Nkaambo buzuba bwa-Jehova buli afwiifwi. Bulasikila misyobo yoonse. Lino mbuli mbuwacita, ayebo uyoocitilwa mbubonya. Kubisya kwako kuyoobweeda amutwe wako omwini. 16Nkaambo mbuli mbumunywide acilundu cangu cisalala, bamasi boonse bayoonywa mbubonya obo ciindi coonse. Bayoonywa akukolwa, elyo bayooba mbuli mbubatabede.
17Pele mucilundu ca-Ziyoni muyooba inkamu lilobokede, iyoosalala, nkabela luzubo lwa-Jakobo luyoovuba imbono zyabo. 18Luzubo lwaJakobo luyooba mulilo aluzubo lwa-Josefa luyooba mabangabanga, aluzubo lwa-Esau luyooba zisikosiko ziyumide. Bayoobatenta akubamaninizya, nkabela takukooyooba uusyaala muluzubo lwa-Esau, Mbwaamba Jehova.
19 #
Zef 2:7
Nkabela bana bakumusanza bayoovuba cilundu ca-Esau, abana batulundulundu bayoovuba nyika yaba-Filisti, alimwi bayoovuba myuunda yaEfraimu amyuunda ya-Samariya, abalo bana ba-Benjamini bayoovuba Gileadi. 20#1 Bam 17:9Basaale bankamu yabana ba-Israyeli bakede akati kaba-Kanana bayoovuba nyika mane kusikila ku-Zarefati, abasaale ba-Jerusalemu bakede mu-Sefaradi bayoovuba minzi yakumusanza. 21#Is 19:20; Dan 2:24; Zek 14:9; Ciy 11:15Elyo kulasika bafutuli kucilundu ca-Ziyoni kuzoobeteka zilundulundu zya-Esau, abwami buyooba bwa-Jehova.
Currently Selected:
Obadiya 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
