Myeelwe 2
2
Kubambwa kwamalabba aaba-Israyeli
1Lino Jehova wakaambila ba-Musa a-Aroni kuti, 2#My 1:52; 24:2-9Bana ba-Israyeli bayake zilao zyabo, umwi aumwi kumbali lyandembela yakwe mwini, nkonkuko kucitondezyo caluzubo lwabamawisi. Bayake cakulangana atente lyambunganino kumabazu oonse. 3#My 10:14; Rut 4:20; 1 Mak 2:10; Mt 1:4; Lk 3:32,33Abo bayaka kujwe kubuzwezuba babe bandembela yalabba lya-Juda munkamu zyabo, Silutwe wabana ba-Juda abe Nasoni mwana wa-Aminadabu. 4Bantu bankamu yakwe ibakabalwa bakali zyuulu zili makumi aali musanu aabili azine amyanda iili musanu aumwi. 5#My 7:18,23Abaabo babambana awe babe musyobo wa-Isakara. Silutwe wabana ba-Isakara abe Netaneeli mwana wa-Zuwara. 6#My 26:25Bantu bankamu yakwe ibakabalwa bakali zyuulu zili makumi osanwe azine amyanda yone. 7#Matl 49:13; Dt 33:18Awalo musyobo wa-Zebuloni. Silutwe wabana ba-Zebuloni abe Eliabu mwana wa-Heloni. 8Bantu bankamu yakwe ibakabalwa bakali zyuulu zili makumi osanwe amusanu azibili amyanda yone. 9#My 10:14; 1 Mak 5:2; Int 78:52Mweelwe wabantu boonse ibakabalwa mumalabba aa-Juda, munkamu zyabo, wakali zyuulu zili mwanda amakumi aali musanu aatatu azyuulu zili musanu acimwi am yanda yene. Mbembabo beelede kuzulula kunembo.
10 #
Dt 33:6; 1 Mak 5:1 Kulubazu lwakumusanza kulaba indembela yamalabba aa-Rubeni munkamu zyabo, Silutwe wabana ba-Rubeni abe Elizuri mwana waSedeuri. 11Bantu bankamu yakwe ibakabalwa bakali zyuulu zili makumi one amusanu acimwi amyanda yosanwe. 12Abaabo babambana awe babe musyobo wa-Simeoni. Silutwe wabana ba-Simeoni abe Selumiyeli mwana wa-Zurisadai. 13Bantu bankamu yakwe ibakabalwa bakali zyuulu zili makumi osanwe amusanu azine amyanda yotatwe. 14Awalo musyobo wa-Gadi. Silutwe wabana ba-Gadi abe Eliyasafe mwana wa-Reueli. 15Bantu bankamu yakwe ibakabalwa bakali zyuulu zili makumi one amusanu amyanda iili musanu aumwi amakumi osanwe. 16#My 10:18; Matl 49:3; 1 Mak 5:1Mweelwe wabana boonse ibakabalwa mumalabba aa-Rubeni, munkamu zyabo, wakali zyuulu zili mwanda amakumi osanwe acimwi amyanda yone amakumi osanwe. Mbembabo beelede kuba inkamu yabili yakweenda.
17 #
Inc 7:44; Heb 8:2; 1 Kor 14:40 Kusule lyabaaba akatikati kamakamu, kulanyamuka itente lyambunganino ankamu yaba-Levi. Mbuli mbubayaka zilao zyabo, balanyamuka mbubonya umwi aumwi mumwenya wakwe weelede, kumbali lyandembela zyabo.
18 #
Matl 48:14-20; Int 80:1; Hos 11:3 Kulubazu lwakumbo kulaba indembela yamalabba aa-Efraimu munkamu zyabo, Silutwe wabana ba-Efraimu abe Elisama mwana wa-Amihudi. 19Bantu bankamu yakwe ibakabalwa bakali zyuulu zili makumi one amyanda yosanwe. 20Abaabo babambana awe babe musyobo wa-Manase. Silutwe wabana ba-Manase abe Gamaliyeli mwana wa-Pedazuri. 21Bana bankamu yakwe ibakabalwa bakali zyuulu zili makumi otatwe azibili amyanda yobile. 22#Int 68:27; Ciy 7:8Awalo musyobo wa-Benjamini: silutwe wabana ba-Benjamini abe Abidana mwana wa-Gideoni. 23Bantu bankamu yakwe ibakabalwa bakali zyuulu zili makumi otatwe amusanu amyanda yone. 24#My 10:22Mweelwe wabantu boonse ibakabalwa mumalabba aa-Efraimu, munkamu zyabo, wakali zyuulu zili mwanda amusanu azitatu amwanda. Mbembabo beelede kuba inkamu yatatu yakweenda.
25 #
Dt 32:22
Kulubazu lwakunyika kulaba indembela yamalabba aa-Dani munkamu zyabo. Silutwe wabana ba-Dani abe Ahiezeri mwana wa-Amisadai. 26Bantu bankamu yakwe ibakabalwa bakali zyuulu zili makumi aali musanu alimwi azibili amyanda iili musanu aibili. 27Abaabo babambana awe babe musyobo wa-Aseri, Silutwe wabana ba-Aseri abe Pagiyeli mwana waOkirani. 28Bantu bankamu yakwe ibakabalwa bakali zyuulu zili makumi one acimwi amyanda yosanwe. 29#Matl 30:8; 49:21; 2 Bam 15:29; Ciy 7:6Awalo musyobo wa-Nafitali: silutwe wabana ba-Nafitali abe Ahira mwana wa-Enani. 30Bantu bankamu yakwe ibakabalwa bakali zyuulu zili makumi osanwe azitatu amyanda yone. 31#My 10:25Mweelwe wabantu boonse ibakabalwa mumalabba aa-Dani wakali zyuulu zili mwanda amakumi osanwe amusanu azibili amyanda iili musanu aumwi. Mbembabo beelede kusyaalila kweenda andembela zyabo,
32 #
Kul 12:37; 38:26; My 1:46; 11:21 Mbaabo bana ba-Israyeli ibakabalwa munzubo zyabamawisi. Mweelwe wabantu bankamu zyoonse, boonse ibakabalwa bakasika kuzyuulu zili myanda iili musanu aumwi azyuulu zyotatwe amyanda yosanwe amakumi osanwe. 33Pele ba-Levi teebakabalwa akati kabana ba-Israyeli, pe, mbubonya mbuli Jehova mbwaakalailila Musa.
34Nkabela bana ba-Israyeli bakacita mbubonya mbuli Jehova mbwaakalailila Musa. Bakayaka zilao zyabo kumbali lyandembela zyabo, alimwi bakeenda, umwi aumwi muciinga cakwe amuluzubo lwakwe, mbubonya mbubakalaililwa.
Currently Selected:
Myeelwe 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.