Marko 9

Jesu mbwaakasanduka atala acilundu

(Matayo 17:1-13; Luka 9:28-36)

1Lino wakabaambila kuti, Ncobeni ndamwaambila kuti ano mpomwiimvwi mpobali bamwi batakooyoomvwa lufu mane bakasaangunekubona Bwami bwa-Leza buzide anguzu.

2 # 2 Pet 1:17-18 Lino naakamana mazuba aali musanu abumwi Jesu wakatola Petro a-Jakobo a-Johane, watanta abalo kumbali adundu idamfu. Elyo wakasanduka kubusyu bwabo, 3nkabela zyakusama zyakwe zyakanyengema zyakatuba buu, taakwe sizisani waansi ano uunga ulazitubya mbubo pe. 4Mpawo kwakabapompela Eliya a-Musa, balaambaula a-Jesu. 5Lino Petro wakaambila Jesu kuti, O mwami, ncintu cibotu kuti tube ano, atuyake zilao zyotatwe, cimwi cibe cako, cimwi cibe ca-Musa, cimwi cibe ca-Eliya. 6Anu wakali kudubbwa buyo, nkaambo bakaliyoowede loko. 7#Mt 3:17; Mk 1:11; Lk 3:22; 2 Pet 1:17; Dt 18:15; Inc 3:22Mpoonya kwakaboola ikumbi, lyakabavunikila, alimwi omo mukumbi mwakazwa ijwi lyaamba kuti, Ngooyu Mwanaangu uuyandika, amuswiilile nguwe. 8Mpoonya bacebauke buyo, bakajana kuti taakwe muntu umbi pele Jesu walo alwabo beni.

9 # Mk 8:30 Lino nibakali kuciya buselemuka kuzwa adundu, Jesu wakabalailila kuti batalwiidi muntu naba omwe makani ngebakabona mane Mwana a-Muntu akabuke kuzwa kubafu. 10Elyo makani ayo bakaayobola, nkabela bakali kubuzyanya akati kabo beni aakubuka kuzwa kubafu kuti na nkokutinzi? 11#Mal 4:5; Mt 11:14Lino bakamubuzya kuti, Ino balembi baambilanzi kuti Eliya uleelede kusaanguna kusika? 12#Mal 4:5; Is 53:3Wakabaambila kuti, Ncobeni Eliya ulasaanguna kusika, azoolungulule zintu zyoonse, Alimwi, nkutyeni eco cilembedwe aa-Mwana a-Muntu cakuti uleelede kupenga loko akutakatwa? 13#Mt 11:14; 1 Bam 19:2,10Anu ndamwaambila kuti Eliya ulisikide kale, pele bakamucitila mbuli mbubakayanda mumyoyo yabo, mbubonya mbukulembedwe anguwe.

Jesu mbwaakaponya umwi sidaimona

(Matayo 17:14-21; Luka 9:37-43)

14 # Mt 17:14-21; Lk 9:37-42 Lino nibakasika kulibasikwiiya, bakabona makamu manji aabantu alibazyungulukide, abalo balembi bali kubaombolozya. 15Mpoonya bantu boonse nibakamubona, bakagamba loko, bakazuzaana kuyoomujuzya. 16Elyo wakababuzya kuti, Ino ncinzi ncimuombolozyanya ambabo? 17Lino umwi muntu wakumakamu wakamuvwiila kuti, Mufundisi, ndakaliletede kulinduwe mwanaangu uunjidwe daimona uutaambi. 18Koonse nkwaamujana ulamuwaala ansi, elyo ulayovula igovu, akuluma ntwino, alimwi wakotela. Ndakalibaambilide basikwiiya bako kuti bamutande, pele bakazundwa. 19Lino wakabavwiila kuti, Akaka, nywebo nobasyaasunu batasyomi! Ino nciindi congae ncenti kale kulindinywe? nciindi congae ncenti kamukazikile moyo? Amumulete kulindime. 20Elyo bakamuleta nkwaakabede, mpoonya amubone buyo, daimona wakamugwigwimya, nkabela wakawida ansi, wakali kwaalabana akuyovula igovu. 21Nkabela wakabuzya wisi kuti, Ino cakamutalikila lili eci? Wakati, Kubwanike. 22Kanjikanji cilamuwisizya mumulilo amumaanzi kuti cimunyonyoone. Kuti kokonzya, tufwide luzyalo, utugwasye. 23#Mk 11:23Jesu wakamwaambila kuti, Wanookonzya buti? Zintu zyoonse zilakonzeka kuliyooyo uusyoma. 24#Lk 17:5Mpoonya wisi mwana wakoonzomoka kuti, Ndasyoma! gwasya kutasyoma kwangu. 25Lino Jesu abone buyo kuti bantu banji baza bubilaana, wakatapatila daimona uusofweede, wamwaambila wati, Yebo odaimona uutaambi uutamvwi, ndakulailila kuti, Zwa mulinguwe, utacimunjili limbi. 26#Mk 1:26Mpoonya awo wakoonzomoka, wamugwigwimya loko, wazwa. Mpawo mwana wabaanga wafwa, elyo banjibanji bakaamba kuti wafwa. 27Pele Jesu wakamujata mujanza, wakamubusya, elyo wakabuka. 28Lino anjile buyo muŋanda basikwiiya bakwe bakamubuzya kumbali kuti, Ino kai swebo twakakacilwanzi kumutanda? 29Wakabaambila kuti, Oyu musyobo taakwe bumbi mbuutandwa pele kukukomba luzutu.

Jesu mbwaakasinsima lufu lwakwe

(Matayo 17:22,23; Luka 9:43-45)

30 # Mt 17:22,23; Lk 9:43-45 # Joh 7:1 Bazwe buyo oko, bakainda mucisi ca-Galilaya, nkabela takakali kuyanda kuti kube muntu uuziba boobo. 31#Mk 8:31; 10:32-34Nkaambo wakali kwiisya basikwiiya bakwe akubaambila kuti, Mwana a-Muntu ulaabwa kumaanza aabantu abati kamujaye, elyo aakujayigwa uyoobuka aakumana mazuba otatwe. 32#Lk 9:45; 18:34Pele balo teebakamvwisya makani ayo pe, alimwi bakali kuyoowa kwaabuzya.

Nguni mupati mu-Bwami bwa-Leza?

(Matayo 18:1-5; Luka 9:46-48)

33 # Mt 18:1-9; Lk 9:46-50 # Mt 17:24 Lino bakasika ku-Kapernauma. Nkabela nibakali muŋanda, wakababuzya kuti, Ino ncinzi ncimwakali kubuzyanya munzila? 34#Lk 22:24Pele balo bakaumuna buyo, nkaambo munzila bakali kukazyanya kuti ino nguni mupati wabo. 35#Mt 20:26-27; 23:11; Mk 10:43-44; Lk 22:26Lino wakakala, wabaita bali ikumi ababili, wabaambila kuti, Uuyanda kuba mupati, abe munsi lyaboonse, abe mulanda wabo boonse. 36#Mk 10:16Mpawo wakabweza kana, wakaimika akati kabo, wakabukata, wabaambila kuti, 37#Mt 10:40; Lk 10:16; Joh 13:20Umwi aumwi uutambula kana nikaba komwe kali boobu muzina lyangu, ulatambula ndime, Alimwi umwi aumwi uutambula ndime, teensi ndime ngwaatambula pe, ulatambula oyo iwakandituma.

Boonse bacita milimo mibotu mbobabunyina Jesu

(Luka 9:49-50)

38 # My 11:27,28 Johane wakamwaambila kuti, Mufundisi, twakabona muntu umwi ulatanda badaimona muzina lyako, nkabela twakamukasya, nkaambo takakali kucilila antoomwe aswe. 39#1 Kor 12:3Pele Jesu wakati, Mutamukasyi pe, nkaambo taakwe muntu uucita malele muzina lyangu uuyoofwamba kundibisya-bisya. 40#Mt 12:30; Lk 11:23Nkaambo oyo uutali sinkondoma ngumuzwalani wesu. 41#Mt 10:42Ikuti umwi aumwi uuti kamunywisye cinywido camaanzi nkaambo kakuti muli banaKristo, ncobeni ndamwaambila kuti mane do ukajane bulumbu.

Zilebyo

(Matayo 18:6-10; Luka 17:1-4)

42Alimwi, umwi aumwi uulebya umwi wabaniini aba bandisyoma, kanaangililwa izio ipati munsingo yakwe akuwaalwa mulwizi. 43#Mt 5:30Alimwi ijanza lyako na lyakulebya, likosole. Mpaanga cilabota kuti unjile mubuumi ecibumpu kwiinda kunjila ku-Gehena, mumulilo uutazimi, anu alyeenzene maanza aako, 44Mwalo omo imvunyu yabo tiikwe niifwa, amulilo tuukwe kuzima. 45Acalo cituta cako na cakulebya, cikosole. Mpaanga cilabota kuti unjile mubuumi, uli cilema, kwiinda kuwaalwa mu-Gehena, kojisi zituta zyobile. 46Mwalo omo imvunyu yabo tiikwe niifwa, amulilo tuukwe kuzima. 47#Mt 5:29Alyalo liso lyako na lyakulebya, lidokomone, Mpaanga cilabota kuti unjile mu-Bwami bwa-Leza, koli sicimbolyo, kwiinda kuwaalwa mu-Gehena, kojisi meso obile. 48#Is 66:24Mwalo omo imvunyu yabo tiikwe niifwa, amulilo tuukwe kuzima. 49#Lev 2:13Nkaambo umwi aumwi uyoolungwa amulilo. 50#Mt 5:13; Lk 14:34-35; Kol 4:6Munyo mubotu, pele kuti munyo wasampuka, ino kai ulalungwa buti? Amube amunyo mulindinywe, alimwi amube aluumuno abeenzinyoko.

Currently Selected:

Marko 9: Ibbaib63

Highlight

Copy