Marko 7

Tunsiyansiya twabasikale

(Matayo 15:1-20)

1 # Mt 15:1-20 Lino kwakamubunganina ba-Farisi abamwi balembi bazwa ku-Jerusalemu. 2#Lk 11:38Nkabela bakabona kuti bamwi basikwiiya bakwe bakali kulya insima amaanza aatondwa, nkukuti aatacovwekede. 3Nkaambo ba-Farisi aba-Juda boonse, kuti tabacovweki lubbe maanza aabo, tabalyi, ikuti balajatisya tunsiyansiya twabasikale. 4Alimwi kufumbwa nibazwa kucisambalilo, tabalyi mane anzina balisansaile, alimwi nkuzili ziyanza zinji nzibajisi akuzibamba, mbuli kunika inkomeki azilongo azibiya zyamukuba. 5Lino ba-Farisi abalembi bakamubuzya kuti, Nkaambonzi basikwiiya bako ncobatayoboli tunsiyansiya twabasikale, anukuti balalya insima amaanza aatondwa. 6#Is 29:13Wabaambila kuti, Ncobeni Isaya wakasinsima anywebo nubasikuupaupa ameso, mbubonya mbukulembedwe kuti,

Aba bantu balandilemeka amilomo yabo,

Pele myoyo yabo ili kule kulindime:

7Kundikomba kwabo nkwabuyo,

Nkaambo zifundo nzibafunda njimilazyo yabantu buyo.

8Mwaleka Mulao wa-Leza, mwajatisya tunsiyansiya twabantu. 9Alimwi wakabaambila kuti, Ncobeni mulasusya Mulao wa-Leza kuti mukayobole tunsiyansiya twanu. 10#Kul 20:12; 21:17; Lev 20:9; Dt 5:16Nkaambo Musa wakati, Lemeka uso abanyoko, alimwi wakati, Uuamba cibi kuliwisi akulibanyina, afwe akufwa. 11Pele nywebo mulati, Na muntu waamba kuliwisi abanyina kuti, Zyoonse zili buti nzimuyoogwasigwa kulindime ngu-Korbani, nkukuti nzezipegwa Leza, 12elyo mwazumizya oyo kuti atacigwasyi wisi abanyina. 13Mulalobya ijwi lya-Leza nkaambo katunsiyansiya twanu ntumusiilidwe, alimwi nkuzili zintu zinji zili boobo nzimucita, 14Mpawo wakaliitila lwabili makamu aabantu, wabaambila kuti, Amundiswiilile nyoonse, mumvwisye. 15#Inc 10:14,15Taakwe cintu icizwa anze lyamuntu cinjila mukati cikonzya kumubisya pe, pele zintu zizwa mukati lyamuntu, ezyo nzezibisya muntu. 16Muntu uukwete matwi aakuswiilila aswiilile. 17Lino naakasia bantu akunjila muŋanda, basikwiiya bakwe bakamubuzya acikozyano eco. 18Nkabela wakabaambila kuti, Sa anywebo mucili mukutamvwa? Tamubwene kuti taakwe cintu cili anze lyamuntu icinga cilamubisya camunjila mukati. 19Nkaambo tacinjili mumoyo wakwe pele mwida buyo, limwi cilazwida anze. Ncaakaamba obo nkusalazya zilyo zyoonse. 20Alimwi wakaamba kuti, Icizwa mumuntu nciceeco cibisya muntu. 21Nkaambo mukati, nkukuti kuzwa mumoyo wamuntu, mulazwa miyeeyo mibi, bwaamu, 22bubbi, bujayi, bumambi, kulikumbuzya, zibi, luuni zisusi zibi, ibbivwe, kutukila, kulikankaizya, abufuba. 23Zibi ezi zyoonse zilazwa mukati, nzizyo zibisya muntu.

Mwanakazi waku-Suro-Fonika

(Matayo 15:21-28)

24 # Mt 15:21-28 Lino wakanyamuka, wazwa oko, watozya kucisi ca-Turo a-Sidoni. Nkabela wakanjila muŋanda, katayandi kuti azibe muntu naba omwe, nekubaboobo wakakacilwa kuyuba. 25Pele mpoonya umwi mwanakazi, iwakali amwana musimbi uunjilidwe daimona uusofweede, naakamvwa wakaboola kuzoovundama kumaulu aakwe. 26Oyo mwanakazi wakali muHelene, musyobo wakwe mu-Suro-Fonika. Elyo wakamukumbila kuti atande daimona kuzwa mumwanaakwe musimbi. 27Lino wakamwaambila kuti, Kotana, bataangune kukuta bana, nkaambo tacili cibotu kunyanga bana insima akwiiwaala kutubwa. 28Pele walo wakamuvwiila kuti, Mbubo, Mwami, Tee atwalo tubwa tuli kunsi lyantafule inga tulalembelela tufwefwelenga twabana. 29Mpawo wakamwaambila kuti, Mbowaamba obo, koya buyo, daimona wazwa kale mumwanaako. 30Mpoonya awo wakainka kubanamuzyaabo, waakujana mwana ulilede abulo, alimwi daimona wazwa kale.

Jesu mbwaakaponya syataambi

31 # Mt 15:29-31 Azwe buyo kumunyinza wacisi caku-Turo, wakainda kucisi ca-Sidoni, elyo waandulula mucisi caku-Dekapole, akuya kulwizi lwaku-Galilaya. 32#Mk 5:23Nkabela bamuletela umwi musinkematwi sikubebesya, bamukumbila kuti amubike ijanza. 33#Mk 8:23Lino wakamugwisya mumakamu aabantu, wamutola kumbali, elyo wakamutunga minwe yakwe mumatwi, alimwi wakaswida mate akumulamba ngao amulaka wakwe. 34#Mk 6:41; Joh 11:41Mpoonya wakaululala kujulu, wali-sinsimukila, wamwaambila kuti, Effatha, nkukuti, Sinkuka. 35Mpoonya mpoonya akasinkuka matwi aakwe, aceeco cakaangide mulaka wakwe caka-pasuka, watalika kwaamba kabotu. 36#Mk 1:43-45Lino wakabalailila kuti bataambili muntu, anu naakabalailila obo bakainda kuduumya impuwo kumakani ayo. 37#Is 35:5Nkabela bakainda kukankamana loko, bakati, Wabosya kucita zyoonse. Basinkematwi ulabasinkula, abalo basyataambi ulabaambya.

Currently Selected:

Marko 7: Ibbaib63

Highlight

Copy