Deuteronomo 1
1
Musa mbwaakaibalusya ba-Israyeli makatli aakweendeenda kwabo
1 #
My 32:6,20,29; Jos 9:1; 22:4,7 Ngaaya majwi aa-Musa ngaakaambila ba-Israyeli boonse mutala lyaJordano munkanda; ku-Araba kulangene a-Sufi, akatikati ka-Parana a-Tofeli, Labani, a-Hazeroti a-Dizahabu. 2#My 13:26; Dt 9:23Ndweendo lwamazuba aali ikumi abumwi kuzwa ku-Horebu kwiinda kucilundu ca-Seiri kusikila ku-Kadesi-Barinea. 3#My 33:38Mumwaka wamakumi one, mumwezi wakumi aumwi, mubuzuba butaanzi bwamumwezi, Musa wakaambila bana ba-Israyeli makani oonse Jehova ngaakamulailila aakutola kulimbabo, 4#My 21:21-35; Neh 9:22; Int 135:11; 139:19naakamana kunyonyoona Silioni mwami waba-Amori, iwakakede ku-Hesiboni, a-Ogi mwami wa-Basana iwakakede ku-Asitaroti aku-Edrei. 5Mutala lya-Jordano, munyika ya-Moabu, Musa mwaakatalikila kupandulula eyi milao, Wati, 6#Kul 3:11; 9:1; My 10:11Jehova Leza wesu wakatwaambila ku-Horebu, wakati, Mwakala ciindi cilamfu kucilundu eci; 7amunyamuke, mulongele kuzilundu zyabaAmori amisyobo iibambene abo mu-Araba, kuzilundu akucisi catulundulundu aku-Negebi akunkomwe yalwizi, nyika yaba-Kanana, a-Lebanoni, kusikila kumulonga mupati, mulonga wa-Firate. 8#Matl 12:7; 15:18; 28:13Amubone! Ndabika nyika kumeso aanu, Amunjile, mwiivube nyika eyo Jehova njaakakonkezya kulibamausowanu, ba-Abrahamu a-Izaka a-Jakobo, kuti abape njiyo, balo alunyungu lwabo.
9 #
Kul 18:18; My 11:14 Kuciindi eco ndakamwaambila kuti, nsikonzyi kumulela endike. 10#Matl 15:5; 22:17; 28:14; Kul 32:13; Dt 10:22; 28:62; 1 Mak 27:23Jehova Leza wanu wamuvuzya, aboobo sunu muli banji loko mbuli inyenyeezi zyakujulu. 11#Matl 22:17; 26:4; Kul 32:13Jehova Leza wabamauso wanu amuyungizizye alimwi ziindi zili cuulu, muvule kwiinda sunu, akumupa coolwe mbubonya mbwaakasyomezya. 12#1 Bam 3:8; 2 Kor 11:28Njumune buti makataazyo aanu amukuli wankondo zyanu, mebo endike? 13Amusale bantu basongo, bacenjede, bali amaanu, mumisyobo yanu, mbabike kuti babe basilutwe banu. 14Mpawo mwakandivwiila kuti, Cintu ncoamba cililuleme kuti tucite. 15Aboobo ndakatambula basilutwe bamisyobo yanu, bantu basongo bacenjede, ndakababika kuti babe basilutwe banu, bapati bazyuulu, abapati bamyanda, abapati bankamu zyamakumi osanwe, bapati bamakumi, abasolozi, mumisyobo yenu yoonse. 16#Kul 23:2-8; Joh 7:24; Lev 24:22Lino kuciindi eco nciconya ndakalailila babetesi banu kuti, Amubeteke milandu yababunyina, akukosola kabotu makani aamuntu umwi aumwi amweenzinyina naba mweenzu uukala awe. 17#1 Sam 16:7; Tus 24:23; Jak 2:1; Tus 28:21; 29:4,25; 2 Mak 19:6; Kul 18:22,26Tamweelede kusalaula mukubeteka kwanu; muleelede kuswiilila makani aabantu boonse buyo, nebaba bapati nebaba baniini; alimwi mutayoowi bantu, nkaambo imilimo yakubeteka njiya-Leza. Amakani aamukacila, amwaalete kulindime, nkaswiilile. 18Alimwi ndakamulailila kuciindi eco nciconya zintu zyoonse nzemweelede kucita.
19 #
My 10:12; Dt 8:15; Jer 2:6; My 13:26 Elyo twakanyamuka kuzwa ku-Horebu, twainda akati kankanda impati iiyoosya njemwakabona, kunzila yazilundu zyaba-Amori, mbubonya mbuli Jehova mbwaakatulailila, mane hunwi twakasika ku-Kadesi-Barinea. 20Lino ndakamwaambila kuti, Mwasika kuzilundu zyaba-Amori, nyika njatupa Jehova Leza wesu. 21#My 13:30; 14:8,9; Jos 1:9; Int 27:1-3; 46:1,7,11; Is 41:10; 43:1,2; Lk 12:32; Heb 13:6Amubone! Jehova Leza wanu wabika nyika kumeso aanu. Kamuya, mukaivube, mbubonya mbuli Jehova Leza wabamauso mbwaakamwaambila. Mutayoowi nekuba kukankama. 22Mpawo mwakasika nyoonse akwaamba kuti, Atutaangune kutuma bantu, kuti batutwelele nyika akutuletela makani aanzila njitutola amakani aaminzi njetuyoojana. 23#My 13:3Lino ayo makani-akandibotela, nkabela ndakasala bantu bali ikumi ababili akati kanu, nkokuti muntu omwe kumusyobo umwi aumwi, 24nkabela bakanyamuka, baya kuzilundu, basika kukalonga kaEsikolo batwela nkuko. 25Elyo bakabweza imwi micelo yanyika mumaanza aabo akwiileta kulindiswe. Nkabela bakatuletela majwi aakuti, Nimbotu nyika njatupa Jehova Leza wesu.
26 #
Dt 9:23; Heb 3:16; My 14:1-4; Int 106:24 Nekubaboobo mwakakaka kwiinka, Mwakapapila malailile aa-Jehova Leza wanu. 27#Dt 9:28Mwakali kunyontauka muzilao zyanu cakwaamba kuti, Jehova watusula: nciceeco ncaakatugwisizya munyika ya-Egepita, kuti atwaabe mumaanza aaba-Amori akutunyonyoona. 28#My 13:28-33; Dt 9:1,2Ino tulaya kuli? Bakwesu bakompaamya myoyo yesu cakwaamba kuti, Bantu mbapati, alimwi mbalamfu kwiinda ndiswe. Minzi mipati, alimwi ilijisi mabaya aasika kujulu. Abalo bana ba-Anaki twababona nkuko. 29Mpawo ndakamwaa-mbila kuti, Mutakankami, nekuba kubayoowa. 30#Kul 14:14; Neh 4:20Jehova Leza wesu ulamuzulwida, ulamulwida, mbubonya mbwaakamucitila ku-Egepita kumeso aanu, 31#Inc 13:18; Kul 19:4; Dt 32:11; Is 46:3,4; 63:9; Hos 11:3ambwaakacita munkanda, nkaambo mulibwene Jehova mbwaakamubbede mbubonya mbuli muntu mbwabbala mwana wakwe, munzila yoonse njimwakaleta mane mwakasika okuno. 32#Heb 3:19; Int 106:24; Jud 1:5Pele nekuba kuti ndakaamba majwi aya, mwakakaka kusyoma Jehova Leza wanu, 33#Kul 13:21; Int 78:14; My 10:33; Ezk 20:6iwakali kumuzulwida munzila yoonse kuyoomuyandawida busena bwakuyaka zilao zyanu, iwakali kweenda mumulilo ciindi camasiku, kuti amutondezye inzila njimweelede kutola, amumayoba ciindi casikati.
34 #
Heb 3:18; Dt 2:14 Lino Jehova naakamvwa majwi aanu, wakakalala, wakakonkezya kuti, 35#My 14:22; Int 95:11Ncobeni takukooyooba muntu naba omwe akati kabantu bazyalani eli ibbi, uuyoobona nyika imbotu njindakakonkezya kupa bamawisi, 36cita Kalebe mwana wa-Jefune luzutu; walo uyooibona, nkabela njoomupa nyika eyo njaakalyataula, abana bakwe, nkaambo watobela Jehova camoyo woonse. 37#My 27:14; Dt 3:26; 4:21; 34:4; Int 106:32Ambebo, Jehova wakandikalalila nkaambo kanu. Wakati, Ayebo tokooyoonjila mulinjiyo, 38#Kul 24:13; 33:11; 1 Sam 16:22; Dt 31:7,23pele Joshua mwana wa-Nuni uukubelekela nguuyoonjila; komuyumya, nkaambo ngonguwe uuyookonya ba-Israyeli nyika. 39#Is 7:15,16; Ezk 18:20Abana banu mbomwakaamba kuti balaba cisaalo, batanaziba kwaandaanya bubotu abubi, mbembabo bayoonjila, nkabela njoobapanyika kuti baivube. 40Pele ciindi ecino amupiluke, muye kunkanda kunzila yaku-Lwizi Lusalala.
41Mpawo mwakandivwiila kuti: Twabisizya Jehova; tulaya kuyoolwa mbubonya mbuli Jehova Leza wesu mbwaakatulailila. Nkabela mwakasama umwi aumwi zilwisyo zyakwe akusoleka kwiinka kunyika yazilundulundu. 42Pele Jehova wakandaambila kuti, Kobaambila kuti, Mutainki kuyoolwa pe, nkaambo nsili akati kanu, kuti mutazundwi kulibasinkondonyoko. 43#My 14:44,45Elyo ndakamwaambila obo, nekubaboobo mwakakaka kuswiilila. Mwakasampaula majwi aa-Jehova, mwalisumpula, mwainka kuzihmdulundu. 44#Dt 28:25; 32:30; Int 118:12; Is 7:18Mpawo ba-Amori ibakakede omo muzilundulundu bakeza kuzoomulwisya, nkabela bakamutanda mbubonya mbuzicita inzuki, akumukoma mu-Seiri mane kusikila ku-Horima. 45#Job 27:9; Int 66:18; Tus 1:24; Is 1:15; Jer 11:7-14; Zek 7:11; Joh 9:31Elyo mwakapiluka akulila kubusyu bwa-Jehova, pele Jehova takwakaswiilila kulila kwanu nikuba kucenjeka matwi aakwe. 46#My 13:25; 20:1,22; Bab 11:17Aboobo mwakalikede ku-Kadesi mazuba manji, mbubonya mbwaakabede mazuba aanu aakukala nkuko.
Currently Selected:
Deuteronomo 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
