Levitiko 18
18
Milao yankwato zitondwa amakani amwi
1Lino Jehova wakaambila Musa kuti, 2#Kul 6:7; Ezk 20:5Ambila bana ba-Israyeli kuti, Ndime Jehova Leza wanu. 3#Ezk 23:8; Kul 23:24Mutaciti mbuli ziyanza zyanyika ya Egepita, nkumwakakede; alimwimutaciti mbuli ziyanza zyanyika ya-Kanana, nkondimutola. Mutatobeli milao yabo pe. 4Amucite milao yangu akubamba imbeta zyangu, mweende mulinzizyo. Ndime Jehova Leza wanu. 5#Neh 9:29; Ezk 18:9; 20:11-13; Lk 10:28; Rom 10:5; Gal 3:12; Is 44:6; Jer 9:24; Mal 3:6Amubambe imbeta zyangu amilao yangu, nkaambo nzenzizyo ziletela muntu buumi kufumbwa uuzicita, Ndime Jehova.
6Kutabi muntu akati kanu uuswena kulisiluzubonyina kuti amuvumbwide cinswe. Ndime Jehova. 7Toelede kuvumbula cinswe causo, nkokuti cinswe cabanyoko; mbubali banyoko, utabavumbwidi cinswe. 8#Lev 20:11; Dt 22:30; 27:20; Matl 49:4; 1 Kor 5:1Toelede kuvumbula cinswe camukauso, nkaambo ncecinswe causo. 9#Lev 20:17; Dt 27:22; 2 Sam 13:12Acalo cinswe camucizi wako, mwana wauso na mwana wabanyoko, naba muzyalwemuŋanda naba muzyalwekule utabavumbwidi cinswe pe. 10Acalo cinswe camwana wamwanaako mwaalumi na wamwanaako musimbi, utabavumbwidi cinswe pe, nkaambo ncecinswe cako omwini. 11Acalo cinswe camwana wamukauso, ngwaakazyala uso, ngumucizi wako, utamuvumbwidi cinswe. 12#Lev 20:19-20Toelede kuvumbula cinswe camucizi wauso, nkaambo ndoluzubo lwauso. 13Toelede kuvumbula cinswe camucizi wabanyoko, nkaambo ndoluzubo lwabanyoko, 14Acalo cinswe camunyina uso tnwaalumi, utamuvumbwidi cinswe pe; utayi kubanakwe, nkaambo mbanyoko. 15#Lev 20:12; Matl 38:18; Ezk 22:11Toelede kuvumbula cinswe camukamwanaako; mbwali mukamwana wako, utamuvumbwidi cinswe pe. 16#Lev 20:21; Mt 14:3,4; 22:24Toelede kuvumbula cinswe camukamunyoko, nkaambo ncecinswe camunyoko. 17#Lev 20:14; Dt 27:23Utavumbuli cinswe camwanakazi acinswe camwanaakwe; alimwi utatoli mwana wamwanaakwe, naba mwaalumi naba mwanakazi, kuti umuvumbwide cinswe, nkaambo ndoluzubo lwabo. Ngamalweza. 18#Matl 30:15; Mal 2:15Alimwi utatoli mwanakazi kuti abe mukwatwanyina kumucizi wakwe kukumupenzya; utamuvumbwidi cinswe, mucizi wakwe naaci muumi.
19 #
Lev 20:18; Ezk 18:6 Utasweni kumwanakazi kukumuvumbwida cinswe kuciindi cakutondwa kwakwe. 20#Lev 20:10; Tus 6:29; Mal 3:5; Mt 5:27,28; 1 Kor 6:9; Heb 13:4Utalaliki mukamweenzinyoko kukulisofwaazya anguwe. 21#Lev 20:1-5; 2 Bam 16:3; Jer 19:5; 1 Bam 11:7,33; Ezk 36:20; Mal 1:12; Is 42:8Utapi bana bako kukutentela Moleki, kuti utasofwaazyi izina lya-Leza wako. Ndime Jehova. 22#Lev 20:13; Rom 1:27; 1 Tim 1:10Utaoni amwaaluminyoko mbubonya mbuli koona amwanakazi; malweza. 23#Kul 22:18; Lev 20:15-16; Dt 27:21Utaoni amunyama akulisofwaazya awe; alakwe mwanakazi ataoni amunyama; ndupilingano.
24 #
Mt 15:18; 1 Kor 3:17; Dt 18:12 Mutalisofwaazyi azintu ezi zyoonse, nkaambo zintu ezi zyoonse nzezizyo nzibakalisofwaazya bamasi mbentanda kubusyu bwanu. 25#My 35:34; Is 24:5; 26:21; Jer 9:9; 16:18Nyika yakasofwaazigwa, aboobo ndakaiboozezya bulumbu bweelede zibi zyayo, nkabela nyika yakaluka bantu bakede mulinjiyo. 26Lino nywebo, amubambe milao yangu ambeta zyangu. Mutaciti zisesemyo zili boobu, pe, naba muzyalwemucisi naba mweenzu uukalakala akati kanu, 27(nkaambo bantu ibakamutaangunina kukala mucisi bakacita zisesemyo ezi zyoonse, aboobo nyika yakasofwaazigwa); 28kuti nyika itamuluki, nemwaisofwaazya, mbubonya mbuli mbuyakaluka bantu ibakamutaangunina. 29Nkaambo kufumbwa bantu bacita zisesemyo zili boobu, abo bantu balatandwa muciinga cabo. 30Nkaambo kako amubambe imbeta zyangu, mutaciti neciba cimwi caziyanza ezi zisesemya izyakacitwa kunembo lyanu. Mutalisofwaazyi anzizyo pe. Ndime Jehova Leza wanu.
Currently Selected:
Levitiko 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.