Luka 6

Jesu Mwami wa-Sabata

(Matayo 12:1-8; Marko 2:23-28)

1 # Mt 12:1-8; Mk 2:23-28 # Dt 23:25 Eno kwakaba kuti ku-Sabata Jesu wakaandulula akati kamyuunda, abasikwiiya bakwe bali kuya butema makunka, balaapuka-puka amaanza, balalya, 2#Joh 5:10Kwalo ba-Farisi bamwi bababuzya kuti, Ino mucitilanzi iciteelede kucitwa ku-Sabata? 3#1 Sam 21:1-6Jesu wabavuwa kuti, Sena tamubalide, mbwaakacita Davida, naakafwa nzala, mwini ambaakali abo? 4#Lev 24:9Wakanjila muŋanda ya-Leza, wabweza mikamu yamabonwabonwa, walya wabapa ambaakali abo, iiteelede kuligwa muntu, pele bapaizi balike, 5Wati kulimbabo, Mwana a-Muntu ngo-Mwami wa-Sabata.

Jesu mbwaakaponya uuyuminide janza

(Matayo 12:9-14; Marko 3:1-6)

6 # Mt 12:9-14; Mk 3:1-6 Ku-Sabata imwi Jesu wakanjila mucikombelo, wabaiisya. Omo mwakali muntu uuyuminide janza lyakwe lyalulyo. 7#Lk 14:1Nkabela balembi abaFarisi bakamulangisya kubona na ulamuponya ku-Sabata, kuti bajane cakumubika kaambo. 8Kwalo wakali kuzi kuyeeya kwabo, elyo wati kumuntu uuli ejanza iliyuminide, Nyamuka, uime mukati. Mpoonya wanyamuka, waima, 9Jesu wabaambila kuti, Ndamubuzya, Ino ncili iceelede ku-Sabata, kucita cibotu na kucita cibi, kuvuna muntu na kujaya? 10Nkabela wabacebaukila boonse, wamwaambila mwaalumi kuti, Vungununa ijanza lyako. Wacita mbubonya, mpoonya ijanza lyakwe lyavungunuka, lyaba mbuli limwi. 11Nkabela bafundilila abukali, babuzyanya kuti, Ino tumucite buti Jesu?

Mbwaakasala baapostolo bakwe

(Matayo 10:1-4; Marko 3:13-19)

12 # Mk 3:13-19 Kumazuba ayo Jesu wakainka kucilundu kuyookomba, masiku oonse wali mukukomba kuli-Leza, 13#Mt 10:2-4; Joh 6:70; Inc 1:13Nobwakaca wakaita basikwiiya bakwe, kulimbabo wasala abali kumi abobile, wabaulika zina lyakuti mbaapostolo. 14Mbaaba: Simoni ngwaakaulika lya-Petro, a-Andreya mwanaakwabo, Jakobo a-Johane, Filipo a-Bartolomayo, 15Matayo a-Tomaso, Jakobo mwana a-Alifayo, a-Simoni uutegwa Musungu, 16a-Juda mwana a-Jakobo, a-Judase Iskariote, sikumwaaba.

Jesu mbwaakaamba acilundu

(Matayo 5–7)

17 # Mt 4:23–5:1; Mk 3:7-12 Nkabela wakaselemuka abo, waima abusena bubambasede, abasikwiiya bakwe banjibanji, amakamu makamu aabantu abakazwa koonse ku-Judaya aku-Jerusalemu, akunkomwe yalwizi yaku-Turo eyaku-Sidoni, bakasika kumuswiilila akuponyegwa kuzilwazi zyabo, 18abalo abakali kupenzegwa myuuya iisofweede, bakapona. 19Eno makamu makamu aabantu boonse bakali kuyanda kumwaampa, nkaambo kwanuunga zyazwa nguzu mulinguwe, zyabaponya boonse.

20 # Mt 5:3,4,6,11,12 Mpoonya awo wakayambula meso aakwe kulibasikwiiya bakwe wati, Muli acoolwe nobacete, nkaambo bwami bwa-Leza mbubwanu. 21#Ciy 7:16,17; Int 126:5,6; Is 61:3Muli acoolwe nomufwa nzala sunu, nkaambo muzookuta. Muli acoolwe nomulila sunu, ukuti muzooseka, 22#1 Pet 4:14; Joh 15:19; 16:2Muli acoolwe bantu nobamusulide, nobamutanda akumutukana akusampaula zina lyanu kuti ndibbi, nkaambo ka-Mwana a-Muntu, 23#2 Mak 36:16; Inc 7:52Amubotelwe kubuzuba obo, musekelele, ukuti bulumbu bwanu mbupati kujulu, nkaambo bamawisaabo bakacita mbubonya obo kubasinsimi. 24#Jak 5:1Kwalo maawe kulindinywe nobavubi, nkaambo mwaakutambula kale kubotelwa kwanu. 25#Is 5:22Maawe nywebo nomukuta sunu, nkaambo muyoofwa nzala, maawe nywebo nomuseka sunu, nkaambo muyoolila akuungumana. 26#Jak 4:4; Mik 2:11Maawe kulindinywe bantu boonse nobamwaamba kabotu, nkaambo bamawisaabo bakacita mbubonya obo kubasinsimi babeji.

27 # Mt 5:39-48 Pele ndati kulindinywe nomuswiilila, amuyande basinkondonyoko, mubacitile kabotu abamusulide, 28mubalongezye abamutukana, mubakombele abamuvwiya. 29Oyo uukuuma kusaya, umusandwide akulilimwi, uukunyanga ngubo utamukasyi ecibaki. 30Kobapa boonse abakumbila kulinduwe, oyo uukunyanga lubono utamusesi kuti aluboozye elimwi. 31#Mt 7:12Mbubonya mbomuyanda kuti bantu bamucitile, anywebo amubacitile mbubonya. 32Kuti mwayanda abamuyanda, ino mujisi kulumbwanzi? Abalo abacitazibi bayanda abo ababayanda. 33Alimwi kuti mwacita kabotu kulibaabo abamucitila kabotu, ino kai muli akulumbwanzi? Mbobacita obo abalo abacitazibi. 34#Lev 25:35,36Na kuti mwaabila abo mbomusyoma kuti balamupilusizya, mujisi kulumbwanzi ino? Abalo abacitazibi baabilana kuti bakapegwe mbubonya, 35Pele amuyande basinkondonyoko, mucite kabotu, mwaabile, mutaleki kulindila, nkokuya bulumbu bwanu bunooli bupati, anywebo munooli bana ba-Sijulu lyamajulu, nkaambo uli aluzyalo walo kulibatalumbi akubabi. 36Amweetelele mbuli Usowanu mbweetelela. 37#Mt 7:1-29#Mt 6:14Alimwi mutabeteki, nomuti takabetekwe anywebo. Mutazuli bantu, anywebo nomuti takazulwe. Amwaangunune, anywebo nomuyooangununwa. 38#Mk 4:24Amupe, anywebo munooyoopegwa. Kuyoopedwa mucamba canu iceelelo cibotu cisindaidwe, cuumidwe-umidwe, cizywide mwa. Nkaambo ceelelo ncomweelela bamwi, anywebo muyooelelwa nciconya.

39 # Mt 15:14; 23:16,24 Alimwi wakabaambila cikozyano kuti, Moofu ulasolwedela buti moofunyina? Sena boonse bobile tabakoowida mumulindi? 40#Mt 10:24-25; Joh 13:16; 15:20Sikwiiya tali mupati kwiinda mwiiyi wakwe, pele azyulila umwi umwi ulaba mbuli mwiiyi wakwe. 41Alimwi ulangilanzi katowe akali muliso lyamunyoko, anu toyeeyi isanga elyo ilili muliso lyako? 42Ino ulaambila buti munyoko kuti, Mukwesu, nkooko nkufule katowe muliso lyako, anu yebo toboni isanga ulili muliso lyako omwini? Osikuupaupa ameso yebo, saanguna ugwisye isanga ilili muliso lyako, noti bonesye kufula katowe akali muliso lyamunyoko. 43Nkaambo taakwe musamu mubotu uuzyala micelo mibi, nuuba musamu mubi uuzyala micelo mibotu. 44#Mt 12:33Musamu umwi umwi ulazibwa kumicelo yawo, inkuyu tazicelwa kumamvwa amusaansa kukalokananondwe. 45#Mt 12:34,35Umuntu mubotu ulagwisya zintu zibotu muciyobwedo cibotu camoyo wakwe, awalo muntu mubi muciyobwedo cibi, ugwisya zintu zibi, nkaambo mulomo wakwe uamba oko ukuzywide kumoyo.

46 # Mal 1:6; Mt 7:21 Ino mundyaambilanzi kuti, Mwami, Mwami, anu tamuziciti nzeŋamba 47Umwi umwi uuza kulindime, aswiilile makani aangu, aacite, ndamutondezya oyo ngwakozya. 48Ulikozyene amuntu uwakayaka ŋanda. Wahsya, mwiimbi walampa, wabika ntalisyo amwala. Elyo neyakasika miyoba, maanzi akauma ŋanda eyo, kwalo taakali enguzu zyakwiizungaanya, nkaambo yakayakwa nga. 49Pele uuswiilila buyo, taciti, ulikozyene amuntu uwakayaka ŋanda amusenga buyo, iitajisi ntalisyo. Amaanzi akiiumisya, ndilyonya yakawa, ubuwe bweŋanda eyo bwali bupati.

Currently Selected:

Luka 6: Ibbaib63

Highlight

Copy