Jona 3
3
Jona mbwaakakambauka ku-Nineue. Bantu mbubakeempwa
1Lino ijwi lya-Jehova lyakasika lwabili kuli-Jona, liti, 2Buka, koya ku-Nineve, munzi ulya mupati, ukakambauke kulinguwo makani ngu ndakulailila. 3Elyo Jona wakabuka akwiinka ku-Nineve, mbuli mbwaakalaililwa ajwi lya-Jehova. Lino Nineve kuuli munzi mupati loko, wakali kweendwa mazuba otatwe. 4#Dt 18:22; Mt 12:41; Lk 11:32Elyo Jona wakatalika kunjila mumunzi kulweendo lwabuzuba bumwi. Nkabela Jona wakakambauka, wakati, Kwainda mazuba aali makumi one, Nineve uyoonyonyoonwa.
5 #
Mt 12:41; Lk 11:32 Lino bantu ba-Nineve bakazumina Leza, bakaliimya kulya, bakasama zisani zyasaka, boonse buyo kuzwa kubapati akusikila kubaniini. 6#Job 2:8; Jer 6:26; Malo 3:29; Mik 1:10Nkaambo ijwi lyakasika kumwami waku-Nineve, nkabela wakanyamuka kuzwa kucuuno cabwami bwakwe, wakasamununa cikobela cakwe, wakalivumba zisani zyasaka, akukala mudyota. 7#2 Mak 20:3; Joel 2:15Lino wakaucita kuti uambwe akumwaisigwa koonse ku-Nineve kuti, Ngooyu mulazyo wamwami abapati bakwe. Kutabi muntu, naba munyama, niiba iŋombe, niiba imbelele, uulabila niciba cintu. Boonse batalyi, nikuba kunywa maanzi. 8#Is 1:16; Ezk 33:11; Dan 4:27Pele bantu abanyama boonse bavumbwe azisani zyamasaka akukomba kuli-Leza canguzu, alimwi umwi aumwi aleke inzila yakwe yazibi akubisya kuli mumaanza aabo. 9Ngwani uuzi na Leza uyootulekelela akutufwida insoni, akuleka bukali bwakwe buyoosya, kuti tutanyonyooki. 10Mpawo Leza naakabona milimo yabo, kuti baleka inzila yabubi, Leza wakafwa insoni kumakani aamapenzi ngakasi bacitile, nkabela takaacita pe.
Currently Selected:
Jona 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
