Myeelwe 36
36
Milao yakukwatwa kwabanakazi basikukona
1 #
My 26:29
Lino kwakasika basilutwe banzubo zyabana ba-Gileadi mwana waMakiri mwana wa-Manase, inzubo zyabana ba-Josefa, nkabela bakaamba mumatwi aa-Musa amumatwi aabapati basilutwe banzubo zyabana ba-Israyeli, 2#My 27:1,7; 26:55; 33:54; Jos 17:3,4bati, Jehova wakalailila simalelo wesu kwaabila bana baIsrayeli nyika kucisolo, alimwi simalelo wesu wakalaililwa kuli-Jehova kuti lukono lwamukwesu Zelofehadi lupegwe bana bakwe basimbi. 3Pele na bakwatwa kumusyobo umbi wabana ba-Israyeli, lino lukono lwabo luyootolwa kuzwa kumusyobo wabamatata, luyooba lwamusyobo umbi; luyootolwa kumusyobo nkubakwatwa, aboobo lulaloba. 4#Lev 25:10Waakusika mwaka wakulizya myeembo akati kabana ba-Israyeli, lukono lwabo luyooyungizizigwa kulukono lwamusyobo oyo nkubayookwatwa, luyoolobelela kumusyobo wabamatata.
5 #
My 27:7
Lino Musa wakalailila bana ba-Israyeli kumulomo wa-Jehova, wati, Musyobo wabana ba-Josefa waamba ciluleme. 6Lino mbuboobu Jehova mbwaalailila aabana basimbi ba-Zelofehadi. Bakwatwe kufumbwa muntu ngubayanda, pele bakwatwe mumonya mumusyobo wabamawisi. 7#1 Bam 21:3Lukono lwabana ba-Israyeli talweelede kutolwa kumusyobo umbi; bana ba-Israyeli bakakatile umwi aumwi kulukono lwamusyobo wawisi. 8#1 Mak 23:22Kufumbwa mwanakazi uukona lukono mumusyobo nuuba umwi wabana ba-Israyeli, akwatwe kumwaalumi wamusyobo wabamawisi, kuti bana ba-Israyeli bakone umwi aumwi lukono lwabamawisi. 9Kutabi lukono lutolwa kumusyobo umbi pe. Misyobo yabana ba-Israyeli ikakatile umwi aumwi kulukono lwawo.
10Nkabela bana basimbi ba-Zelofehadi bakacita mbubonya mbuli Jehova mbwaakalailila Musa. 11#My 27:1Mala, Tiriza, Hogila, Milika, a-Nowa, boonse bakakwatwa kubana bababunyina wisi. 12Bakakwatwa munzubo zya bana ba-Manase mwana wa-Josefa, aboobo lukono lwabo lwakalikede mumonya mumusyobo wawisi.
13 #
My 22:1; 26:3; 31:12; 33:50; Dt 33:4; Neh 9:12-14; Joh 1:17; 7:19 Njeeyo milao ambeta Jehova njaakalailila bana ba-Israyeli kumulomo wa-Musa kumagezi aa-Moabu kunkomwe ya-Jordano iilangene a-Jeriko.
Currently Selected:
Myeelwe 36: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
