Nehemiya 3
3
Bantu mbubakaabilwa milimo yakuyaka bulambo
1 #
Neh 12:10,39; Joh 5:2; Jer 31:38; Zek 14:10 Lino Eliyasibu mupaizi mupati abapaizinyina bakabuka, bayaka mulyango wambelele. Mbombabo bakausalazya akwiimika zitendele zyawo. Bakausalazya mane kusikila iŋanda indamfu ya-Mea, kusikila iŋanda indamfu ya-Hananceli. 2#Ezr 2:34; Neh 7:36Kubbazu lyakwe bantu ba-Jeriko bakayaka. Kubbazu lyabo Zakuri mwana wa-lmiri wakayaka. 3#2 Mak 33:14; Neh 12:39; Zef 1:10; Neh 6:1Pele mulyango wanswi, bana ba-Hasenaya mbobakauyaka. Bakabika zisamu zyawo akwiimika zitendele zyawo azijaluzyo zyawo aminkulu yawo. 4Kubbazu lyabo Meremoti mwana wa-Uriya mwana wa-Kozi wakamamika. Kubbazu lyabo Mesulamu mwana wa-Berekiya mwana wa-Mesezabele wakamamika, Kubbazu lyabo Zadoki mwana wa-Banna wakamamika. 5#Bab 5:23Kubbazu lyabo ba-Tekowa bakamamika. Pele bapati babo teebakabika moyo woonse kumilimo ya-Mwami wabo. 6#Neh 12:39Pele mulyango mukulukulu Jehoyada mwana wa-Paseya a-Mesulamu mwana wa-Besodeya mbobakaumamika. Bakabika zisamu zyawo akwiimika zitendele zyawo azijaluzyo zyawo aminkulu yawo. 7#Jos 9:3; Neh 2:8Kubbazu lyabo Melatiya mu-Gibeoni wakamamika, a-Jadoni mu-Meronoti, abantu ba-Gibeoni aba-Mizipa, mane kusikila kucuuno cabwami bwamweendelezi wakookuno kutala lyamulonga. 8#Neh 12:38Kubbazu lyakwe Uzieli mwana wa-Harehaya, umwi wabafuzi bangolida wakamamika, Kubbazu lyakwe Hananiya mwana waumwi wabaŋanga wakamamika, Bakayakulula Jerusalemu mane kusikila kumulyango uukwazeme. 9Kubbazu lyabo Refaya mwana wa-Huri, mweendelezi wacipanzi cimwi ca-Jerusalemu, wakamamika. 10Kubbazu lyabo Jedaya mwana wa-Harumafi wakamamika kufwaafwi kuŋanda yakwe. Kubbazu lyakwe Hatusi mwana wa-Hasabineya wakamamika, 11#Ezr 2:32Acaabilo cabili, Malikiya mwana wa-Harimu a-Hasubu mwana wa-Pahati-Moabu mbobakacimamika, aŋanda indamfu yaziko. 12#Kul 35:25; Lk 8:3; Flp 4:3Kubbazu lyakwe Salumu mwana wa-Halohesi, mweendelezi wacipanzi cimwi ca-Jerusalemu, wakamamika, walo abana bakwe basimbi. 13#Neh 2:13; Jos 15:34Mulyango wakuti, Hanuni abantu baku-Zanoa bakaumamika, Bakauyaka, baimika zitendele zyawo azijaluzyo zyawo aminkulu yawo, alimwi bakayaka bulambo tukokola tuli cuulu mane kusikila kumulyango wabufumba, 14#Jer 6:1; Mik 1:11Pele mulyango wabufumba, Malikiya mwana wa-Rekabu nguwakaumamika, mweendelezi wacipanzi ca-Betihakeremu. Wakauyaka, waimika zitendele zyawo azijaluzyo zyawo aminkulu yawo. 15#Neh 2:14; Jos 18:26; Bab 20:1-3; Jer 40:6; Is 8:6; Lk 13:4; Joh 9:7Amulyango wakasensa, Salumu mwana wa-Koli-hoze, mweendelezi wacipanzi ca-Mizipa, nguwakaumamika, Wakauyaka, wauvumba, waimika zitendele zyawo azijaluzyo zyawo aminkulu yawo, alimwi wakayaka bulambo bwaziba lya-Siloamu libambene amuunda wamwami, mane kusikila kumatantilo aaseluka kuya kumunzi wa-Davida, 16#2 Bam 20:20; Is 22:11; Lwi 3:7Kusule lyayooyo, Nehemiya mwana wa-Azibuki, mweendelezi wacipanzi ca-Beti-zuri, wakamamika mane kusikila antu aalangene amavwika aa-Davida, akusikila kuziba ilyakacitwa, kuŋanda yabasilumamba. 17Kusule lyayooyo ba-Levi bakamamika: Rehumu mwana wa-Bani; kubbazu lyakwe Hasabiya, mweendelezi wacipanzi ca-Keila, wakamamika mucipanzi cakwe. 18#Jos 15:44; 1 Sam 23:1Kusule lyayooyo bakwabo bakamamika, Bavai mwana wa-Henadadi, mweendelezi wacipanzi cimwi ca-Kcila. 19#2 Mak 26:9Kubbazu lyakwe Ezeri mwana wa-Jeshua silutwe wa-Mizipa wakamamika caabilo cabili kuzwa kuntu kulangene amatantilo aakuya kuciyobwedo cazilwisyo kuciswi cabulambo. 20#Muk 9:10; Rom 12:11Kusule lyakwe Baruki mwana wa-Zabai wakasungwaala kumamika caabilo cabili kuzwa kuciswi kusikila kumulyango waŋanda ya-Eliyasibu mupaizi mupati. 21Kusule lyakwe Meremoti mwana wa-Uriya mwana wa-Hakozi wakamamika caabilo cabili kuzwa kumulyango waŋanda ya-Eliyasibu kusikila kumamanino aaŋanda ya-Eliyasibu. 22Kusule lyakwe bakamamika bapaizi, bantu bakubanda. 23Kusule lyabo Benjamini a-Hasubu bakamamika caabilo cilangene aŋanda yabo. Kusule lyakwe Azariya mwana wa-Maaseya mwana wa-Ananiya wakamamika kuntu kulangene aŋanda yakwe. 24Kusule lyabo Binui mwana wa-Henadadi wakamamika caabilo cabili kuzwa kuŋanda ya-Azariya kusikila kuciswi, nkukuti kucooko, 25#Neh 12:39; Jer 32:2Alakwe Palali mwana wa-Uzai wakamamika kuntu kulangene aciswi acisanza cibambene aŋanda indamfu iili kulubanza lwantolongo. Kusule lyakwe wakamamika Pedaya mwana wa-Parosi. 26#Ezr 2:43; Neh 7:46; 8:1-3Abalo ba-Netinimu bakalikede mu-Ofeli, bakamamika kusikila kuntu kulangene amulyango wamaanzi kujwe akucisanza cibambene awo. 27Kusule lyakwe ba-Tekowa bakamamika caabilo cabili, kuzwa kuntu kulangene acisanza cipati kusikila kubulambo bwa-Ofeli, 28#2 Bam 11:16; 2 Mak 23:15; Jer 31:40Kunembo lyamulyango wambizi bapaizi bakamamika, umwi aumwi kuntu kulangene aŋanda yakwe. 29#Jer 19:2Kusule lyabo Zadoki mwana wa-Imeri wakamamika kuntu kulangene aŋanda yakwe. Kusule lyakwe Semaya mwana wa-Sekaniya, sikulanga mulyango wakujwe, wakamamika. 30Kusule lyakwe Hananiya mwana wa-Selemiya a-Hanuni mwana wamusanu aumwi waZalafi bakamamika caabilo cabili. Kusule lyabo Mesulamu mwana waBerekiya wakamamika kuntu kulangene aŋanda yakwe. 31Kusule lyakwe Malikiya mwana wamufuzi wakamamika mane kusikila kuŋanda yabaNetinimu abasambazi, kuntu kulangene amulyango Mipikadi akusikila kumatantilo aakuciswi. 32#Neh 12:39; Joh 5:2Alimwi akati kamatantilo aakuciswi amulyango wambelele, bafuzi abasambazi bakamamika.
Currently Selected:
Nehemiya 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
