Myeelwe 35
35
Minzi yaba-Leoi
1 #
Jos 21:1-42
Lino Jehova wakaambila Musa mumagezi aa-Moabu, kunkomwe ya-Jordano kulangene a-Jeriko, wati, 2#Lev 25:32,33; My 18:20-24; Dt 18:1,2; 1 Mak 6:64; Jos 14:3,4; 21:2; Ezk 45:1; 48:8Lailila bana ba-Israyeli kuti bape ba-Levi minzi yakukalila akati kalukono lwabo ndobatambula, alimwi amupe ba-Levi macezezyo munyika iiengelede minzi. 3Minzi ibe yabo, bakale mulinjiyo, amacezezyo abe aaŋombe zyabo amatanga aabo abanyama bamwi. 4Nkabela macezezyo aaminzi njemupa ba-Levi ayooba tukokola tuli cuulu koonse koonse kuzwa kubulambo bwamunzi. 5Muleelede kweeleka tukokola tuli zyuulu zyobile anze lyamunzi kulubazu lwakujwe, atukokola tuli zyuulu zyobile kulubazu lwakumusanza, atukokola tuli zyuulu zyobile kulubazu lwakumbo, atukokola tuli zyuulu zyobile kulubazu lwakunyika, amunzi ube akatikati. Mbwaayooba macezezyo aaminzi yabo. 6#Dt 4:41; Jos 20:2; 21:3; Int 9:9; 62:7,8; Is 4:6Minzi njimuyoopa ba-Levi njeeyi: minzi yamayubilo iili musanu aumwi, sikujaya muntu nkwakonzya kucijila, aminzi imwi iili makumi one aibili. 7#1 Mak 6:54-81; Jos 21:41Nkokuti minzi yoonse njemuyoopaba-Levi iyooba makumi one amusanu aitatu, antoomwe amacezezyo aayo. 8#Jos 21:3; Kul 16:18; My 26:54; 33:54Nkabela minzi eyi njemugwisya mulukono lwabana ba-Israyeli, kumusyobo munji amugwisye minji, akumusyobo muce amugwisye mice, musyobo umwi aumwi upe ba-Levi minzi mbubonya mbuli lukono lwawo.
Mulao waminzi yamayubilo
9 #
Dt 19:2-4; Jos 20:1-9 Lino Jehova wakaambila Musa kuti, 10#Dt 19:2; Jos 20:2Ambila bana ba-Israyeli kuti Mwazubuka mulonga wa-Jordano kunjila munyika ya-Kanana, 11#Kul 21:13amulisalile imwi minzi ibe minzi yamayubilo, kuti muntu uujaya mweenzinyina cakutaziba acijile nkuko. 12#Dt 19:6; Jos 20:3Minzi eyi iyoomubeda macijililo aabasikuliyankoto, kuti sikujaya atafwi katana kubetekwa kunkuta, 13Minzi yamayubilo aanu njemubika ibe musanu aumwi. 14#Dt 4:41; 2 Kor 8:13,14Amubike minzi yotatwe mutala lya-Jordano, aminzi yotatwe munyika ya-Kanana, ibe mayubilo aanu, 15#My 15:16Eyi minzi iili musanu aumwi iyooba minzi yamayubilo yabana ba-Israyeli ayabeenzu ayabasimutuntuli bakalakala akati kanu; kufumbwa muntu uujaya mweenzinyina cakutaziba acijile nkuko.
16 #
Kul 21:12,14; Lev 24:17; Dt 19:11,12 Pele na wamuumya cibelesyo cabutale, aboobo wafwa, mujayi; mujayi ncobeni uleelede kujayigwa. 17Alimwi na wamuumya ibbwe lyamujanza lyakwe, ibbwe likonzya kujaya muntu, aboobo wafwa, mujayi; mujayi ncobeni uleelede kujayigwa. 18Alimwi na wamuumya cibelesyo cazisamu, kufumbwa cibelesyo cikonzya kujaya muntu, aboobo wafwa, mujayi; mujayi ncobeni uleelede kujayigwa, 19Sikuliya inkoto yabulowa amujaye oyo mujayi; kufumbwa namuswana amujaye. 20#Matl 4:8; 2 Sam 3:27; 20:10; 1 Bam 2:31; Lk 4:29; Kul 21:14; Dt 19:11; 1 Sam 18:10,11,25; 20:1; 23:7,8; Int 10:7-10; 30:7,8Na wakamuyasa calusulo nanka kumuyubilila akumufusa aboobo wafwa, 21nanka kuumya ijanza lyakwe cabusinkondonyina, aboobo wafwa, lino oyo iwakamuuma uleelede kujayigwa. Sikuliya inkoto yabulowa ajaye mujayi kufumbwa naamuswana. 22Pele na wamoongomokela kumuuma, nekuba kuti tali sinkondonyina, nanka kumufusa acibelesyo cili buti cakutamuyubilila, 23nanka kubweza ibbwe, kufumbwa ibbwe likonzya kujaya muntu, akumufusa ndilyo cakutamubona, aboobo wafwa, nekuba kuti katali sinkondonyina na sikuyanda kumubisizya, 24#Jos 20:6bantu babeteke makani aayooyo sikujava asikuliya inkoto yabulowa, Babeteke mbuli milao eyi, 25#Ef 1:7; Kul 29:7; Lev 4:3; 21:10Bantu bavune sikujaya mumaanza aasikuliya inkoto yabulowa, bamupilusye kumunzi waciyubilo cakwe nkwaakacijilide, akale nkukonya oko mane kusikila kulufu lwamupaizi simutwe iwakananikwa mafuta aasalala. 26Pele na mujayi uya bweendeenda anze lyamugaano wamunzi waciyubilo cakwe nkwaakacijila, 27#Kul 22:2nkabela sikuliya inkoto yabulowa wamujana anze lyamugaano wamunzi waciyubilo cakwe, aboobo sikuliya inkoto yabulowa wamujaya nkukonya oko, tajisi mulandu wabulowa pe. 28Nkaambo muntu uleelede kukala mumunzi waciyubilo cakwe mane kusikila kulufu lwamupaizi simutwe. Musule lyalufu lwamupaizi simutwe sikujaya alobonoke akupiluka kunyika yalukono lwakwe.
29 #
My 27:11
Mbuuyooba mulao wambeta akati kanu mumazyalani aanu oonse amumakalilo aanu oonse. 30#Dt 17:6; 19:15; Mt 18:16; 2 Kor 13:1; 1 Tim 5:19; Heb 10:28; Ciy 11:3Na muntu wajaya mweenzinyina, sikujaya ulajayigwa kumilomo yabakamboni. Pele muntu omwe buyo alike teelede kuba kamboni wakujazya muntu. 31Alimwi tamweelede kutambula lununuko lwabuumi lwamujayi iwakajaya mweenzinyina; ncobeni uleelede kujayigwa. 32#Inc 4:12; Gal 2:21Ayooyo iwakaloboka kumunzi waciyubilo, tamweelede kutambula lununuko lwakumupilusya kunyika yakwe, mane mupaizi afwe. 33#Matl 4:9-12; Lev 18:25; Dt 21:23; Int 106:38; Hos 4:2,3; Mik 4:11; Matl 9:6Mutasofwaazyi nyika njemukede pe, nkaambo bulowa mbobusofwaazya nyika, nkabela tacikonzeki kumanya milandu yanyika bulowa nkobutikide cita kubulowa bwayooyo iwakabutila. 34#Lev 18:25; Dt 21:23; Kul 29:45,46; My 5:3; Int 76:2; Is 8:18; Hos 9:3; 2 Kor 6:16Mutasofwaazyi nyika momukede, monkede ambebo, nkaambo mebo nde-Jehova ndikede akati kabana baIsrayeli.
Currently Selected:
Myeelwe 35: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
