Mika 1
1
Matalikilo
1 #
2 Pet 1:21; Jer 26:18 Ngaaya majwi aa-Jehova aakasikila Mika waku-Morese muciindi caJotamu aca-Ahazi aca-Hezekiya bami ba-Juda, ngaakasinsima aa Samariya a-Jerusalemu.
Mika ulalilila zibi zyaba-Juda
2Amuswiilile numisyobo yoonse. Teelela, O nyika azyoonse zili mumo. Mwami Jehova abe simulandunyoko. Mwami aambe makani kuzwa kuntempele yakwe iisalala. 3#Is 26:21; Ezk 3:12; Heb 12:18,19Nkaambo amubone! Jehova ulapola kuzwa kucikalilo cakwe, ulaseluka kuzoolyataula amasena aasumpukide aanyika. 4Zilundu zilayaaya munsi lyakwe, amimpata ilaanduka, Zilaba mbuli bunzuka buumpwa amulilo, ambuli maanzi aatika ampwampwa. 5#Jer 2:18,19; Hos 5:5Ezi zyoonse nkaambo kamilandu ya-Jakobo azibi zyaluzubo lwa-Israyeli. Ncinzi milandu ya-Jakobo? Sa teensi Samariya? Azipaililo zya-Juda nzinzi? Sa tazyeensi Jerusalemu. 6#2 Bam 19:25Lino njoocita kuti Samariya ibe mbuli bulimo bwamumuunda mwabyalwa masaansa. Mabwe aawo njooakunkulisya mumumpata, antalisyo zyawo zilaboneka. 7Nkabela zikozyano zyakwe ziyootyolaulwa, zikombelo zyawo ziyootentwa mumulilo, azituni zyawo zyoonse ziyoosaalwa, nkaambo zipo zyabuvuule nzezyakazyuuzya lino zipo ezyo nzizyonya zyabuvuule zilabweeda kulinzizyo.
8Nkaambo kamakani aya njoomoka akulila, njooenda acinkuna akutasama insangu, njoomuka mbuli bamwaba akulila mbuzilila impo. 9#2 Bam 18:13Nkaambo zilonda zyakwe tazisilikiki, Catana ku-Juda, casika akumulyango wabantu bangu ku-Jerusalemu.
10Mutaambi makani mu-Gati. Kulila utalili pe. Ku-Beti-Afira (Munzi walusuko) kobumbuluka mulusuko, 11Uinke acinkuna abweeme nokede mu-Safira (Munzi wabweebesi). Utazwi nokede mu-Zanana (Munzi wakuzwa), Kulila kwa-Betezeli kuyoomunyanzya ciimikililo canu. 12Bakede mu-Maroti balalindila bubotu, nkaambo mapenzi aazwa kuli-Jehova asika akumulyango wa-Jerusalemu.
13Anga imbizi kunkalaki, uwe nokede mu-Lakisi, Nduwe wakataangunina mwana musimbi wa-Zioni kubisya, Mulinduwe mwiijenwe milandu ya-Israyeli. 14Nkaambo kako ulapa Moresati Gati cipo cakulazya. Maanda aa-Akizibi (Munzi walweeno) ayooleta lweeno kubami ba-Israyeli, 15Njoomuletela sikumusaala, nomukede mu-Maresa. Bulemu bwaIsrayeli bulaletwa aku-Adulamu. 16#2 Bam 17:6Kolikulula akuligela nkaambo kabana bako bayandisi. Kokemezya cinkulu cako mbuli sikube, nkaambo bakusia, banjila mubuzike.
Currently Selected:
Mika 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
