Marko 6

Jesu mbwaakakambauka ku-Nazareta

(Matayo 13:53-56; Luka 4:16-30)

1 # Mt 13:53-58; Lk 4:15-30 Lino naakazwa oko wakasika kucisi cabanamuzyaabo, nkabela basikwiiya bakwe bakamutobela. 2#Joh 7:15Elyo nibwakasika buzuba bwa-Sabata, wakatalika kwiisya mucikombelo. Lino bantu banji nibakamvwa, bakagamba bakati, Ino Oyu muntu wakajana kuli zintu ezi? alimwi, Mbusongonzi mbwaapedwe oyu muntu? alimwi, Ngamakaninzi malele aali boobo aacitwa kumaanza aakwe? 3Sa oyu engwe mubezi, mwana wa-Mariya, amwanaakwabo Jakobo a-Jose a-Juda a-Simoni? Abalo bacizi bakwe sa tabako okuno akati kesu? Nkabela bakalebegwa nguwe. 4#Joh 4:44Lino Jesu wakabaambila kuti, Taakwe musinsimi uutalemekwa, pele kucisi cakulibo, aakati kabasiluzubonyina, amuŋanda yakwe mwini. 5#Mk 6:13Nkabela oko takakakonzya kucita cilele niciba comwe, cita kuti wakabika maanza aakwe abalwazi bace akubaponya. 6Wakagamba akutazumina kwabo, Lino wakainka akuya buzyunguluka muminzi akuya bwiisya.

Jesu mbwaakatuma baapostolo

(Matayo 10:5-42)

7 # Mt 10:1; Lk 9:1-6 # Lk 10:1 Lino wakaliitila bali ikumi ababili, watalika kubatuma bobile bobile. Nkabela wakabapa bwami bwakulibadaimona basofweede, 8#Lk 10:4-11Alimwi wakabalailila kuti, Mutatoli cintu niciba cimwi camulweendo pele musako luzutu. Mutatoli kulya, niiba inkomo, naaba mali muzikwama zyanu, 9pele amusame zyeeta, alimwi mutasami zibaki zyobile. 10Alimwi wakabaambila kuti, Koonse nkumuyoonjila muŋanda, amukakale mumonya mane do mukatozye kumbi. 11#Inc 13:51Nkabela kumwi akumwi nkubakaka kumutambula nikuba kumuswiilila, elyo ciindi ncimuzwa oko amukunkumune lusuko luli kunsi azituta zyanu, cikabe citondezyo kulimbabo. 12Mpawo bakainka kuyookambauka kuti bantu baleelede kweempwa. 13#Jak 5:14,15Nkabela bakatanda badaimona banji, alimwi bakananika amafuta banji balwazi, akubaponya.

Johane Mubapatizi mbwaakafwa

(Matayo 14:1-12; Luka 3:19,20; 9:7-9)

14 # Mt 16:14; Mk 8:28; Lk 9:19 # Lk 3:19,20 Lino wakamvwa mwami Heroda, nkaambo izina lyakwe lyakainka impuwo, elyo wakati, Johane Mubapatizi ulibukide kuzwa kubafu, nkakaambo ako ncaacitwa malele aya mulinguwe. 15Bamwi bakati, NguEliya, abamwi bati, Ngumusinsimi nanka mbuli umwi wabasinsimi. 16Pele Heroda naakamvwa wakati, Ngu-Johane oyo ngundakakosola mutwe, ulibukide. 17#Lk 3:19-20Nkaambo Heroda mwini nguwakatuma kuyoojata Johane, wakamwaanga muntolongo nkaambo ka-Herodiya mukamunyina uutegwa Filipo, nkaambo wakalimukwete. 18#Lev 18:16Ikuti Johane wakamwaambila Heroda kuti, Taciluleme kuti ukwate mukamunyoko. 19Lino Herodiya wakalijisi inkoto kulinguwe, wakali kuyanda kumujaya, nekubaboobo wakakacilwa. 20Nkaambo Heroda wakali kuyoowa Johane, ikuti wakalimuzi kuti muntu uululeme uusalala. Nkaambo kaako wakali kumubamba, nkabela naakamvwa wakazingwa loko, wamumvwa cakukondwa. 21Lino buzuba bweelede nibwakasika, nkukuti buzuba bwakuzyalwa kwakwe, mbuwakacita Heroda ipobwe lyabapati bakwe abasolozi bankondo abami ba-Galilaya, 22elyo wakanjila mwanaakwe musimbi Herodiya, wakazyana, wakabotezya Heroda ambaakali abo mukulya, Mpawo mwami wakaambila musimbi kuti, Ndikumbila coonse ncoyanda, ndakupa. 23#Es 5:3-6Nkabela wakamukonkela kuti, Coonse ncoti ndikumbile ndakupa ncico, niciba cibeela cabwami bwangu. 24Lino walo wakazwa, wakaakubuzya banyina kuti, Ino nkakumbilenzi? Bakati, Mutwe wa-Johane Mubapatizi. 25Mpoonya wakeza alubilo kumwami, wakamukumbila kuti, Ndayanda kuti undipe ndilyonya lino mutwe wa-Johane Mubapatizi mumutiba. 26Lino mwami wakausa loko, nekubaboobo nkaambo kankonko zyakwe, alimwi nkaambo kabaabo mbaakali abo mukulya, takakakonzya kumukasya. 27Mpoonya mpoonya mwami wakatuma umwi sikulindila, wakamulailila kuti alete mutwe wakwe, elyo wakainka, wakamukosola mutwe muntolongo, 28wakaleta mutwe wakwe mumutiba, wakaupa musimbi, awalo musimbi wakaupa banyina. 29Lino basikwiiya bakwe nibakamvwa obo, bakeza kuzoobweza mutunta wakwe, bakauzika mucuumbwe.

Jesu mbwaakasanina bantu banji

(Matayo 14:13-21; Luka 9:10-17; Johane 6:1-14)

30 # Lk 9:10; 10:17 Lino baapostolo bakabungana kuli-Jesu, bakamwaambila zintu zyoonse nzibakacita anzibakaiisya. 31Mpawo wakabaambila kuti, Amuboole nywebo nubeni kumbali kunkanda, mukalyokezye buniini. Nkaambo abo abakali kuza akuya kabali banji, nkabela bakabula ciindi niciba cakulya. 32#Mt 14:13-21; Lk 9:11-17; Joh 6:1-13Mpoonya bakainka mubwaato kumbali kunkanda. 33Pele bantu banji bakababona nibakali kuya, babaziba, elyo bakabazuzaanina ansi kuzwa kuminzi yoonse, bakababeelela kusika. 34#My 27:17; 1 Bam 22:17; 2 Mak 18:16; Ezk 34:5; Mt 9:36Lino naakazwa wakabona makamu manji aabantu, elyo wakabafwida luzyalo, nkaambo bakabaanga nimbelele zitakwe mweembezi, nkabela wakatalika kubaiisya makani manji. 35#Mk 8:1-9Lino izuba nilyakaya ambo, basikwiiya bakwe bakamuzida, bakati, Okuno nkusokwe buyo, alimwi izuba lyaya ambo. 36Bamwaisye kuti banjile mumyuunda amuminzi iiengelede, bakalyuulile zyakulya. 37Walo wakabavwiila kuti, Amubape zyakulya nywebo. Bamwaambila kuti, Sa twiinke kuyooula mikamu yamasheleni aali myaanda yobile, tuzoobape zyakulya? 38Wabaambila wati, Ili yongae mikamu njimujisi? Kamuya, mukabone, Bazibe buyo, bakati, Nzisanu, answi zyobile. 39Mpawo wakabalailila kuti boonse beelede kukala zitanga zitanga amweemvwe mutete. 40Mpoonya bakakala bbwaambwa munkamu zyamwaanda amunkamu zyamakumi osanwe. 41#Mk 7:34Lino wakabweza eyo mikamu yosanwe answi zyobile, wakaululala kujulu, wakalumba wakakomona mikamu akupa basikwiiya kuti bakabakalikizizye, azyalo inswi zyobile wakazyaabanya akati kabo boonse. 42Nkabela bakalya boonse, bakakuta. 43#Dt 28:5Alimwi bakayola bufwefwelenga buzuzya zisuwo zili ikumi azibili, azyalo inswi bakaziyola mbubonya. 44Nkabela baalumi bakalya eyo mikamu bakali zyuulu zyosanwe.

Jesu mbwaakeenda atala amaanzi

(Matayo 14:36; Johane 6:15-21)

45 # Mt 14:22-36; Joh 6:15-21 Mpoonya mpoonya wakasungilizya basikwiiya bakwe kunjila mubwaato, kuti bamusaangunine kuya mutala akuya ku-Betsaida, walo mwini naakacili kumwaisya bantu. 46Lino naakabalaya, wakainka mudundu kuyookomba. 47Nkabela nikwakasia, bwaato bwakali akati kalwizi, anukuti walo alike wakacili kutala. 48Lino naakabona kuti balipengede kukwasula, nkaambo kaguwo ilyakabacinjila, wakaboola kulimbabo uza bweenda atala lyamaanzi nikwakaba kubusiku, wakali kuyanda kubaindilila. 49Pele balo nibakamubona uleenda atala lyamaanzi, bakayeeya kuti musangu, bakakwiila, 50nkaambo boonse bakamubona, bakayoowa. Mpoonya wakaamba abo, wakati, Amuyumye myoyo, ndime, mutayoowi. 51#Mk 4:39Lino wakanjila mubwaato antoomwe abalo, elyo muuwo wakaumuna, nkabela bakagamba loko ulwabo. 52Nkaambo tabalina kumvwisya makani aamikamu, myoyo yabo yakaliyumide.

53Lino nibakazubuka basika kutala ku-Genesarete, basyoka ankomwe. 54Mpoonya bacizwa buyo mubwaato, bantu bakaindilila akumuziba, 55elyo bakaindingana mucisi eco coonse, bakatalika kutembeka balwazi amikuli akubatola kooko nkubakamumvwida kuti nkwabede. 56#Mk 5:27,28; Inc 5:15; 19:11,12Nkabela moonse mwaakali kuya bunjila, nimuba muminzi nimuba mumagunzi nimuba mumyuunda, bakabika balwazi antangalala, bakamukumbila kuti baampe nibuba bwaya bwacikobela cakwe, elyo boonse ibakamwaampa bakaponezegwa.

Currently Selected:

Marko 6: Ibbaib63

Highlight

Copy