Levitiko 19
19
Aimwi milao yamisyobo misyobo
1Lino Jehova wakaambila Musa kuti, 2#Lev 11:44-45; 20:7,26; 1 Pet 1:16; Kul 19:6; Ef 1:4; 1 Tes 4:7Ambila imbungano yoonse yabana ba-Israyeli kuti, Amusalale, nkaamboridasalala mebo nde Jehova Leza wanu. 3#Kul 20:8,12; 31:13; Dt 5:12,16; Matl 2:2; Neh 9:14; 13:15-21; Is 56:2; 58:13; Mk 2:27; Heb 4:9Amulemeke umwi aumwi wisi abanyina; alimwi amubambe masabata aangu. Ndime Jehova Leza wanu. 4#Lev 26:1; Kul 20:3-5,23; 34:17; Dt 27:15; 1 Kor 10:14Mutatobeli zikozyano zyamizimu, nekuba kulifulila baleza bambi. Ndime Jehova Leza wanu.
5Na mwatuulila Jehova cituuzyo cakutontozya, amucituule kuti citambulike. 6Cileelede kuligwa buzuba obo mbubonya bwakupaizya nanka mubuzuba butobela; na kwasyaala cintu mubuzuba bwatatu, citentwe amulilo. 7Na kwaligwa cintu neciba comwe mubuzuba bwatatu, ncisesemyo, tacitambuliki pe. 8Kufumbwa muntu uucilya ulaba amulandu, nkaambo wasofwaazya cintu cisalala ca-Jehova. Oyo muntu ulatandwa muciinga cakwe.
9 #
Lev 23:22; Dt 15:1-18; 24:19-22; Kul 23:11; Rut 2:15 Ciindi cakutebula zilyo zyamunyika yanu, utamanisyi kutebula muzyooko zyoonse, alimwi utamaninizyi zyakuvulula. 10#Int 41:1; 140:12; Tus 14:31; 22:16; Muk 5:8; Is 3:12-15; Jak 2:1-9Awalo muunda wako wamasaansa, utacelesyi micelo yoonse nekuba kubweza iilokela ansi. Uisiile bacete abeenzu, Ndime Jehova Leza wanu,
11 #
Kul 20:15,16; Dt 5:19,20; 1 Bam 13:18; Jer 9:3-5; Inc 5:3,4; Ef 4:25 Mutabbi nanka kucita calweeno nanka kubeja, umwi aumwi kumweenzinyina. 12#Kul 20:7; Dt 5:11; Mt 5:33Alimwi mutakonki cakubeja muzina lyangu kukusofwaazya izina lya-Leza wanu. Ndime Jehova.
13 #
Dt 24:14-15; Mal 3:5; Jak 5:4 Utapenzyi mweenzinyoko nekuba kumubbida. Zyakuvola zyasimilimo zitasyaali mumaanza aako mane kusikila kubucedo. 14#Dt 27:18; Rom 14:13; 1 Pet 2:17Utasampauli musinkematwi nanka kubika itanda kunembo lyamoofu. Uyoowe Leza wako. Ndime Jehova.
15 #
Kul 23:6-8; Dt 16:19; Int 82:2; Tus 24:23; Jak 2:9 Mutaciti zitaluleme mukubeteka kwanu; mutalangi ciimo camucete nekuba kuyoowa basimpuo; ubeteke mweenzinyoko cakululama. 16#1 Bam 21:13; Mt 26:60Uteendeendi mukulengelela twaambo akati kabantu bako; alimwi utalwisyi buumi bwamweenzinyoko. Ndime Jehova.
17 #
Mt 18:15; Matl 27:41; 1 Joh 2:9,11; 3:15; Lk 17:3 Utasuli munyoko mumoyo wako pe; amubuzyanye amweenzinyoko, kuti utabwezi cibi nkaambo kakwe. 18#Mt 5:43,44; 19:19; 22:39; Mk 12:31; Lk 10:27; Rom 13:9; 12:17; Gal 5:4; Jak 2:8Utaliyi inkoto nekuba kuba simfundilizi kubana babantu bako; yanda mweenzinyoko mbubonya mboliyanda omwini. Ndime Jehova.
19 #
Dt 22:9-11
Amubambe imbeta zyangu. Utazyazyi iŋombe zyako amusyobo umbi; utasyangi muunda wako ambuto zyamisyobo misyobo; alimwi utasami cikobela camasani aavwelene.
20Na mwaalumi walalika mwanakazi muzike uukalidwe kumuntu, pele tana kunununwa nanka kwaangunuka, baleelede kuumwa; batajayigwi pe, nkaambo takwakaangulukide. 21Aliletele cipaizyo camilandu kuli-Jehova kumulyango watente lyambunganino. Alete sijembwe, abe cipaizyo cakwe camilandu. 22Elyo mupaizi amumanine milandu asijembwe oyo wacipaizyo oko kunembo lya-Jehova, nkaambo kacibi ncaakabisya. Lino ulalekelelwa kucibi ncaakabisya.
23Mwasika kunyika akubyala misamu yoonse iiligwa, micelo yayo ilayeeyegwa kuti tiipalwidwe. Myaka yotatwe inooba mbuli iitapalwidwe. Italigwi. 24#Dt 12:17,18Lino mumwaka wane micelo yayo yoonse iyoosalala, ibe cipaizyo cakulumbya Jehova. 25Amumwaka wasanu muyoolya micelo yayo, kuti imuzyalile, ivule. Ndime Jehova Leza wanu.
26 #
Matl 9:4; Lev 7:26-27; 17:10-14; Dt 12:16,23; 15:23; 18:10; 2 Bam 17:17 Mutalyi abulowa, Mutawaazyi nekuba kusonda. 27#Lev 21:5; Dt 14:1; Jer 9:26Mutalikululi kuzyooko zyamitwe yanu; alimwi utabisyi zyooko zyacilezu cako. 28#Dt 14:1Mutalinengi amibili yanu nkaambo kabafu, nanka kulilembaula insimbo. Ndime Jehova.
29 #
Dt 23:17
Utasofwaazyi mwanaako musimbi kukumucitya buvuule, kuti nyika itabi nyika yabwaamu akuzula busofwi. 30#Lev 26:2; Muk 5:1Amubambe masabata aangu akulemeka cikombelo cangu. Ndime Jehova.
31 #
Dt 18:11; 1 Sam 28:3; 2 Bam 23:4; Is 8:19 Mutabiki myoyo yanu kulibasibusangu akubasondi, Mutabayandauli kukulisofwaazya ambabo, Ndime Jehova Leza wanu.
32 #
1 Bam 2:19; Tus 20:29; 23:22; 1 Tim 5:1 Buka kunembo lyabasimvwi akulemeka bapati, Amuyoowe Leza wanu, Ndime Jehova.
33 #
Kul 22:21; Dt 24:17-18; 27:19 Na kwaba mweenzu uukalakala munyika yanu, mutamupenzyi pe. 34#Kul 12:48; Dt 10:19Mweenzu uukala akati kanu abe mbubonya mbuli muzyalwemucisi; uleelede kumuyanda mboliyanda omwini; nkaambo anywebo mwakali beenzu mucisi ca-Egepita. Ndime Jehova Leza wanu.
35 #
Dt 25:13-16; Tus 20:10; Ezk 45:10 Mutaciti citaluleme mukubeteka mumakani aakweeleka bulamfu nanka kupima bulemu nanka kweeleka. 36#Dt 25:13,15; Tus 20:10Muleelede kuba azipimyo ziluleme amabwe aaluleme kukupimya bulemu, acisuwo ciluleme cakweelesya ankomeki iiluleme. Ndime Jehova Leza wanu iwakamugwisya munyika yaEgepita. 37#Dt 6:25; 5:1; Lev 18:4,5Amubambe milao yangu ambeta zyangu, muzicite zyoonse. Ndime Jehova.
Currently Selected:
Levitiko 19: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.