Jona 1
1
Jona mbwaakacija naakalaililwa kuya ku-Nineve
1 #
2 Bam 14:25
Lino ijwi lya-Jehova lyakeza kuli-Jona mwana wa-Amitai, liti, 2#Matl 10:11; 18:20; Joh 3:3; Nah 2:8; Mt 12:41; Ezr 9:6; Jak 5:4Buka, koya ku-Nineve, kununzi ulya mupati, ukakambauke kulinguwo, nkaambo bubi bwabo bweza kunembo lyangu. 3#Is 23:1; Jos 19:46; 2 Mak 2:16; Inc 9:36; Matl 4:16Mpawo Jona wakanyamuka, wakati, Ndobokele ku-Tarisi kuzwa kubusyu bwa-Jehova. Elyo wakaya ku-Jopa, wakajana bwaato buya ku-Tarisi, aboobo wakabbadela mali aakunjizya mulimbubo, wakanjila akwiinka ambabo ku-Tarisi kuzwa kubusyu bwa-Jehova.
4Pele Jehova wakatuma iguwo ipati loko mulwizi, elyo kwakaba mayuwe mapati mumaanzi, nkabela bwaato bwakaba anga bulakwamuka. 5Lino basibwaato bakayoowa, bakatalika kukomba umwi aumwi kumuzimu wakwe, nkabela zintu zyoonse izyakali mubwaato bakazisowela mumaanzi, kuti bwaato bulemununwe. Pele Jona kaselukide kubbazu lyabwaato kuyoolala, nkabela kali muŋonzi impati loko.
6 #
Int 78:34; Mt 8:25 Elyo mwami wabwaato wakeza nkwaakabede, wakamwaambila kuti, Uwe nuona, ucitanzi? Buka, ukombe Leza wako. Ambweni Leza ulatuyeeya kuti tutafwi. 7#Jos 7:14; 1 Sam 10:20; Tus 16:33; Inc 1:26Nkabela bakaamba umwi aumwi kumweenzinyina kuti, Kamuza, tusonde, tuzibe na nguni watuletela mapenzi aali boobo. Mpawo bakasonda, nkabela inkakata yakawida Jona.
8 #
Jos 7:19
Lino bakamwaambila kuti, Twaambile, nkaambo kani nitwasikilwa malweza aali boobu? Ino ucita milimonzi? Ino uzwa kuli? Inyika yako njiili? Uli musyobonzi? 9Elyo wakabaambila kuti, Ndi muHebrayo. Ndayoowa Jehova Leza wejulu iwakalenga lwizi anyika injumu. 10Nkabela abo bantu bakayoowa akuyoowa kupati loko, bakamwaambila kuti, Ncinzi eci ncowacita? Nkaambo bantu bakalizi kuti wacija kuzwa kubusyu bwa-Jehova, nkaambo kakuti wakabaambilide obo. 11Mpawo bakamubuzya kuti, Lino tukucite buti kuti maanzi atuumunine? Nkaambo maanzi akali kucita mayuwe. 12#Muk 9:18Wakabaambila kuti, Amundibweze, mundisowele mumaanzi, kuti lwizi lubatame, nkaambo ndizi kuti mulandu wangu ncimwasikilwa eli iguwo ipati.
13 #
Tus 21:30
Nekubaboobo abo bantu bakayambisya bwaato kuti babulete kunkomwe, pele kabatakonzyi pe, nkaambo maanzi akali amayuwe, aguwo kalyuunga loko kulimbabo. 14#Dt 21:8Aboobo bakakomba kuli-Jebova, bakati, Twakukomba, O Jehova, utatulekeleli kuti tunyonyooke nkaambo kabuumi bwayooyu muntu, utatupi mulandu wabulowa bwamuntu uululeme, nkaambo uwe, O Jehova, wacita mbuli mboyanda. 15Mpawo bakabweza Jona akumusowela mulwizi, nkabela ndilyonya lwakatontola kuunga. 16Elyo abo bantu bakayoowa loko Jehova, nkabela bakapaila cipaizyo kuli-Jehova, akukonkezya zikonke.
17 #
Mt 12:40
Lino Jehova wakabambide inswi impati yakumena Jona. Nkabela Jona wakali mwida lyanswi kumazuba otatwe isikati amasiku.
Currently Selected:
Jona 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
