Jona 4
4
Jona mbwaakabijilwa luzyalo lwa-Leza ndwaakafwida bamu ba-Nineve
1 #
Mt 20:15
Pele Jona wakabijilwa kubijilwa kupati, wakanyema loko. 2#Kul 34:6Aboobo wakakomba kuli-Jehova, kuti, Ndakukomba, O Jehova, sa teendakaa mbide obo na, nindakacili mucisi cangu? Aboobo ndakasaanguna kucijila ku-Tarisi, nkaambo ndakalizi kuti uwe uli Leza siluyando, uli sibuuya, tofwambi kukalala, aluzyalo lwako ndupati, aboobo ulafwa insoni kumakani aakubisizya bantu, 3#1 Bam 19:4Lino, O Jehova, gwisya buumi bwangu, nkaambo kufwa kulandibotela kwiinda kuti nkimpona. 4Mpawo Jehova wakati, Ino unyemenanzi? Sa ncibotu kunyema obo na?
5Lino Jona wakazwa mumunzi, wakakala kujwe lyamunzi, wakalicitila cilao cakukala muceenzule caco, kuti akabone cisi kacitike mumunzi. 6Nkabela Jehova Leza wakabamba ibonobono, wakalimezya amutwe waJona, kuti cikamupe cenzule akumulesya kubijilwa. Mpawo Jona wakakondwa loko nkaambo kabonobono elyo.
7Pele nibwakaca, Leza wakabamba isenda lyakuluma ibonobono, aboobo lyakafwa. 8#Int 121:6Alimwi izuba nilyakapasa, Leza wakaleta muuwo wakujwe uukasaala, nkabela izuba lyakabala amutwe wa-Jona, aboobo wakawizuka, wakalikumbilila kuti afwe. Wakati, Kufwa kulandibotela kwiinda kuti nkimpona. 9Mpawo Leza wakaambila Jona kuti, Sa ncibotu kunyema obo nkaambo kabonobono na? Wakati, Ncibotu kunyema cakufwa. 10Elyo Jehova wakati, Wafwida insoni eli ibonobono, ndiwatakabelekela andiwatakameneka, ilyakamena busiku bomwe akunyonyooka obo busiku mbubonya. 11#Ezk 33:11; Dt 1:39; Int 36:6Lino ime sa nsyeeleede kufwida insoni Oyu munzi mupati waku-Nineve? Mulinguwo muli bantu bainda zyuulu zili mwaanda amakumi obile batana kwiiya kwaandaanya ijanza lyabo lyalulyo ajanza lyabo lyalumonswe, alimwi muli iŋombe zinji.
Currently Selected:
Jona 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
