Levitiko 16

Buzuba bupati bwakumanya milandu

1 # Lev 10:1,2 Lino kusule lyalufu lwabana bobile ba-Aroni, ciindi eco nebakaswena kuli-Jehova akufwa, Jehova wakaambaula a-Musa, 2#Heb 6:19; Kul 30:10; Lev 23:27,28; Heb 9:7; 10:19; Kul 25:22; 40:34; 1 Bam 8:10-12Jehova wakaa mbila Musa kuti, Ambila munyoko Aroni kuti atanoonjili ziindi zyoonse mubusena busalalisya loko mukati kacisitilizyo, kunembo lyacuuno caluzyalo atala lyabbokesi lya-Leza, kuti atafwi, nkaambo noolibonya mujoba atala lyacuuno caluzyalo. 3#Heb 9:7-25; Lev 4:3Pele mbuboobu Aroni mbweelede kunjila mubusena busalala. Aletelele kacende kabe cipaizyo cazibi, amugutu abe cipaizyo cakutenta. 4#Kul 28:39; Lev 6:10; Ezk 44:17; Flp 2:7; Heb 2:14; Int 93:5; Kul 30:20; Heb 10:22Asame cibaki cisalalisya cituba, akabbudula katuba mucikungu, alukumba lwasani lituba, acitambala casani lituba amutwe. Nzeezyo zyakusama zisalalisya. Asambe amubili, azisame, 5#Lev 4:14; My 29:11; 2 Mak 29:21; Ezr 6:17; Ezk 45:22Alimwi kumbungano yabana ba-Israyeli atambule basijembwe bobile, babe cipaizyo cazibi, amugutu omwe abe cipaizyo cakutenta.

6 # Lev 9:7; Heb 5:1,2; 7:27,28 Lino Aroni alete kacende kacipaizyo cazibi zyakwe alike, amanye milandu yakwe amilandu yabasiŋanda bakwe, 7Amana obo, alete basijembwe bobile akubaimika kubusyu bwa-Jehova kumulyango watente lyambunganino. 8Nkabela Aroni uleelede kuwaalila basijembwe zisolo, cimwi cibe ca-Jehova acimwi cibe ca-Azazeli. 9#Tus 16:33Lino Aroni alete oyo sijembwe iwakawidwa cisolo ca-Jehova, amutuule, abe cipaizyo cazibi, 10#Is 53:4-10; Heb 7:26; 9:23,24; Rom 3:25; 2 Kor 5:21; 1 Joh 2:2pele sijembwe iwakawidwa cisolo ca-Azazeli aletwe ucili mumbulu kuli-Jehova, kuti kwaambawidwe milandu alinguwe, atandilwe musokwe kuli-Azazeli.

11Lino Aroni alete kacende kacipaizyo cazibi cakwe alike, amanye milandu yakwe amilandu yabasiŋanda bakwe, Ajaye ako kacende, kabe cipaizyo cazibi zyakwe mwini. 12#Lev 10:1; My 16:18; Ciy 8:5; Kul 30:34; 31:11; 37:29; Ciy 8:3,4Lino abweze lukaye luzwide makala aamulilo kuzwa kucipaililo cili kubusyu bwa-Jehova, abweze amaanza aakwe aazwide tununkilizyo tubotu tuziidwe kabotu, azinjizye mukati kacisitilizyo. 13#Kul 31:7,8; My 16:7,18,46; Ciy 8:3,4; 1 Tim 6:16; Kul 25:21,22Lino abike tununkilizyo amulilo kubusyu bwa-Jehova, kuti busi bwatununkilizyo buvumbe cuuno caluzyalo cili abbokesi lyacizuminano, kuti atafwi. 14#Heb 10:4Alimwi akombole bulowa bwakacende, asansaile amunwe wakwe kunembo lyacuuno caluzyalo kujwe, akwalo kunembo lyacuuno caluzyalo asansaile amunwe wakwe ziindi zili musanu azibili.

15 # Heb 2:17; 6:19; 9:12 Amana obo ajaye sijembwe wacipaizyo cazibi cabantu, anjizye bulowa bwakwe mukati kacisitilizyo, acitile bulowa obo mbubonya mbwaakacitila bulowa bwakacende, abusansaile acuuno caluzyalo akunembo lyacuuno caluzyalo. 16#Kul 29:36Aboobo ulamanya milandu yacikombelo, nkaambo kabusofwi bwabana ba-Israyeli amilandu yabo azibi zyabo zyoonse. Alyalo itente lyambunganino ulalicitila mbubonya, nkaambo lilikede abo mukati kabusofwi bwabo. 17#Lk 1:10Nkabela takweelede kuba muntu naba omwe mutente lyambunganine naniila kukumanya milandu mubusena busalala, mane azwe, amana kumanya milandu yakwe ayabasiŋanda bakwe ayambungano yoonse yabaIsrayeli. 18#Heb 9:22Amana obo ainke kucipaililo cili kunembo lya-Jehova, amanye milandu yaco, Akombole bulowa bwakacende abulowa bwasijembwe, abulambe ameja aacipaililo. 19#Ezk 43:20Asansaile bulowa amunwe wakwe ziindi zili musanu azibili alincico, kuti acisalazye akucisupuzya kubusofwi bwabana ba-Israyeli.

20 # Ezk 45:20 Lino amana kumanya milandu yabusena busalala ayatente lyambunganino ayacipaililo, alete sijembwe muumi. 21#Is 53:6Elyo Aroni abike maanza aakwe oonse obile amutwe wasijembwe muumi, alyaambe alinguwe milandu yoonse yabana ba-Israyeli ansotoko zyabo zyoonse azibi zyabo zyoonse, azibike amutwe wasijembwe, amutandile musokwe kujanza lyamuntu uulibambide. 22#Int 103:1-13; Mt 8:17; Joh 1:29; Heb 9:28; 1 Pet 2:24Aboobo sijembwe ulatolelela milandu yabo yoonse kuntantaanwa. Lino amuleke sijembwe ainke musokwe.

23 # Ezk 44:19; 42:14; Flp 2:6-11 Mpawo Aroni anjile mutente lyambunganino, asamunune zyakusama zyamasani aatuba nzyaakasamide ciindi cakunjila mubusena busalalisya, azisie nkukonya oko. 24Asambe amubili omo mubusena busalala akusama zyakusama zyakwe. Amana obo azwe kukutuula cipaizyo cakwe cakutenta acipaizyo cabantu, kuti amanye milandu yakwe amilandu yabantu. 25#Kul 29:13; Lev 4:10Amafuta aacipaizyo cazibi aatente acipaililo. 26#Lev 15:5; Heb 9:10Amuntu oyo uutola sijembwe kuli-Azazeli, alakwe asanzye zyakusama zyakwe akusamba amubili, elyo anjile mumunzi. 27#Heb 13:11; Lev 8:17; 4:12; 6:30Alimwi kacende kacipaizyo cazibi asijembwe wacipaizyo cazibi, bali abulowa ibwakaletwa kukumanya milandu yabusena busalala, batolwe anze lyamunzi, Zikanda zyabo anyama yabo azifusi zyabo zyoonse zitentwe mumulilo. 28Ayooyo uuzitenta uleelede kusanzya zyakusama zyakwe akusamba amubili, elyo anjile mumunzi.

29 # Lev 23:26-32; My 29:7-11; Kul 30:10; Is 58:3,5; Dan 10:3,12 Uyooba mulao walyoonse kulindinywe. Mumwezi wamusanu aibili, mubuzuba bwakumi bwamumwezi, muleelede kubombya myoyo yanu, Mutaciti milimo niiba imwi, nebaba bazyalemucisi nebaba beenzu bakalakala akati kanu. 30#Ezk 36:25; Jer 33:8; Tit 2:14; Ef 5:26; Heb 9:13,14; 1 Joh 1:7,9Nkaambo buzuba obo mbobuzuba bwakumanya milandu yanu abwakumusalazya kuzibi zyanu, kuti musalale mumeso aa-Jehova. 31#Kul 31:15; 35:2; Lev 23:32; 25:4Mbobuzuba bwa-Sabata, buzuba busalalisya bwakulyokezya abwakubombya myoyo yanu; ngumulao walyoonse. 32#Kul 29:29; My 20:26Mupaizi uunanikwa, uusalazigwa kuti abe mupaizi mucibaka cawisi, ngonguwe uuelede kumanya milandu, Nguuelede kusuma zyakusama zyamasani aatuba, zyakusama zisalalisya, 33kuti amanye milandu yabusena busalala, amilandu yatente lyambunganino ayacipaililo, amilandu yabapaizi ayabantu boonse bambungano. 34#Lev 23:31; My 29:7; Kul 30:10; Heb 9:7,25Oyu mulao ulaba mulao walyoonse kulindinywe, kuti milandu yabana ba-Israyeli imanisigwe komwe mumwaka nkaambo kazibi zyabo. Nkabela Musa wakacita mbubonya mbuli Jehova mbwaakamulailila.

Currently Selected:

Levitiko 16: Ibbaib63

Highlight

Copy