Levitiko 20
20
Milao yakukomba Moleki, ayabumambe, azintu zimwi
1Lino Jehova wakaambila Musa kuti, 2#2 Bam 17:17; 23:10; 2 Mak 33:6Ambila bana ba-Israyeli kuti, Kufumbwa muntu wabana ba-Israyeli, na wabeenzu bakalakala akati kaba-Israyeli, uupa bana bakwe kukupaizya Moleki, ncobeni oyo muntu uleelede kufwa, Bantu bacisi bamufuse mabwe, 3#Ezk 5:11; 23:38,39; My 19:20Ambebo njooba sinkondonyina oyo muntu akumutanda muciinga cakwe, nkaambo wapa Moleki lunyungu lwakwe, aboobo wasofwaazya cikombelo cangu akusampaula izina lyangu lisalala. 4Nkabela bantu bamunyika, na basisa meso aabo kumuntu oyo naapa Moleki lunyungu lwakwe, akutamujaya, 5#Kul 20:5; Lev 17:7mebo njoolwisya oyo muntu aluzubo lwakwe, njoobatanda muciinga cabo, nkokuti muntu oyo aboonse bamutobela kukucita bumambe a-Moleki.
6 #
Lev 19:31; 2 Bam 23:24 Alakwe muntu uubika moyo wakwe kulibasibusangu akubasondi akuya bucita bwaamu ambabo, njooba sinkondonyina oyo muntu akumutanda muciinga cakwe. 7#Kul 22:31; Mt 5:48; Ef 1:4; Kol 3:12; 1 Tes 5:23; 1 Pet 1:16Aboobo amulisalazye, musalale, nkaambo ndime Jehova Leza wanu. 8#Kul 31:13; Ezk 37:28Amubambe milao yangu, mwiicite. Ndime Jehova uumusalazya. 9#Kul 21:17; Mt 15:4; Mk 7:10; Dt 27:16; Tus 20:20; 2 Sam 1:16; 1 Bam 2:32Kufumbwa muntu uutukila wisi na banyina, ajayigwe. Mbwatukila wisi abanyina, bulowa bwakwe ngu mulandu wakwe,
10 #
Kul 20:14; Lev 18:20; Dt 5:18; 22:22; Jer 29:23; Joh 8:4,5; 1 Kor 6:9; Heb 13:4 Na muntu walalika mukamweenzinyina, balajayigwa boonse bobile, mwaalumi amwanakazi, ibakacita bumambe. 11#Lev 18:8; Dt 22:30; 27:20,23Alakwe muntu uulalika mukawisi, wavumbula cinswe cawisi; balajayigwa boonse bobile, Bulowa bwabo ngumulandu wabo. 12#Lev 18:15Amuntu uulalika mukamwanaakwe, ncobeni balajayigwa boonse bobile. Bacita malweza. Bulowa bwabo ngumulandu wabo. 13#Lev 18:22; Matl 19:5; Rom 1:25,32Alimwi na mwaalumi woona amwaaluminyina mbubonya mbuli koona amwanakazi, boonse buyo bacita cisesemyo. Ncobeni baleelede kufwa, Bulowa bwabo ngumulandu wabo. 14#Lev 18:17; Dt 27:23Amuntu uukwata mwanakazi, alimwi amwanaakwe mwanakazi oyo, ngemalweza. Batentwe mumulilo, mwaalumi abanakazi boonse, kuti kutabi malweza akati kanu. 15#Kul 22:19; Lev 18:23; Dt 27:21Na muntu woona amunyama, ncobeni uleelede kufwa, alakwe munyama ajayigwe. 16Alakwe mwanakazi, na waswanana amunyama kuti aone awe, muleelede kujaya oyo mwanakazi amunyama woonse. Ncobeni baleelede kufwa. Bulowa bwabo ngumulandu wabo.
17 #
Lev 18:9; Dt 27:22; Matl 20:12 Na muntu wabweza mucizi wakwe, naba mwana wawisi naba mwana wabanyina, akubona cinswe cakwe, alakwe mwanakazi wabona cinswe camunyinandumi, ncecintu cuusya bweeme. Baleelede kutandwa mumeso aabantu babo. Mbwaavumbula cinswe camucizi wakwe, ulapegwa mulandu. 18#Lev 18:19; 15:24Alimwi na muntu woona amwanakazi uuciswa akuvumbula cinswe cakwe, nkokuti wavumbula kasensa kakwe, alakwe mwanakazi wamuvumbwida kasensa kabulowa bwakwe, boonse bobile baleelede kutandwa muciinga cabo. 19#Lev 18:12-14Utavumbuli cinswe camucizi wauso na camucizi wabanyoko, nkaambo nkokuvumbula cinswe casiluzubonyoko, Bacita obo balapegwa mulandu. 20Alakwe muntu uuona amukasimizyaakwe, wavumbula cinswe casimizyaakwe; balapegwa mulandu; balafwa kabatajisi bana. 21#Lev 18:16Alimwi na muntu wakwata mukamunyina, ncecintu cisofweede; wavumbula cinswe camunyina; balafwa kabatajisi bana,
22 #
Lev 18:26; 19:37 Amubambe milao yangu yoonse ambeta zyangu zyoonse, muzicite, kuti nyika itamuluki oko nkonsi mutole kukukala mulinjiyo. 23#Dt 9:5Muteendi muziyanza zyabamasi mbentanda kubusyu bwanu, nkaambo balacita zintu ezi zyoonse, aboobo ndabasesemwa. 24#Kul 3:17; 6:8; 19:5; 33:16; Dt 7:6; 14:2; 1 Bam 8:53; Int 135:4; 1 Pet 2:9Lino nywebo, ndamwaambila kuti muyoovuba nyika yabo; ndamupa njiyo kuti mwiivube, nyika iikunka malili abuci, Ndime Jehova Leza wanu iwakamupambula kulibamasi. 25#Lev 11:47; Dt 14:4Amwaandaanye banyama basalala abasofweede, bayuni basofweede abayuni basalala; mutaliciti zisesemyo kubanyama akubayuni akuzilenge zyoonse ziyavula munyika; zyoonse nzendapambula kuti zisofwaale mumeso aanu. 26#Lev 19:2; Int 99:5; Is 6:3; 30:11; 1 Pet 1:16; Ciy 3:7; 4:8; Tit 2:14Amusalale mumeso aangu, nkaambo mebo nde-Jehova ndasalala, alimwi ndamupambula kulibamasi, kuti mube bangu.
27 #
Kul 22:18; Dt 18:10; 1 Sam 28:7 Kufumbwa muntu, naba mwaalumi naba mwanakazi, uujisi muuya wabusangu na wabusondi, ncobeni uleelede kujayigwa. Bafuswe mabwe. Bulowa bwabo ngumulandu wabo.
Currently Selected:
Levitiko 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.