Deuteronomo 2
2
1 #
My 21:4
Lino twakapiluka, twatola lweendo lwakuya kunkanda, kunzila iibambalika ku-Lwizi Lusalala, mbubonya mbuli Jehova mbwaakandaambila, Nkabela mazuba manji twakali kuya buzyunguluka kucilundu ca-Seiri. 2Lino Jehova wakandaambila kuti, 3Mweendeenda ciindi cilamfu mucilundu eci, Amutozye kulubazu lwakunyika, 4#Matl 36:8Lino lailila bantu cakwaamba kuti, Mulainda akati kacisi cabananyoko, bana ba-Esau bakede mu-Seiri. Balamuyoowa. Lino amucenjele loko, 5#Matl 36:8; Dt 32:8; Jos 24:4; 2 Mak 20:10-12; Int 115:3; 135:5,6; Dan 4:32,35; Inc 17:26Mutabusizyanyi inkondo pe, nkaambo nsikoomupa nyika yabo nibuba buniini, niiba iili mbuli lino lyacituta, nkaambo Esau ndakamupa cilundu ca-Seiri, cibe lukono lwakwe. 6Zilyo zyakulya mulazyuula kulimbabo amali, amaanzi aakunywa mulaaula kulimbabo amali. 7Nkaambo Jehova Leza wanu wamulongezya mumilimo yoonse yamaanza aanu. Ulizi mbumwali kweendeenda munkanda eyi impati. Myaka eyi iili makumi one Jehova Leza wanu waba anywebo, Taakwe cintu ncimwakabula. 8#1 Bam 9:26; 2 Bam 14:22; 16:6Elyo twakatola lweendo lwesu lwakuya kunembo, twaindilila bakwesu bakede mu-Seiri, twainda kunzila ya-Araba, kuzwa ku-Elati aku-Ezioni Geberi.
Elyo twakatozya kuya kuakanda ya-Moabu. 9#Matl 19:37; My 21:28; Int 83:8Nkabela Jehova wakandaambila kuti, Mutakataazyi ba-Moabu nikuba kubabusizya inkondo, nkaambo nsikoomuvubya nyika yabo abuniini, pe, nkaambo bana ba-Loti ndakabapa Ari, bavube. 10#Matl 14:5; My 13:22; Dt 9:2(Ba-Emi mbobakataanguna kukala mulinjiyo, bantu bapati bayumu, balamfu mbuli ba-Anaki. 11Abo bantu abalo balaambwa kuti mba-Refai, mbubonya mbuli ba-Anaki, pele ba-Moabu balaba amba kuti mba-Emi. 12#Matl 14:6; 36:20; 1 Mak 1:38-42Abalo ba-Hori mbobakataanguna kukala mu-Seiri, pele bana ba-Esau bakabatanda, babanyonyoona, bakala mucibaka cabo, mbubonya mbuli ba-Israyeli mhubakacitila nyika yalukono lwabo njaakabapa Jehova.) 13Lino amunyampuke, muzubuke kalonga ka-Zeredi, Mpawo twakazubuka kalonga ka-Zeredi. 14#My 14:28-35; 26:64; 32:11; Int 78:33; 90:3-9; Dt 1:34,35; Ezk 20:15Nkabela ciindi coonse cakweendeenda kwesu, kuzwa ku-Kadesi-Barinea kusikila kuciindi cakuzubuka kalonga ka-Zeredi, cakasika kumyaka iili makumi otatwe amusanu aitatu, mane lumwi izyalani lyoonse lyabasilumamba lyakamaninina kufwa muzilao zyesu, mbubonya mbuli Jehova mbwaakakonkezya. 15#1 Sam 5:6-11; 7:13; Int 95:10,11; 106:26; Heb 3:11-19; 4:1-5Nkaambo ncobeni ijanza lya-Jehova lyakali kubalwisya, kuti libanyonyoone mumalabba, mane lumwi bakamaninina.
16Lino basilumamba abo boonse nebakamana kufwa akati kabantu, 17Jehova wakandaambila kuti, 18Buzuba obuno mulazubuka munyinza waba-Moabu, ku-Ari, 19#Matl 19:38; 14:5Mwasika kumunyinza waba-Amoni, mutabakataazyi nekuba kubalwisya, nkaambo nsikoomuvubya nyika yabana ba-Amoni pe, nkaambo nyika eyo ndakai pa bana ba-Loti kuti baivube. 20(Nyika eyo ayalo ilaambwa kuti ninyika yaba-Refai. Ba-Refai mbebakataanguna kukala nkuko, pele ba-Amoni babaamba kuti mba-Zamzumi. 21Bakali bantu bapati bayumu balamfu mbuli ba-Anaki, pele Jehova wakabanyonyoona kubusyu bwabo, nkabela bakabatanda akukala mucibaka cabo. 22#Matl 36:8; Job 12:23Wakabacitila mbubonya mbwaakacitila bana ba-Es au bakede mu-Seiri, nkaambo wakanyonyoona ba-Hori kunembo lyabo, nkabela bakabatanda akukala mucibaka cabo nkukonya oko nkubacikede asunu. 23#Jos 13:3; Jer 25:20; Zef 2:4; Matl 10:14; Am 9:7Abalo ba-Avi, ibakakede muminzi imwi akusikila ku-Gaza, ba-Kafitori ibakazwa ku-Kafitori bakabanyonyoona akukala mucibaka cabo.) 24#My 21:13,14; Bab 11:18Lino amunyampuke, mweende, muzubuke kalonga ka-Arinoni. Bona! Ndaaba mumaanza aako Sihoni mu-Amori mwami wa-Hesiboni, anyika yakwe; talika kwiivuba, Amulibambe kumulwisya! 25#Kul 15:14; Dt 11:25; Jos 2:9Buzuba obuno ndatalika kubika buyoofu mumyoyo yabantu boonse buyo baansi, bakankame kubusyu bwanu, Bamvwa buyo impuwo yanu, balazyangama akufwaba loko nkaambo kanu.
26 #
Dt 20:10; Es 9:30 Elyo ndakatuma batumwa kuzwa kunkanda ya-Kademoti. Ndakabatuma kuli-Sihoni mwami wa-Hesiboni amajwi aalumuno, ndati, 27#My 21:21; Bab 11:19Atwiinde akati kanyika yako. Tulainda munzila buyo. Tatukooleya kululyo na kulumwesi. 28#My 20:19Zilyo nzenjanda kulya, ulanduuzizya amali, maanzi aakunywa ulaanduuzizya amali. Njiinde buyo, 29#Dt 23:3; Bab 11:17mbubonya mbubakandicitila bana ba-Esau bakede ku-Seiri aba-Moabu bakede ku-Ari, mane nkazubuke mulonga wa-Jordano akunjila munyika njatupa Jehova Leza wesu. 30#My 21:23; Jos 11:19,20; Kul 4:21; Hos 4:17; Jak 1:13-15Pele Sihoni mwami wa-Hesiboni takwakazumina kutuleka kuti twiinde, nkaambo Jehova Leza wanu wakayumya moyo wakwe, waba sicinguni, kuti amwaabe mumaanza aanu, mbubonya mbomubwene asunu. 31Mpawo Jehova wakandaambila kuti, Bona! Ndatalika kale kumupa Sihoni anyika yakwe mumaanza aanu, Amutalike kuvuba, muvube nyika yakwe. 32Nkabela Sihoni abantu bakwe boonse bakeza kuzootulwisya ku-Jahaza. 33#Kul 23:31; Dt 7:2; 20:16; Int 135:10-12; 136:18-20; Dt 29:7Lino Jehova Leza wesu wakamwaaba mumaanza esu, aboobo twakamuzunda abana bakwe abantu bakwe boonse. 34#Lev 27:28; My 21:2,3; Dt 7:2,26; Jos 7:11; 8:25,26; 9:24; 11:14; 1 Sam 15:3-9Nkabela twakajata minzi yakwe yoonse kuciindi eco nciconya. Twakanyonyoona minzi yoonse yabantu, baalumi abanakazi abana boonse buyo, Teetwakasia muntu naba omwe pe. 35Pele iŋombe twakazitola kuti zibe zyesu, antoomwe azisaalo zimwi zyamuminzi njitwakazunda. 36#Dt 3:12; 4:48; Jos 13:9; Int 44:3Kuzwa ku-Aroeri kunkomwe yakalonga ka-Arinoni, akuzwa kumunzi uuli kukalonga, mane kusikila ku-Gileadi, koonse koonse katakwe munzi iwakatukacila. Yoonse buyo, Jehova Leza wesu wakaiaba mumaanza esu. 37#Matl 32:22; My 21:24; Dt 3:16Pele nyika yabana ba-Amoni, teemwakaiguma pe, nkokuti koonse kunkomwe zyamulonga wa-Jakobi, aminzi yakuzilundulundu, akooko koonse Jehova Leza wesu nkwaakatukasya.
Currently Selected:
Deuteronomo 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
