Mika 2
2
Milandu yabaabo bapenzya bacete
1 #
Es 3:8,9; Is 32:7; Int 7:11-14; 36:4; Hos 7:6; Matl 31:29 Maawe kulibaabo bayeeya bubi akucita zibi nibalede amalo aabo. Buce buyo balacicita, nkaambo maanza aabo alacikonzya. 2Baleemuzya myuunda akwiisaala, amaanda balaatola. Balapenzya mwaalumi aciinga cakwe, balakataazya muntu ambono zyakwe. 3#Jer 8:3Nkaambo kako mbuboobo mbwaamba Jehova. Amubone! Ndayeeya kuletela luzubo olu mapenzi, nkabela tamukooyookonzya kugwisya insingo zyanu kulingao nikuba kweenda cakulisumpula, nkaambo ciindi ecino nceciindi cibi. 4Mubuzuba obo kulaba cikozyano caambwa ndinywe, akulila cililo cakupenga. Balati, Kusaalwa ncobeni twasaalwa. Imbono zyabantu bangu zyatolwa, Maawe! Wandinyanga. Myuunda yesu yaabilwa basicinguni. 5#Dt 32:8,9Nkaambo kako tokooyooba amuntu naba omwe uuwaala cisolo cakweelesya nyika mumbungano ya-Jehova, 6Mutasinsimi, mbubaamba. Tabakoosinsima aya. Zisapi tazimani. 7Uwe noamba kuti luzubo lwa-Jakobo, sa Muuya wa-Jehova wafwiinsigwa na? Sa eyi njimilimo yakwe? Sa majwi aangu taaboteli oyu uuenda cakululama? 8Pele ndinywe nomwaba basinkondonyina bantu bangu, Mulabalwisya bakede caluumuno, akusaala zikobela zyabaabo bainda cakutontola batayandi inkondo. 9Banakazi babantu bangu mulabatanda kuzwa kumaanda aabo meebesi, abana babo mulabanyanga bulemu bwangu lyoonse.
10 #
Dt 12:9
Amubuke, mweende, nkaambo okuno nkumubede takweensi cilyokezezyo canu pe, nkaambo kulisofweede, alimwi busofwi bulanyonyoona alunyonyooko lubi. 11Na muntu uuenda cabuyo acakubeja waamba kuti, Njoomusinsimina cakunywa waini acakukolwa, ngonguwe uukonzya kuba musinsimi wabantu aba.
Batandidwe mbabati boole lwabili
12 #
Is 11:11; Mik 4:6,7; Zef 3:19 Kubunganya Njoomubunganya nyoonse nubana ba-Jakobo. Kuyobolola njooyobolola ibasyeede baba-Israyeli, Njoobabika antoomwe mbuli imbelele zyaku-Bozira. Mbuli butanga buli akati kamacelelo aabo, bayoopyopyongana nkaambo kakuvula kwabantu, 13Sikuvwinyauna wabazulwida, bavwinyauna mulyango akwiinda mulinguwo akuzwa anze, alakwe mwami wabo wabazulwida, a-Jehova uli kunembo lyabo.
Currently Selected:
Mika 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
