Marko 10

Makani aakuleka banakazi

(Matayo 19:1-12)

1 # Mt 19:1-9 # Mk 9:33 Azwe buyo kooko, wakaya kucisi ca-Judaya akucisi cakutala lyaJordano. Lino makamu aabantu akamubunganina alimwi, nkabela wakali kubaiisya mbubonya mbuli mbwaakazibilide. 2Mpoonya kwakasika ba-Farisi, bamubuzya kuti, Sa kuliluleme kuti mwaalumi aleke mukaakwe? Ncobakamubuzizya boobo nkumusunka. 3Lino wakabavwiila kuti, Ino Musa wakamulailila buti? 4#Dt 24:1-4; Mt 5:31,32Bakati, Musa wakazumina kuti kakunga kakulembwa lugwalo lwakulekana, elyo alekwe. 5Pele Jesu wakabaambila kuti, Nkaambo kabuyumu bwamyoyo yanu ncaakamulembela mulazyo oyu. 6#Matl 1:27; 5:2Kwalo anu kumalengelo Leza wakabaanza mwaalumi amwanakazi; 7#Matl 2:24nkaambo kaako mwaalumi uleelede kusia wisi abanyina, akukakatila mukaakwe, 8elyo abo bobile baba mubili omwe, Aboobo tabacili bobile pe, anukuti mubili omwe. 9Nkaambo kaako abo mbaaswaanganya Leza, kutabi muntu uubaanzaanya.

10Lino nibakali muŋanda, basikwiiya bakamubuzya alimwi makani ayo. 11#Mt 5:32; 1 Kor 7:10-11#Lk 16:18Wakabaambila kuti, Muntu umwi aumwi uuleka mukaakwe akukwata umbi, wamucitila bumambi. 12Awalo mwanakazi uuala kumulumaakwe akukwatwa umbi, wacita bumambi.

Jesu mbwaakalongezya bana

(Matayo 19:13-15; Luka 18:15-17)

13 # Mt 19:13-15; Lk 18:15-17 Lino bakamuletela twana, kuti atwaampe, pele basikwiiya bakabaingainga. 14Jesu abone boobo, wakabanyemena, wabaambila kuti, Amuleke twana, tuze kulindime, mutatukasyi pe, nkaambo Bwami bwa-Leza mbubwabo bali boobo. 15#Mt 18:3Ncobeni ndamwaambila kuti, Umwi aumwi uutatambuli Bwami bwa-Leza mbuli kana, takooyoonjila mulimbubo pe. 16#Mk 9:36Elyo wakatubukata, watulongezya akutubikila maanza aakwe.

Muntu muvubi

(Matayo 19:16-30; Luka 18:18-30)

17 # Mt 19:16-30; Lk 18:18-30 Lino naakali kuya bweenda munzila kwakamuzuzaanina muntu, wamufugamina, wamubuzya kuti, Mufundisi mubotu, ino nkacite buti kuti nkajane buumi butamani? 18Elyo Jesu wakamwaambila kuti, Ino undaambililanzi kuti omubotu? Taakwe muntu mubotu, pele Leza alike ngumubotu. 19#Kul 20:12-16; Dt 5:16-20; 24:14Ulizi milazyo, iiti, Utajayi, Utaciti bumambi, Utabbi, Utapi muntu kaambo cakubeja, Utalidi beenzinyoko, Kolemeka uso abanyoko. 20Lino walo wakamwaambila kuti, Mufundisi, aya oonse nsikwe nendakaaluba kuzwa kubwana bwangu. 21#Mk 8:34; Mt 10:38Mpawo Jesu amuzilikizye buyo, akumuyanda wamuyanda, wamwaambila kuti, Alo mpocili comwe ncotajisi, Nceeci. Koya ukauzye zyoonse nzyojisi, ukape bacete, notijane lubono kujulu, alimwi uboole, ucilile ndime. 22Amvwe buyo majwi aya, wakasutana kubusyu, wakainka abuusu, nkaambo wakali alubono lunji.

23Mpoonya awo Jesu wakaceba kulibasikwiiya bakwe, wakati, Ha! takuli nkokuyuma kunjila mu-Bwami bwa-Leza kulibaabo bali alubono lunji. 24#Int 62:10; 1 Tim 6:17Nkabela basikwiiya bakagamba kumajwi aakwe. Pele Jesu wakabavwiila lwabili kuti, Nubana bangu, kulibaabo basyoma lubono nkuyumu kunjila mu-Bwami bwa-Leza. 25Nkutete kunkamele kuti iinde muliso lyansunda kwiinda kuti muvubi anjile mu-Bwami bwa-Leza. 26Bamvwe boobo, bakayumwa mukanwa nta, elyo bakabuzyanya kuti, Mwati inga kuyooba uyoofutuka buya? 27#Matl 18:14; Job 42:2Mpoonya Jesu wakabalanga, wakati, Kubantu tacikonzeki pe, pele kwa-Leza cilakonzeka, nkaambo zintu zyoonse zilakonzeka kwa-Leza. 28Lino Petro wakatalika kumwaambila kuti, Bona, swebo twakaleka zintu zyoonse kuzoocilila nduwe. 29Jesu wakati, Ncobeni ndamwaambila kuti, Taakwe muntu iwakaleka iŋanda nibaba banabakwabo nibaba bacizi nibaba banyina naba wisi nibaba bana bakwe niiba myuunda nkaambo kandime aka-Makani Mabotu, 30anu ulijene kale kuciindi ecino buncilincili bwamaanda abanabakwabo abacizi abamanyina abana amyuunda, antoomwe amapenzi, elyo muciindi ciboola uyoojana buumi butamani, 31#Mt 20:16; Lk 13:30Pele banjibanji ibasaanguna mbabayoosyaalila, abalo ibasyaalila mbabayoosaanguna.

Bana ba-Zebedayo mbubakakumbila bulemu (Matayo 20:17-28)

32 # Mt 20:17-19; Lk 18:31-34 # Joh 11:16,55; Mk 9:31 Lino nibakali kuya butantuluka kuya ku-Jerusalemu, walo Jesu wakali kubasolweda kunembo. Nkabela bakagamba, alimwi basikucilila bakaliyoowede. Elyo alimwi wakatola kumbali bali ikumi ababili, watalika kubaambila mbwayoocitilwa. 33Wakati, Amubone, tulaya ku-Jerusalemu, elyo Mwana a-Muntu uyooabwa kumaanza aabapaizi basimutwe aabalembi, bayoomubeteka kuti afwe, akuyoomwaaba kumaanza aabamasi. 34Alimwi bayoomusabwida akumuswida mate akumukwipaula akumujaya, elyo aakumana mazuba otatwe uyoobuka.

35 # Mt 20:20-28 Lino kwakamuswenenena Jakobo a-Johane bana ba-Zebedayo, bamwaambila kuti, Mufundisi, tuyanda kuti utupe coonse ncotuti kumbile. 36Lino wabaambila kuti, Ino ncinzi ncimuyanda kuti nkamupe? 37Bakamwaambila kuti, Utupe kuti tukakale, umwi kululyo lwako, umwi kucimwensi cako, mubulemu bwako. 38#Lk 12:50; Mk 14:36; Rom 6:3Pele Jesu wakabaambila kuti, Ncimukumbila tamucizi mbucibede. Sa inga mulakonzya kunywida mucinywido ncinywida mebo, nikuba kubapatizigwa lubapatizyo ndwembapatizigwa? 39#Inc 12:2; Ciy 1:9Bakamuvwiila kuti, Tulakonzya, Lino Jesu wakabaambila kuti, Mucinywido munywida mebo, muyoonywida mumonya, alwalo lubapatizyo ndwembapatizigwa, muyoobapatizigwa ndulonya. 40Pele kukala kululyo lwangu nanka kucimwensi cangu, endime empa pe, anu nkukwabo abo ibakabambilwa nkuko. 41Lino bamvwe buyo bali ikumi, batalika kunyemena Jakobo a-Johane. 42#Lk 22:25-26Mpoonya Jesu wakabaita, wabaambila kuti, Mulizi kuti abo baambwa kuti mbaami kubamasi balabacitila kami-kami, abalo bapati babo babacita mweenzyabubi. 43#Mt 23:11; Mk 9:35; Lk 22:26Pele nywebo mutabi boobo pe. Oyo uuyanda kuba mupati akati kanu, abe mulanda wanu. 44Alimwi oyo uuyanda kuba musolozi wanu, abe muzike wanu nyoonse. 45Nkaambo alakwe Mwana a-Muntu takazide kumaninwa milimo pe, pele kuti amanine bamwi milimo, akwaaba buumi bwakwe kuti cibe cinunuzyo cakununuzya banji.

Jesu mbwaakabononosya Bartimeyu moofu

(Matayo 20:29-34; Luka 18:35-43)

46 # Mt 20:29-34; Lk 18:35-43 Mpoonya awo bakasika ku-Jeriko. Akuzwe buyo ku-Jeriko, abasikwiiya bakwe, abantu banji, elyo kwakakede kumbali anzila umwi mukumbizi moofu, izina lyakwe ngu-Bartimeyu, mwanaakwe Timeyu. 47Lino naakamvwa kuti ngu-Jesu mu-Nazareta, wakatalika koonzomoka kuti, Omwana a-Davida, Jesu ndifwida luzyalo. 48Nkabela banji bakamutapatila, kuti aumune. Pele walo wakaindilila koonzomoka kuti, Omwana a-Davida, ndifwida luzyalo. 49Mpawo Jesu wakaima, wakati, Amumwiite. Lino bamwiita moofu, bamwaambila kuti, Liyumye-yumye, unyamuke, ulakwiita. 50Mpoonya wakasowa ingubo yakwe, wadwantuka, wainka kuli-Jesu. 51Lino Jesu wakamubuzya kuti, Ncinzi ncoyanda kuti nkakucitile? Moofu wakamuvwiila kuti, Akaka, Mwami, nkabone! 52Mpoonya Jesu wamwaambila kuti, Koya buyo, lusyomo lwako lwakufutula. Mpoonya mpoonya wabona akubona, wamucilila munzila.

Currently Selected:

Marko 10: Ibbaib63

Highlight

Copy