Myeelwe 1
1
Bantu mbubakabalwa munkanda ya-Sinai
1 #
My 26:1-51; Kul 19:1; Lev 27:34; My 10:12; Kul 25:22; Lev 1:1 Lino Jehova wakaambila Musa mu nkanda ya-Sinai, mutente lyakubunganina, mubuzuba butaanzi bwamumwezi wabili mumwaka wabili wakupola kwabo kuzwa kunyika ya-Egepita, Wakati, 2#Kul 30:12; 38:26; My 26:2-4,63,64; 1 Mak 21:2; 2 Sam 24:2Amubale mweelwe wambungano yoonse yabana ba-Israyeli, mumikowa yabo amuziinga zyabo, kulembwe mazina aabantu boonse, nkokuti baalumi boonse umwi aumwi. 3Boonse bajisi myaka iili makumi obile na kusotoka, ba-Israyeli boonse bakonzya kuya kunkondo, amubabale, webo a-Aroni, munkamu zyabo. 4#My 2:2; 1 Mak 27:1Nkabela antoomwe anywebo kuyooba muntu omwe omwe wamusyobo umwi aumwi. Muntu umwi aumwi abe simutwe waluzubo lwakwe. 5#Matl 29:32; Kul 1:2; Dt 33:6; Ciy 7:4Ngaaya mazina aabantu mbemuyooba abo: kumusyobo wa-Rubeni, Elizuri mwana wa-Sedeuri; 6kumusyobo wa-Simeoni, Selumiyeli mwana wa-Zurisadai; 7#My 7:12; 10:14; Rut 4:20; 1 Mak 2:10; Lk 3:32kumusyobo wa-Juda, Nasoni mwana wa-Aminadabu; 8kumusyobo wa-Isakara, Netaneeli mwana wa-Zuwara; 9kumusyobo wa-Zebuloni, Eliabu mwana wa-Heloni; 10kubana ba-Josefa, kumusyobo wa-Efraimu, Elisama mwana wa-Amihudi; akumusyobo wa-Manase, Gamaliyeli mwana wa-Pedazuri; 11kumusyobo wa-Benjamini, Abidana mwana wa-Gideoni; 12kumusyobo wa-Dani, Ahiezeri mwana wa-Amisadai; 13kumusyobo wa-Aseri, Pagiyeli mwana wa-Okirani; 14#My 2:14kumusyobo wa-Gadi, Eliyasafe mwana wa-Deyueli; 15kumusyobo wa-Nafitali, Ahira mwana wa-Enani. 16#Matl 6:4; Kul 18:21; My 7:2; 1 Mak 5:24; Bab 6:15; Kul 18:21; Dt 1:15Abo mbebakasalwa kuzwa kumbungano, basimutwe banzubo zyabo, basimutwe bamikowa ya-Israyeli.
17Lino ba-Musa a-Aroni bakabweza abo bantu balembedwe, 18#Ezr 2:59; Neh 7:61; Heb 7:3nkabela bakayobolola imbungano yoonse mubuzuba butaanzi bwamumwezi wabili, balemba mazyalani aabo, munzubo zyabo amuziinga zyabo, kuti babalwe boonse, umwi aumwi iwakajisi myaka iili makumi obile na iindilila, 19#My 26:1,2; 1 Mak 27:23,24; 2 Sam 24:1mbubonya mbuli Jehova mbwaakalailila Musa. Wakababala boonse oko kunkanda ya-Sinai.
20Lino bana ba-Rubeni, mwana mutaanzi wa-Israyeli, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 21mweelwe waba-Rubeni wakali zyuulu zili makumi one amusanu alimwi amyanda yosanwe.
22 #
2 Sam 22:35; Int 44:3; 60:12; 1 Kor 16:13; 2 Kor 3:5; Ef 6:12 Bana ba-Simeoni, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 23mweelwe wamusyobo wa-Simeoni wakali zyuulu zili makumi osanwe amusanu azine amyanda yotatwe.
24 #
Matl 30:11; 49:19; Jos 4:12; Ciy 7:5 Bana ba-Gadi, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 25mweelwe wamusyobo wa-Gadi wakali zyuulu zili makumi one amusanu amyanda iili musanu aumwi amakumi osanwe.
26 #
Matl 29:35; 49:8-10; Int 78:68; Mt 1:2; Heb 7:14; Ciy 5:5 Bana ba-Juda, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 27mweelwe wamusyobo wa-Juda wakali zyuulu zili makumi aali musanu aabili azine amyanda iili musanu aumwi.
28Bana ba-Isakara, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 29mweelwe wamusyobo wa-Isakara wakali zyuulu zili makumi osanwe azine am yanda yone.
30Bana ba-Zebuloni, mumazyalani aabo, munzubo zyabo amu zii nga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 31mweeIwe wamusyobo wa-Zebuloni wakali zyuulu zili makumi osanwe amusanu azibili amyanda yone.
32 #
Matl 30:24; 48:15,20; Int 60:7; 78:67; Jer 7:15 Bana ba-Josefa, nkokuti bana ba-Efraimu, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 33mwee Iwe wamusyobo wa-Efraimu wakali zyuulu zili makumi one amyanda yosanwe.
34Abana ba-Manase, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 35mweeIwe wamusyobo wa-Manase wakali zyuulu zili makumi otatwe azibili amyanda yobile.
36 #
Matl 35:16-18; 44:20; 49:27; Int 68:27; Ciy 7:8 Bana ba-Benjamini, mumazyalani aabo, munzubo zyabo amu zii nga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 37mweeIwe wamusyobo wa-Benjamini wakali zyuulu zili makumi otatwe amusanu amyanda yene.
38 #
Matl 30:5,6; 49:16,17 Bana ba-Dani, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 39mweelwe wamusyobo wa-Dani wakali zyuulu zili makumi aali musanu alimwi azibili amyanda iili musanu aibili.
40Bana ba-Aseri, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 41mweelwe wamusyobo wa-Aseri wakali zyuulu zili makumi one acimwi amyanda yosanwe.
42Bana ba-Nafitali, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo, 43mweelwe wamusyobo wa-Nafitali wakali zyuulu zili makumi osanwe azitatu amyanda yone.
44 #
My 26:64
Mbaabo ibakabalwa, mbebakabala ba-Musa a-Aroni abasilutwe baIsrayeli, bantu bali ikumi ababili ibakasalwa umwi aumwi mu ciinga cawisi. 45Aboobo bana ba-Israyeli boonse bamunzubo zyabo ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo— 46#Matl 13:16; Kul 12:37; 38:26; Dt 10:22; My 26:51; 1 Bam 4:20mweelwe wabo woonse wakali zyuulu zili myanda iili musanu aumwi azyuulu zyotatwe amyanda yosanwe amakumi osanwe.
47 #
My 2:33; 3:1; 26:57; 1 Mak 6:1; 21:6 Pele ba-Levi, luzubo lwabo teelwakabalwa akati kabo pe. 48Nkaambo Jehova wakaambila Musa kuti, 49#My 26:62Musyobo wa-Levi ulike, toelede kubabala, amweelwe wabo utalembwi akati kabana ba-Israyeli. 50#Kul 31:18; 32:26; My 3:7,8,23; 4:15-33Bika ba-Levi kuti babe amilimo yatente lyambunganino amilimo yazibelesyo zyalyo ayazintu zyoonse zili mulindilyo. Mbembabo beelede kuyumuna itente azibelesyo zyalyo zyoonse, nkabela baleelede kulibamba akuyaka zilao zyabo cakulizyunguluka, 51#My 10:17,21Itente nelilonzegwa, ba-Levi mbobeelede kulimwaya alimwi nelisimpikwa, ba-Levi mbobeelede kulisimpa. Kufumbwa muntu umbi uuswena afwiifwi ulajayigwa. 52Bana ba-Israyeli baleelede kuyaka zilao zyabo munkamu zyabo, umwi aumwi alabba lyakwe mwini, umwi aumwi andembela yakwe mwini; 53#Lev 10:6; My 8:19; 16:46; 1 Sam 6:19; My 8:24; 1 Mak 23:32; 2 Mak 13:10pele ba-Levi baleelede kuyaka zilao zyabo cakuzyunguluka itente lyambunganino, kuti imbungano yabana ba-Israyeli itasikilwi bukali, Ba-Levi mbobeelede kubamba itente lyambunganino. 54Mbuboobo bana ba-Israyeli mbubakacita. Muzintu zyoonse bakacita mbubonya mbuli Jehova mbwaakalailila Musa.
Currently Selected:
Myeelwe 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
