Nehemiya 2
2
Nehemiya mbwaakaba Mweendelezi wa-Jerusalemu
1 #
Ezr 7:1
Mumwezi wa-Nisani mumwaka wamakumi obile wamwami Aritasasta, waini wakali kunywigwa kulinguwe, pawo ndakabweza waini, ndapa mwami, Nkabela ciindi cakamana teendakazibilide kuusa kubusyu bwamwami. 2#Tus 15:13Lino mwami wakandibuzya kuti, Ino nkaambonzi busyu bwako buli abuusu? Tociswi. Aya makani azwa mubuusu bwamoyo buyo. Mpawo ndakayoowa loko, 3#1 Bam 1:31; Dan 2:4; 5:10; Neh 1:3; Int 137:5ndaambila mwami kuti, Mwami apone lyoonse. Sa busyu bwangu tabweelede kuba abuusu? Munzi bamataata nkubazikidwe ulisaalidwe, amilyango yawo ilipiide mulilo. 4#1 Sam 1:13; Tus 3:6Mpawo mwami wakandaambila kuti, Ncinzi ncoyandaula? Elyo ndakakombela Leza wakujulu. 5Nkabela ndakaambila mwami kuti, Na cabota mumeso aamwami, alimwi na mebo ndemulanda wako ndijene buuya kunembo lyako, ndakumbila kuti unditume kucisi ca-Juda, kumunzi wamavwika aabamatata, nkauyakulule. 6#Neh 5:14Lino mwami wakandivwiila. (Alakwe mukakwe kakede kubbazu lyakwe). Wakati, Lweendo lwako lulatola mazuba ongaye? Uyooboola lili? Aboobo cakabota mumeso aamwami kundituma, nkabela ndakamubikila ciindi. 7Alimwi ndakaambila mwami kuti, Na cabota mumeso aamwami, mpegwe magwalo aakutolela beendelezi bakutala lyamulonga, kuti bandigwasye mulweendo lwangu mane lumwi nkasike kucisi ca-Juda, 8#Ezr 10:6,9; Neh 3:7; Ezr 5:5; Tus 21:1; Is 66:14; Dan 1:9; Inc 7:10alugwalo lwakutolela Asafu sikubamba misanza yamwami, kuti andipe zisamu zyakubezela milyango yaŋanda yabwami azyabulambo bwamunzi azyaŋanda njenti nkale mulinjiyo. Elyo mwami wakandipa, ijanza ibotu lya-Leza wangu mbulyakandigwasya.
9Lino ndakasika kubeendelezi bakutala lyamulonga, ndabapa magwalo aazwa kumwami. Nkabela mwami wakalitumide basilutwe bampi abasimabbiza, kuti njeende abo. 10Elyo Sanibalati mu-Horoni a-Tobiya muzike mu-Amoni nibakamvwa, bakabijilwa loko kuswiilila kuti kwasika muntu uuyanda kugwasya bana ba-Israyeli. 11#Ezr 8:32Nkabela nindakasika ku-Jerusalemu, ndakakala nkuko mazuba otatwe.
12Lino ndakanyampuka masiku, mebo abantu bace mbundakali abo. Teendakalwiida muntu naba omwe makani Leza wangu ngaakabikide mumoyo wangu, milimo njendakayanda kubeleka ku-Jerusalemu. Alimwi teendakajisi munyama naba omwe cita munyama ngundakatantide alinguwe. 13#2 Mak 26:9; Neh 3:13; 1:3; Jer 5:10Nkabela ndakazwa masiku kumulyango wakuti kunembo lyamukalo wabasikazwa, ndasika kumulyango wabufumba. Ndakalingula malambo aa-Jerusalemu aamwayidwe, amilyango yawo iipiide mulilo. 14#2 Bam 20:20; 2 Mak 32:30; Neh 3:15Alimwi ndakaya kunembo kusikila kumulyango wakasensa akukaziba kamwami, pele katakwe busena munyama ngundakatantide nkwaakakonzya kwiinda. 15#2 Sam 15:23; Jer 31:40; Joh 18:1Elyo ndakainda kukalonga ciindi camasiku, ndaakulingula bulambo, mane lumwi ndakapiluka, ndanjila kumulyango wakuti, ndaboola. 16Pele beendelezi teebakaziba nkundakaya na ncindakacita. Abalo ba-Juda abapaizi abasilutwe abeendelezi abamwi ibakali kucita milimo, taakwe naba omwe ngundakalwiida makani kuciindi eco.
17 #
1 Sam 11:2; Neh 1:3; Int 44:13; Jer 24:9; Malo 3:45,46; Ezk 5:14 Lino ndakabaambila kuti, Mwabona mapenzi ngetujisi, Jerusalemu ulisaalidwe, amilyango yawo ilipiide mulilo. Kamuza, tuyake bulambo bwa-Jerusalemu, kuti katutacisampaulwi, 18#2 Sam 2:7Elyo ndakabalwiida makani aajanza lya-Leza wangu mbulyakandigwasya, amajwi aamwami ngaakandaambila. Nkabela bakati, Atubuke, tuyake. Aboobo bakayumya maanza aabo kukucita kabotu. 19#Int 44:13; 79:4Pele Sanibalati mu-Horoni a-Tobiya muzike mu-Amoni a-Gesemu mu-Arabu nibakamvwa, bakatuseka akutusampaula. Bakati, Ino ncinzi cintu eci ncimucita? Sa mulayanda kupapila mwami? 20#Int 127:1; Rom 8:31; Ezr 4:3; Joh 4:9; Inc 8:21Mpawo ndakabavwiila kuti, Leza wakujulu uyootupa coolwe. Iswe tubalanda bakwe tulabuka, tukayake. Pele inywe tamujisi caabilo niiba imbono niciba ciibalusyo mu-Jerusalemu.
Currently Selected:
Nehemiya 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
